એક ગામની પરંપરા, દિવાળીના ત્રણ દિવસ સુધી લોકો બ્રાહ્મણોનું મોઢું જોતા નથી

દિવાળીનો તહેવાર દેશભરમાં ખૂબ જ ધામધૂમ અને ઉત્સાહ સાથે ઉજવવામાં આવે છે. આ તહેવાર સાથે જોડાયેલી ઘણી પરંપરાઓ અને માન્યતાઓ આજે પણ ચાલુ છે. આવી જ એક અનોખી પરંપરા MPના રતલામ જિલ્લાના કનેરી ગામની છે. અહીં દિવાળી પર ગુર્જર સમાજના લોકો ત્રણ દિવસ સુધી બ્રાહ્મણોનું મોઢું જોતા નથી. આવો અમે તમને આ અનોખી પરંપરા સાથે જોડાયેલી બાબતો વિશે વિસ્તારથી જણાવીએ.

રતલામના કનેરી ગામમાં છેલ્લા ઘણા સમયથી આ પરંપરા ચાલુ છે. અહીં રહેતા ગુર્જર સમુદાયના લોકો આજે પણ આ પરંપરાને તેમના પૂર્વજોની જેમ ઉજવી રહ્યા છે. પરંપરા મુજબ દિવાળીના દિવસે ગુર્જર સમાજના લોકો કનેરી નદી પાસે એકઠા થાય છે અને પછી હાથમાં એક લાંબી બેર લઈને એક કતારમાં ઉભા રહે છે અને તે બેરને પાણીમાં નાખીને વહેવડાવી દે છે, અને પછી તેની વિશેષ પૂજા કરે છે. પૂજા પછી, સમાજના તમામ લોકો સાથે મળીને ઘરેથી લાવેલું ભોજન ખાય છે અને પૂર્વજો દ્વારા શરૂ કરાયેલી પરંપરાનું પાલન કરે છે. દીપોત્સવ, રૂપ ચૌદસ, દિવાળી અને પડવો એમ પાંચમાંથી ત્રણ દિવસ ગુર્જર સમાજના લોકો બ્રાહ્મણોનું મોઢું જોતા નથી.

આ પરંપરા વિશે ગુર્જર સમાજના લોકોનું કહેવું છે કે, તેમના પૂર્વજોએ આ પરંપરા શરૂ કરી હતી, જેને સમાજના લોકો લાંબા સમયથી અનુસરી રહ્યા છે. ગુર્જર સમાજ માટે દિવાળી સૌથી ખાસ દિવસ છે. લોકો નદી કિનારે બેસીને બેર પકડીને પિતૃ પૂજન કરે છે અને એક સાથે રહેવાની પ્રતિજ્ઞા લે છે.

ગુર્જર સમાજનું કહેવું છે કે, ઘણા વર્ષો પહેલા સમાજના આરાધ્ય દેવ ભગવાન દેવનારાયણની માતાએ બ્રાહ્મણોને શ્રાપ આપ્યો હતો. જે મુજબ દિવાળી, રૂપ ચૌદસ, અને પડવાના 3 દિવસ સુધી કોઈ પણ બ્રાહ્મણ ગુર્જર સમાજની સામે આવી શકશે નહીં. સાથે જ ગુર્જર સમાજના લોકો આ ત્રણ દિવસોમાં કોઈ બ્રાહ્મણનું મોઢું પણ જોઈ શકતા નથી. તે સમયથી આજદિન સુધી ગુર્જર સમાજ દિવાળી પર વિશેષ પૂજા કરે છે. આ દિવસે ગુર્જર સમાજની સામે કોઈ બ્રાહ્મણ આવતો નથી અને બ્રાહ્મણોની સામે કોઈ જતું નથી. આ પરંપરાના કારણે ગામમાં રહેતા તમામ બ્રાહ્મણો પોતાના ઘરના દરવાજા બંધ કરી દે છે.

કનેરી ગામમાં આ પરંપરા ઘણા લાંબા સમયથી ચાલુ છે, જોકે હવે તેને અનુસરનારા લોકોની સંખ્યામાં ઘટાડો થયો છે. પરંતુ હજુ પણ ગામના કેટલાક વૃદ્ધ લોકો આ પરંપરાનું પાલન કરે છે. પૂજા સંપૂર્ણ વિધિ સાથે કરવામાં આવે છે. ગુર્જર સમાજના લોકો દિવાળી પર નદી પર પૂજા કરવા જાય છે ત્યારે ગામમાં એકદમ સન્નાટો છવાઈ જાય છે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.