ગુજરાત રાજ્ય મહિલા આયોગના અધ્યક્ષાને રાષ્ટ્રીય મહિલા આયોગે ઍવોર્ડ આપ્યો

નેશનલ કમિશન ફોર વીમેન, નવી દિલ્હી દ્વારા 29 માં સ્થાપના દિન નિમિત્તે તા. 31 જાન્યુઆરી 2021ના રોજ વિજ્ઞાન ભવન, નવી દિલ્હી ખાતે ‘કોવિડ વુમેન વોરીયર્સ- ધ રીયલ હીરોઝ’ અંતર્ગત વર્કશોપનું આયોજન કરવામાં આવ્યુ હતુ. આ વર્કશોપમાં ગુજરાત રાજ્ય મહિલા આયોગના અધ્યક્ષા લીલાબેન અંકોલીયાની ઉત્કૃષ્ઠ કામગીરીને બિરદાવી રાષ્ટ્રિય મહિલા આયોગ દ્વારા તેમનુ ઍવોર્ડથી વિશેષ સન્માન કરવામાં આવ્યુ હતુ.

ભારતીય રાષ્ટ્રીય મહિલા આયોગ દ્વારા તાજેતરમાં કોવિડ-19ના કપરા સમય દરમિયાન ગુજરાત રાજ્ય મહિલા આયોગના અધ્યક્ષા લીલાબેન અંકોલીયાની ઉત્કૃષ્ઠ કામગીરીને બિરદાવીને રાષ્ટ્રિય મહિલા આયોગના અધ્યક્ષા રેખા શર્મા દ્વારા ઍવોર્ડ આપીને સન્માનિત કરાયા હતા. કોવિડ વોરીયર્સ હીરોઝ સન્માનના આ રાષ્ટ્રિય કક્ષાના કાર્યક્રમમાં ગુજરાત મહિલા આયોગ દ્વારા કરવામાં આવેલી કામગીરીને વિશેષ નોંધ લેવામાં આવી હતી.

ગુજરાત મહિલા આયોગ દ્વારા કોવિડ-19 દરમિયાન મહિલાઓને લગતા કૌટુંબિક પ્રશ્નોના નિકાલ તેમજ પીડિત મહિલાઓને ન્યાય અપાવવા 33 વેબિનાર યોજવામાં આવ્યા હતા. તદુપરાંત મહિલાઓને આવશ્યક ચીજ વસ્તુઓ પૂરી પાડવામાં આવી તેમજ માસ્ક, સેનીટાઈઝેશનનો વારંવાર ઉપયોગ, સાબુથી વારંવાર હાથ ધોવા, સોશ્યલ ડીસ્ટન્સનુ પાલન કરવુ સહિતની લોકજાગૃતિ કેળવવાના કાર્યક્રમો કરવામાં આવ્યા હતા. વિષમ સંજોગોમાં પણ મુશ્કેલીઓનો સામનો કરીને ગુજરાત રાજ્ય મહિલા અયોગનુ જે નિયમિત કામકાજ હતુ તે ઉપરાંત વધારાની કામગીરી કરીને સેવાનુ ઉત્તમ ઉદાહરણ પૂરુ પાડયુ છે.

આ કાર્યક્રમમાં કેન્દ્રીય માહિતી અને પ્રસારણ મંત્રી પ્રકાશ જાવડેકર, કેન્દ્રના રાજ્ય કક્ષાના સામાજીક ન્યાય અને અધિકારીતા અને જળશક્તિ મંત્રી રતનલાલ કટારીયા, તથા નેશનલ કમિશન ફોર વીમેનના અધ્યક્ષા રેખા શર્મા, કેન્દ્રીય મહિલા અને બાળ વિકાસ વિભાગના સચિવ રામ મોહન મિશ્રા, તેમજ વિવિધ રાજયોના ચેરપર્સન આ વર્કશોપમાં ઉપસ્થિત રહ્યા હતા.

ગુજરાત રાજ્ય મહિલા આયોગના અધ્યક્ષા તરીકે તેઓ છેલ્લા 11 વર્ષોથી કાર્યરત છે. મહિલાઓના કેસોમાં ન્યાયીક, સંવેદનશીલ, તટસ્થ તેમજ ખૂબ ઝડપી હોવાથી મહિલાઓ માટે આશીર્વાદરુપ છે. તેઓના કાર્યકાળ દરમિયાન 181 અભયમ્, 270 નારી અદાલતો, મહિલાઓની જાગૃતિ માટેના 400 નારી સંમેલનો, મહિલાઓના કાયદાકીય હકક માટેની કાયદાકીય શિબિર, યુનિવર્સિટી વર્કશોપ યોજવામાં આવ્યા. પિડિત મહિલાઓને રોજગારીની તકો મળી રહે તે માટે 4પ કરતા વધારે કાયદાકીય શિબિરો યોજવામાં આવેલ છે.

