ઇ- કોમર્સ કંપની ફ્લિપકાર્ટના વેલ્યુશનમાં 41000 કરોડનો તોતિંગ કડાકો, જાણો કારણ

ઇ- કોમર્સ કંપની ફ્લિપકાર્ટના વેલ્યુએશનમાં બે વર્ષમાં તોતિંગ કડાકો બોલી ગયો છે. 2 વર્ષમાં કંપનીની 5 અરબ ડોલર એટલે કે 41,000 કરોડ રૂપિયાની ભારે ખોટ ગઇ છે. આ માહિતી તેની અમેરિકન સ્થિત પેરેન્ટ કંપની વોલમાર્ટના ઇક્વિટી ટ્રાન્ઝેક્શનમાંથી મળી છે. ફ્લિપકાર્ટમાં વોલમાર્ટના ઇક્વિટી માળખામાં થયેલા ફેરફારો અનુસાર, ઈ-કોમર્સ કંપનીનું મૂલ્યાંકન 31 જાન્યુઆરી, 2022ના રોજ પૂરા થતા નાણાકીય વર્ષમાં 40 બિલિયન ડોલરથી ઘટીને 31 જાન્યુઆરી, 2024 સુધીમાં 35 બિલિયન ડોલર પર આવી ગયું છે.

છે. ફ્લિપકાર્ટે વેલ્યુએશન ઘટાડા માટે નાણાંકીય ટેક્નોલોજી કંપની ફોન પેને અલગ કંપની તરીકે વિભાજીત કરવાને જવાબદાર ગણાવ્યું છે. જો કે, સૂત્રોનું કહેવું છે કે ફ્લિપકાર્ટની વર્તમાન વેલ્યુએશન 38-40 બિલિયન ડોલરની વચ્ચે છે. વોલમાર્ટે નાણાંકીય વર્ષ 2021-22માં ફ્લિપકાર્ટમાં 8 ટકા હિસ્સો 3.2 બિલિયન ડોલરમાં વેચ્યો હતો.

આ હિસાબે ઈ-કોમર્સ કંપનીનું વેલ્યુએશન 40 બિલિયન ડોલર થાય છે. નાણાકીય વર્ષ 2023-24માં, અમેરિકન રિટેલ જાયન્ટે 3.5 બિલિયન ડોલર ચૂકવીને કંપનીમાં તેનો હિસ્સો 10 ટકાથી વધારીને 85 ટકા કર્યો હતો. આના આધારે, ફ્લિપકાર્ટનું એન્ટરપ્રાઇઝ મૂલ્ય 35 બિલિયન ડોલર થાય છે. જો કે, ફ્લિપકાર્ટે વોલમાર્ટના અહેવાલ મુજબ વેલ્યુએશનમાં ઘટાડાનો અસ્વીકાર કર્યો છે અને કહ્યું છે કે તે કંપનીના વેલ્યુએશનમાં 'વાજબી ગોઠવણ'ને કારણે છે.

ફ્લિપકાર્ટના પ્રવક્તાએ કહ્યું કે, આ વ્યાખ્યા ખોટી છે. ફોન પેને અલગ કરવાનું કામ 2023માં થયું હતું. નું વિભાજન આનાથી ફ્લિપકાર્ટના વેલ્યુએશનમાં યોગ્ય ગોઠવણ થઈ. ફ્લિપકાર્ટના સૂત્રોએ જણાવ્યું હતું કે આ સાહસનું મૂલ્યાંકન છેલ્લે 2021માં કરવામાં આવ્યું હતું અને તે સમયે ફિનટેક ફર્મ ફોનપેનું મૂલ્યાંકન પણ ઈ-કોમર્સ કંપનીના કુલ મૂલ્યમાં સામેલ હતું.

રોકાણકાર જૂથો જનરલ એટલાન્ટિક, ટાઈગર ગ્લોબલ, રિબિટ કેપિટલ અને TVS કેપિટલ ફંડ્સ વગેરે પાસેથી 850 મિલિયન ડોલર એકત્ર કર્યા બાદ ફોન પેનું મૂલ્યાંકન હવે 12 બિલિયન ડોલર પર પહોંચી ગયું છે.

ફ્લિપકાર્ટ ભારતની કંપની છે અને દેશના સૌથી મોટા ઈ-કોમર્સ પ્લેટફોર્મ અને વેબસાઈટમાંનું એક છે. અહીં ઈલેક્ટ્રોનિક્સથી લઈને કપડાં સુધીની દરેક વસ્તુ આંગળીના ટેરવે ઉપલબ્ધ છે. ફ્લિપકાર્ટના સ્થાપકો સચિન બંસલ અને બિન્ની બંસલ છે. બંનેએ પ્રતિષ્ઠિત ઇન્ડિયન ઇન્સ્ટિટ્યૂટ ઑફ ટેક્નોલોજી (IIT), દિલ્હીમાંથી એન્જિનિયરિંગનો અભ્યાસ કર્યો છે. બંને IIT દિલ્હીની 2005 બેચના હતા.

ફ્લિપકાર્ટ સૌપ્રથમ 2007 માં બેંગલુરુમાં નાના 2 BHK ફ્લેટમાં શરૂ કરવામાં આવી હતી. સચિને ફ્લિપકાર્ટના CEO તરીકે કામ કરવાનું શરૂ કર્યું. બિન્નીએ ઝડપથી વિકસતી ઈ-કોમર્સ વેબસાઈટના COOનું પદ સંભાળ્યું. 2012 માં 150 મિલિયન [ANJ એકત્ર કર્યા પછી, ફ્લિપકાર્ટ ટૂંક સમયમાં ભારતની બીજી યુનિકોર્ન કંપની બની ગઈ હતી.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.