IPL 2019: 10 વર્ષ પછી પહેલીવાર હરાજીમાં બોલી લગાવતા જોવા નહીં મળે આ દિગ્ગજ

PC: cricketaddictor.com

ઇન્ડિયન પ્રીમિયર લીગ (આઈપીએલ)ની 12મી એડિશન માટેની હરાજી પ્રક્રિયા અંતિમ તબક્કામાં છે અને તમામ ફ્રેન્ચાઇઝીઓ તેના માટે તૈયાર જોવા મળી રહી છે. 18મી ડિસેમ્બરે જયપુરમાં થનારી ખેલાડીઓની હરાજીમાં આ વખતે 'ધ હેમરમેન' એટલે કે હરાજી કરનાર રિચાર્ડ મેડલી બોલી લગાવતા જોવા નહીં મળે. આ વખતે હરાજી દરમિયાન 1003 ખેલાડીઓ પર બોલી લગાવવામાં આવશે જેમાંના 746 ભારતીયો છે.

એક દાયકાથી પણ વધુ સમય માટે રમવામાં આવતી લીગમાં આ વખતે પ્રથમવાર એવું બન્યું છે કે જ્યારે મેડલી આ હરાજીમાં જોવા નહીં મળે. તેમની જગ્યાએ હ્યુ એડમીડ્સ ખેલાડીઓની બોલી લગાવશે. હ્યુ એડમીડ્સ ક્લાસિક કારના હરાજીકર્તા છે. એડમીડ્સને હરાજીમાં બોલી લગાવવાનો 30 વર્ષનો અનુભવ છે. મેડલીએ પોતે જ ટ્વિટર પર ટ્વિટ કરીને જાણ કરી હતી કે આ વખતે તે આઈપીએલનો ભાગ નહીં હોય. મેડલીએ ટ્વિટ કરતાં લખ્યું હતું કે, 'આઇપીએલ 2019ની હરાજીને આયોજિત ન કરવા બદલ હું દિલગીર છું. આઈપીએલના પ્રારંભથી હું આ રમતનો ભાગ રહ્યો છું તે મારા માટે સન્માનીય વાત છે. હું ભારત અને તેની બહારના ઘણાં મિત્રોને મિસ કરીશ. તમારા દ્વારા અપાયેલા આદર માટે આભાર. ધ હેમરમેન.'

આ વખતે હરાજીમાં 800 જેટલા એવા ખેલાડીઓ છે જેઓ અગાઉ ક્યારેય આઈપીએલમાં રમ્યા નથી. લીગના ઇતિહાસમાં આવું પહેલી વખત છે કે 9 રાજ્યોના ખેલાડીઓએ પોતાની હરાજી માટે રજિસ્ટ્રેશન કરાવ્યું છે. આ રાજ્યોમાં અરુણાચલ પ્રદેશ, બિહાર, મણિપુર, મેઘાલય, મિઝોરમ, નાગાલેન્ડ, સિક્કીમ, ઉત્તરાખંડ અને પુડુચેરી શામેલ છે. જેને આ વર્ષે બીસીસીઆઈએ સ્થાનિક ક્રિકેટ રમવાની મંજૂરી આપી છે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.

ગુજરાતનું અગ્રેસર ન્યૂઝ પોર્ટલ, અહીં વાત થાય છે માત્ર ગુજરાત અને ગુજરાતનાં હિતની... Download Khabarchhe APP www.khabarchhe.com/downloadApp