આધાર કાર્ડ લાવો અને લઇ જાવ 50 હજાર... સરકારની સ્કીમમાં ગેરંટી વગર મળશે પૈસા!

દેશમાં કોરોના સંકટ વચ્ચે મોદી સરકારે એક સ્કીમ શરૂ કરી હતી, જે હવે ઘણી લોકપ્રિય છે. કારણ કે આ સ્કીમ હેઠળ 50 હજાર રૂપિયા સુધીની લોન ગેરંટી વગર મળે છે. આ સ્કીમ ખાસ કરીને એવા લોકો માટે છે, જેઓ નાનો-મોટો ધંધો કરે છે, પરંતુ કોઈ કારણસર તેઓ પોતાનો બિઝનેસ ફરી શરૂ કરી શકતા નથી, અથવા શરૂઆતથી નાનો બિઝનેસ શરૂ કરવા માગે છે. આ સરકારી યોજનાનું નામ PM સ્વનિધિ યોજના છે.

આ યોજના ખાસ કરીને લારીઓ લઈને શેરીમાં વેચાણ કરતા વિક્રેતાઓ માટે છે, જેમના રોજગારને કોરોના રોગચાળા દરમિયાન ખરાબ રીતે નુકસાન થયું હતું. આવા લોકોની મદદ માટે સરકારે PM સ્વાનિધિ યોજના શરૂ કરી. પરંતુ આ યોજનાની સફળતા જોઈને સરકારે તેનો વિસ્તાર કર્યો છે. આ યોજના હેઠળ સરકાર રોજગાર શરૂ કરવા માટે કોઈપણ ગેરંટી વગર લોન આપી રહી છે.

PM સ્વાનિધિ યોજના હેઠળ, સરકાર સ્ટ્રીટ વેન્ડર્સને તેમનું કામ ફરીથી શરૂ કરવા માટે લોન આપે છે. શાકભાજી વિક્રેતાઓ, ફળ વિક્રેતાઓ અને ફાસ્ટ ફૂડની નાની દુકાનો ચલાવતા લોકો આ યોજનાનો લાભ લઈ શકે છે.

કેન્દ્ર સરકાર PM સ્વનિધિ યોજના હેઠળ 50 હજાર રૂપિયા સુધીની લોન આપે છે. પરંતુ 50 હજાર રૂપિયાની લોન લેવા માટે તમારે તમારી વિશ્વસનીયતા બનાવવી પડશે. તેથી, કોઈપણને આ યોજના હેઠળ 10,000 રૂપિયાની પ્રથમ લોન મળશે. એકવાર લોનની ચુકવણી કર્યા પછી, બીજી વખત બમણી રકમ લોન તરીકે લઈ શકાય છે.

હવે ધારો કે, કોઈ વ્યક્તિ બજારમાં રસ્તાના કિનારે ચાટની દુકાન બનાવવા માંગે છે. આ માટે તેણે સ્વાનિધિ સ્કીમ હેઠળ 10,000 રૂપિયાની લોન લીધી હતી. પછી તેણે સમયસર લોનની રકમ ચૂકવી દીધી. આવી સ્થિતિમાં, તે વ્યક્તિ બીજી વખત આ યોજના હેઠળ 20 હજાર રૂપિયાની લોન લઈ શકે છે. તેવી જ રીતે, ત્રીજી વખત તે 50 હજાર રૂપિયાની લોન માટે પાત્ર બનશે. આ યોજનાની ખાસ વાત એ છે કે સરકાર લોન પર સબસિડી પણ આપે છે.

આ યોજના હેઠળ લોન લેવા માટે કોઈ ગેરંટી જરૂરી નથી. અરજી મંજૂર થયા પછી, લોનની રકમ તમારા ખાતામાં ત્રણ વખત ટ્રાન્સફર થઈ જાય છે. શેરી વિક્રેતાઓ માટે કેશ-બેક સહિત ડિજિટલ ચૂકવણીને પ્રોત્સાહિત કરવા માટે સરકારે આ યોજનાના બજેટમાં વધારો કર્યો હતો.

PM સ્વાનિધિ યોજના હેઠળ લીધેલી લોનની રકમ એક વર્ષના સમયગાળામાં ચૂકવી શકાય છે. તમે દર મહિને હપ્તામાં લોનની રકમ ચૂકવી શકો છો. PM સ્વાનિધિ યોજનાનો લાભ મેળવવા માટે અરજદાર પાસે આધાર કાર્ડ હોવું જરૂરી છે. PM સ્વાનિધિ યોજના હેઠળ લોન લેવા માટે કોઈપણ સરકારી બેંકમાં અરજી કરી શકાય છે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.