ભારતની વર્લ્ડ કપ ટીમમાં આની મોટી અછત પડશે: ગૌતમ ગંભીર

ક્રિકેટરમાંથી રાજનેતા બનેલા ગૌતમ ગંભીરે વર્લ્ડકપ ટીમના 15 સભ્યની ટુકડી પર નિશાન તાક્યું છે. ગૌતમ ગંભીરે ભારતીય ટીમમાં વર્લ્ડ કપ માટેની ટીમની મોટી ભુલ હાઈલાઇટ કરી છે. ગૌતમ ગંભીર માને છે કે ટીમ ઇન્ડિયામાં ગુણવત્તાવાળા ફાસ્ટ બોલરની અછત છે. બે વખતના ચેમ્પિયન ભારતના વર્લ્ડ કપમાં 5 જુને સાઉથેમ્પ્ટનમાં દક્ષિણ આફ્રિકા સામે તેની પ્રથમ મેચ રમશે.

2007માં, T-20 અને 2011માં ભારતીય ટીમને વર્લ્ડકપ જીતાડનારા ગૌતમ ગંભીરે કહ્યું હતું કે, મને લાગે છે કે ટીમમાં ગુણવત્તાસભર ફાસ્ટ બોલરનો અભાવ છે. જસપ્રિત બુમરાહ, મોહમ્મદ શામી અને ભુવનેશ્વર કુમારને વધારે સપોર્ટની જરૂર છે. તમે કહી શકો કે ભારતીય ટીમમાં હાર્દિક પંડ્યા અને જસપ્રિત જેવા બોલર છે હું તેમના પર વિશ્વાસ કરી શકતો નથી. આ ખેલાડીઓ ટીમના સંયોજન માટે એકદમ ફિટ નથી. સીએટ ક્રિકેટ રેટિંગ આંતરરાષ્ટ્રીય પુરસ્કારોને સંબોધતા, ગૌતમ ગંભીરે ટીમના સંયોજન પર પ્રશ્ન કર્યો હતો. જોકે, ગંભીર હજુ પણ ટીમમાં માને છે. પૂર્વ દિલ્હી લોકસભા બેઠક પરથી ઉમેદવાર ગૌતમ ગંભીરે કહ્યું કે, તે ખૂબ જ સારી ટુર્નામેન્ટ છે, કારણ કે દરેક ટીમને અન્ય ટીમનો સામનો કરવાની તક હશે. રોબિન રાઉન્ડ સ્વરૂપ ખરેખર વાસ્તવિક ચેમ્પિયન બનાવે છે.

2019 વર્લ્ડ કપ ગૌતમ ગંભીરે ભારતની સાથે સાથે ઓસ્ટ્રેલિયા, ઇંગ્લેન્ડ અને ન્યુઝીલેન્ડને પોતાની પસંદગીની ટીમોમાં સામેલ કરી છે. ગંભીર માને છે કે આ ક્ષણે ઓસ્ટ્રેલિયા પાસે સારી બોલિંગ લાઇનઅપ છે. તે જ સમયે, ઈંગ્લેન્ડ હોસ્ટિંગનો લાભ મેળવી શકે છે. ન્યુઝિલેન્ડે તાજેતરના સમયમાં સારી કામગીરી કરી છે. આ અર્થમાં, ન્યુઝિલેન્ડ પણ મોટો અપસેટ સર્જી શકે છે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.