શિખર ધવને IPLમા આ રૅકોર્ડ બનાવનાર વિશ્વનો પ્રથમ ખેલાડી બન્યો

પંજાબ કિંગ્સે જીત સાથે IPL 2022નો અંત કર્યો. છેલ્લી લીગ મેચમાં પંજાબની ટીમે સનરાઈઝર્સ હૈદરાબાદને હરાવ્યું હતું. આ મેચ દરમિયાન પંજાબ કિંગ્સના ઓપનર શિખર ધવને એક નવો રૅકોર્ડ બનાવ્યો, જે ટૂર્નામેન્ટના ઈતિહાસમાં 700 બાઉન્ડ્રી ફટકારનાર પ્રથમ ખેલાડી બન્યો. ધવને આ સિદ્ધિ હૈદરાબાદ સામે હાંસલ કરી હતી, જેના માટે તે લાંબા સમયથી રમ્યો હતો.

ડાબોડી બેટ્સમેન શિખર ધવને IPL 2022ની છેલ્લી લીગ મેચમાં સનરાઈઝર્સ હૈદરાબાદ સામે પ્રથમ ચોગ્ગા ફટકાર્યા, તે આ લીગમાં 700 ચોગ્ગા મારનાર પ્રથમ ખેલાડી બન્યો. એટલું જ નહીં આ લીગમાં અત્યાર સુધી કોઈ બેટ્સમેન 600 ચોગ્ગા ફટકારી શક્યો નથી, પરંતુ ધવનના ચોગ્ગાની સંખ્યા 700ને પાર કરી ગઈ છે. બેટ્સમેન માટે આ એક મોટી વાત છે.

ધવને અત્યાર સુધીમાં 206 IPL મેચોની 205 ઇનિંગ્સમાં 6244 રન બનાવ્યા છે, જેમાંથી 2804 રન માત્ર ચોગ્ગાની મદદથી જ બન્યા છે. તેણે IPLમાં અત્યાર સુધીમાં 701 ચોગ્ગા ફટકાર્યા છે. બીજા નંબર પર સૌથી વધુ ચોગ્ગા મારવાના મામલામાં વિરાટ કોહલીનું નામ છે, જેણે અત્યાર સુધીમાં 576 ચોગ્ગા ફટકાર્યા છે. આ સાથે જ ડેવિડ વોર્નરે IPLમાં 561 ચોગ્ગા ફટકાર્યા છે. રોહિત શર્માના બેટમાંથી 519 ચોગ્ગા આવ્યા છે, જ્યારે સુરેશ રૈનાએ 506 ચોગ્ગા ફટકાર્યા છે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.