શશિ થરૂરનું બિટકોઈનમાં આટલું રોકાણ, કુલ સંપત્તિ કંઈ ઓછી નથી, જોઈ લો

કોંગ્રેસના વરિષ્ઠ નેતા શશિ થરૂરે કેરળના તિરુવનંતપુરમથી કોંગ્રેસના ઉમેદવાર તરીકે ઉમેદવારી નોંધાવી છે. તેઓ છેલ્લા ત્રણ વખત અહીંથી સાંસદ તરીકે ચૂંટાયા છે. તેમણે પોતાના ચૂંટણી એફિડેવિટમાં કુલ સંપત્તિ, વાર્ષિક આવક અને રોકાણ વિશે માહિતી આપી છે. શશિ થરૂરે મ્યુચ્યુઅલ ફંડ અને ક્રિપ્ટો કરન્સીમાં ઘણા પૈસા રોક્યા છે.

કોંગ્રેસના નેતા શશિ થરૂરે ટેક્સ સેવિંગ મ્યુચ્યુઅલ ફંડ્સ, ફ્લેક્સી કેપ અને મલ્ટી કેપ સહિતના ટોચના મ્યુચ્યુઅલ ફંડ્સમાં રોકાણ કર્યું છે. આ સિવાય તેમણે સરકારી બોન્ડ, ફોરેન ઈક્વિટી, કોર્પોરેટ બોન્ડ અને બિટકોઈનમાં પણ રોકાણ કર્યું છે. ચૂંટણી એફિડેવિટ મુજબ, કોંગ્રેસના સાંસદ પાસે કુલ 55 કરોડ રૂપિયાની સંપત્તિ છે, જેમાંથી જંગમ સંપત્તિ 49.3 કરોડ રૂપિયા છે, જ્યારે સ્થાવર મિલકત 6.75 કરોડ રૂપિયાની છે.

એફિડેવિટ અનુસાર, થરૂરે હુડકો ટેક્સ ફ્રી બોન્ડ્સથી લઈને RBI બોન્ડ્સ સુધીની દરેક વસ્તુમાં 39 લાખ રૂપિયાથી વધુનું રોકાણ કર્યું છે. તેમનું સૌથી મોટું રોકાણ રિઝર્વ બેંક ઓફ ઈન્ડિયા બોન્ડ્સમાં છે, જેની કિંમત 15 લાખ રૂપિયા છે. આ પછી, NHAI ટેક્સ ફ્રી બોન્ડ્સમાં 14.43 લાખ રૂપિયાનું રોકાણ કરવામાં આવ્યું છે.

થરૂરે ટેક્સ સેવિંગ ફંડ્સ (ELSS ફંડ્સ)માં પણ મોટું રોકાણ કર્યું છે. ફ્રેન્કલિન ઇન્ડિયા ELSS ટેક્સ સેવર ફંડમાં રૂ. 6.98 લાખ, એક્સિસ ELSS ટેક્સ સેવિંગ ફંડમાં રૂ. 8.26 લાખ, ફંડ IDCWમાં રૂ. 2.2 લાખ, HDFC ELSS ટેક્સ સેવરમાં રૂ. 2.15 લાખ, Mirae ELSS ટેક્સ સેવર ફંડમાં રૂ. 1.95 લાખ અને એક્સીસ ELSS ટેક્સ બચત ફંડ ISCWમાં રૂ. 3.43 લાખનું રોકાણ કર્યું છે.

કોંગ્રેસના નેતાએ ફ્લેક્સી કેપ અને મલ્ટી કેપમાં પણ ઘણું રોકાણ કર્યું છે. ફ્રેન્કલિન ઇન્ડિયા બેલેન્સ્ડ એડવાન્ટેજ ફંડમાં રૂ. 7.57 લાખ, એડલવાઇસ MSCI ઇન્ડિયા ડોમેસ્ટિક એન્ડ વર્લ્ડ હેલ્થકેર 45 ઇન્ડેક્સ ફંડમાં રૂ. 5.01 લાખ, ફ્રેન્કલિન ઇન્ડિયા ફોકસ્ડ ઇક્વિટી ફંડમાં રૂ. 14 લાખ, ફ્રેન્કલિન ઇન્ડિયા ફ્રીડર, ફ્રેન્કલિન અમેરિકા ઓપોર્ચ્યુનિટી ફંડમાં રૂ. 3.72 લાખ, HDFC ફ્લેક્સી કેપમાં રૂ. 13.19 લાખ, ICICI પ્રુ મલ્ટિકેપ ફંડમાં રૂ. 14 લાખ સહીત ICICI પ્રુ હેલ્થકેર ફંડ, HDFC ફ્લેક્સી કેપ અને કોટક ફ્લેક્સી ફંડમાં રોકાણ કરવામાં આવ્યું છે.

થરૂર પાસે તેમના રોકાણ પોર્ટફોલિયોમાં રૂ. 5 લાખથી વધુનું બિટકોઈન ETF રોકાણ છે. વિદેશી રોકાણમાં રૂ. 9.33 કરોડની ઇક્વિટી છે. આ સિવાય કોર્પોરેટ બોન્ડની કિંમત રૂ. 3.46 કરોડ, ડિપોઝિટ સર્ટિફિકેટની રકમ રૂ. 91.7 લાખ, વિકલ્પ રોકાણ કુલ રૂ. 19.98 લાખ અને US ટ્રેઝરી સિક્યોરિટી મૂલ્ય રૂ. 2 કરોડ છે. આ સિવાય થરૂર પાસે 32 લાખ રૂપિયાનું સોનું છે.

2019માં, થરૂરે 34,00,22,585 રૂપિયાની કુલ જંગમ સંપત્તિ જાહેર કરી, જ્યારે તેમણે કહ્યું કે, તેમની પાસે 1 કરોડ રૂપિયાની સ્થાવર સંપત્તિ છે. વર્ષ 2017-18માં તેમની કુલ આવક 3,66,21,978 રૂપિયા હતી.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.