• મહિલાઓના પ્રશ્નો ફોન પર સાંભળી તેનુ કાઉન્સીલીંગ કરી એમને જરુરી મદદ પૂરી પાડવામાં આવેલ છે.
• જરુરિયાત મંદ શ્રમિક મહિલાઓને જમવાનુ આપેલ, શ્રમિકોને એક રાજ્યમાંથી બીજા રાજ્યમાં મોકલવાની કામગીરી કરેલ છે.
• ગરીબ મહિલાઓને અનાજની કીટનુ વિતરણ.
• જરુરિયાત કુટુંબોને જીવન જરુરી ચીજ વસ્તુઓ લેવા માટે આર્થિક સહાય કરવામાં આવેલ છે.
• સીનીયર સીટીઝન્સનુ ફોન દ્વારા કાઉન્સીલીંગ કરવામાં આવેલ છે. સીનીયર સીટીઝન લોકોને જમવાની વ્યવસ્થા કરવામાં આવી હતી.
• 22 જેટલા ફસાયલા મજૂરોને પણ જમવાની વ્યવસ્થા કરવામાં આવેલ છે.
• લોકડાઉનમાં કોરોનાની વૈશ્વિક મહામારીમાં મહિલાઓની માનસિક સ્થિત પર હિંમત રાખવા અંગે એન.જી.ઓ. સાથે વિડિયો કોન્ફરન્સ કરી મહિલાઓ સાથે વાર્તાલાપ કરવામાં આવેલ છે.
• લોકડાઉનમાં કોરોનાની વૈશ્વિક મહામારીમાં માનસિક સ્થિતિ પર હિંમત રાખવા અંગે ફેસબુકના માધ્યમથી વિડિયો દ્વારા મહિલાઓને સતત માર્ગદર્શન આપવામાં આવેલ છે.
• ઘરમાં રહેલ વૃદ્ધ, વડિલો, બાળકો તથા પરિવારને સારસંભાળ રાખવા અંગેની સમજ આપવામાં આવેલ છે.
• કોરોના થયેલ હોય તેવા લોકોને હોસ્પિટલ સુધી પહોંચાડવાની વ્યવસ્થા તેમજ હિંમત રાખવાની સમજ આપવામાં આવેલ છે. ફોન/ટોલ ફ્રી દ્વારા સતત કાઉન્સલીંગ કરવામાં આવતુ હતુ.
• લોક ડાઉન દરમિયાન ઘરેલુ હિંસાના બનાવોમાં મહિલાઓને તાત્કાલિક મદદ પૂરી પાડવાનુ કામ કરેલ છે.
• કોવિડ-2019 દરમિયાન ગુજરાત રાજ્ય મહિલા આયોજના માન. અધ્યક્ષા લીલાબેન અંકોલીયા દ્વારા મહિલાઓને આત્મબળ મળે તે હેતુથી ગુગલ એપ દ્વારા સંચાલિત નારી અદાલતમાં ફરજ બજાવતા જીલ્લાના જીલ્લા કો-ઓર્ડીનેટર તેમજ તાલુકા કો-ઓર્ડીનેટર સાથે 33 જીલ્લાઓમાં વેબિનાર દ્વારા ગુગલ મીટીંગ કરવામાં આવેલ.
• ગુજરાત રાજ્ય મહિલા આયોગ દ્વારા તા. 24/03/2020 થી તા. 31/05/2020 સુધી લોકડાઉન દરમિયાન ગુજરાત રાજ્ય મહિલા આયોગની હેલ્પલાઇન-1800 233 1111 તેમજ ટેલીફોન દ્વારા અરજદારોની રજુઆતો મેળલ. જે અન્વયે આયોગના કાઉન્સીલર દ્વારા કાઉન્સલીંગ કરી મદદ કરવામાં આવેલ છે.
• ગુજરાત રાજ્ય મહિલા આયોગ દ્વારા તા. 24/03/2020 થી તા. 31/05/2020 સુધી લોકડાઉન દરમિયાન ગુજરાત રાજ્ય મહિલા આયોગના ઇમેઇલ [email protected] તથા [email protected] પર ઇમેઇલ દ્વારા રજુઆત મળેલ છે જેને યોગ્ય કાર્યવાહી અર્થે સબંધિત વહીવટી વિભાગોને મોકલી આપવામાં આવેલ છે તેમજ ટેલીવીઝન દ્વારા પ્રસારિત થયેલ સમાચારથી સુઓમોટો દ્વારા જે તે જીલ્લાના પોલીસ કમિશ્નર અને પોલીસ અધિક્ષકને જરુરી કાર્યવાહી અર્થે મોકલી આપેલ છે.
• ગુજરાત રાજ્ય મહિલા આયોગમાં અસંખ્ય અરજીઓ મળેલ છે. જેમાં યોગ્ય કાર્યવાહી અર્થે સબંધિત જીલ્લાના પોલીસ કમિશ્નર તથા જીલ્લા પોલીસ અધિક્ષકને જરુરી કાર્યવાહી અર્થે મોકલી આપેલ છે તથા રુબરુ દરરોજ સુનાવણી રાખવામાં આવી હતી.
• રાષ્ટ્રીય કક્ષાએ કોવિડ વુમેન વોરીયર્સ- ધ રીયલ હીરોઝ ઍવોર્ડ મળ્યા પછી પ્રધાનમંત્રી નરેન્દ્ર મોદીની તા.2/2/2021ના રોજ શુભેચ્છા મુલાકાત લીધી હતી.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.