Top 25 ટેસ્ટ બેટ્સમેન્સની યાદી તૈયાર કરતા પહેલા એક નજર ફોર્મ્યુલા પર

બે સપ્તાહમાં આપણે વિશ્વના શ્રેષ્ઠ ઓલરાઉન્ડર્સ વિશે જોયું. એ સિરીઝની સફળતા બાદ મેં હવે એક નવું સાહસ શરૂ કર્યું છે, જે અંતર્ગત મને વિશ્વના Top 25 ટેસ્ટ બેટ્સમેન્સની એક યાદી તૈયાર કરવાની ઈચ્છા છે. જોકે આ યાદી તૈયાર કરવી કંઈ ખાવાના ખેલ નથી. કારણ કે માત્ર રન કે એવરેજના આધારે આપણે એ બેટ્સમેનોની મનઘડંત યાદી તૈયાર કરી શકાય નહીં. આ માટે જરૂર છે કેટલાક માપદંડો, પદ્ધતિસરનો અભ્યાસ, કલાકોનું સંશોધન અને યોગ્ય તર્કની! આ બધી બાબતોને કેન્દ્રમાં રાખીને જ મેં વિશ્વના Top 25 ટેસ્ટ બેટ્સમેન્સની યાદી તૈયાર કરી છે. પણ… પણ… પણ… આ યાદી પર નજર કરીએ એ પહેલા આ યાદી કઈ રીતે તૈયાર થઈ છે એની ફોર્મ્યુલા તરફ એક નજર કરવી કે એ ગણિત સમજવું અત્યંત જરૂરી બની રહે છે. એટલે આ અઠવાડિયે આપણે યાદી તરફ નહીં પરંતુ આ યાદી કઈ રીતે તૈયાર થઈ એના ગણિત તરફ એક નજર કરીએ.

‘Khabarchhe.com’ની આ એક્સક્લુઝિવ યાદીમાં મેં ખેલાડીઓનું ટોટલ એવરેજ રેટિંગ 900 પોઈન્ટ્સનું છે. આ 900 પોઈન્ટ્સ નીચેની ત્રણ અલગ અલગ કેટેગરીઝમાં વિભાજીત છે.

Quality Points: 637.5

Career Point: 112.5

Peak Performance (સર્વશ્રેષ્ઠ તબક્કો): 150

હવે આપણે નીચેના કોષ્ટક દ્વારા ફોર્મ્યુલા તરફ એક નજર કરીએ.

1* શ્રેષ્ઠ બોલિંગની સામે મારેલા ઓછા રન નબળી બોલિંગની સામે મારેલા વધુ રન કરતા મહત્ત્વના ગણાશે.

2* અર્થવિહિન કે અપૂર્ણ (દોઢસો રનથી ઓછા) ઈનિંગ્સના રન કે વિકેટ્સ ગણતરીમાં લેવાશે નહીં.

1* પોતાની કારકિર્દી દરમિયાન ટીમની કુલ મેચોમાંથી 75% મેચો ઓછી રમ્યો હોય તો એના પોઈન્ટ્સ ઓછા ગણાશે.

2* શ્રેષ્ઠ પ્રતિસ્પર્ધીની સામે નોંધપાત્ર પ્રદર્શન ગણતરીમાં લેવાશે.

3* શ્રેષ્ઠ બોલિંગ એટેકની સામે ફટકારેલી સેન્ચુરી

4* સામાન્ય બોલિંગ એટેકની સામે ફટકારેલી સેન્ચુરી

આ કોષ્ટકો જોઈને તમે અવઢવમાં પડ્યા હશો નહીં? પણ આ ફોર્મ્યુલા થોડી અટપટી જ છે. પણ, આ અત્યંત ઉત્તમ ગણતરી છે, જેના દ્વારા જ આપણે વિશ્વના Top 25 ટેસ્ટ બેટ્સમેન્સની યાદી તૈયાર કરી શકીશું. આટલા બધા આંકડા જોઈને તમને થોડો કંટાળો પણ આવ્યો હશે. પરંતુ હું એ વાતે શ્યોર છું કે આવતા અઠવાડિયેથી તમને મજા પડશે, જ્યારે આપણે વિવિધ બેટ્સમેનોના લેખાંજોખાં જોઈશું.