10 વર્ષની છોકરીનો કમાલ, એક મહિનામાં આ રીતે એક કરોડ રૂપિયાની કરી કમાણી

સફળતા ઉંમરની મોહતાજ હોતી નથી. એક 10 વર્ષની છોકરીએ આ પંક્તિઓને ચરિતાર્થ કરી દેખાડી છે. એક 10 વર્ષની છોકરીનો પોતાનો રમકડાંનો બિઝનેસ છે. આ છોકરી રમકડાંના આ બિઝનેસથી મહિનામાં કરોડો રૂપિયાની કમાણી કરી લે છે. એ સાંભળીને આશ્ચર્ય જરૂર થશે પરંતુ એ હકીકત છે. એક 10 વર્ષની છોકરીએ પોતાના રમકડાંના વેપારથી એટલી કમાણી કરી લે છે કે તે આરામથી 15 વર્ષની ઉંમરમાં પણ રિટાયરમેન્ટ લઈ શકે છે અને પોતાની સેવિંગ્સથી આગામી સમયની લગ્ઝરી જીવન જીવી શકે છે.

પિક્સી કર્ટિસ નામની આ છોકરીને બિઝનેસની શરૂઆત કરવામાં તેની માતા રોક્સીએ સહાયતાથી કરી છે. હેરાન કરી દેનારી વાત એ છે કે એક મહિનામાં જ પિક્સીએ 1 કરોડ 4 લાખથી પણ વધારે રૂપિયાની કમાણી કરી લીધી છે. મિરરમાં છપાયેલા રિપોર્ટ મુજબ ઓસ્ટ્રેલિયાની રહેવાસી પિક્સી પોતાની માતા સાથે મળીને ફિટનેસ અને રંગીન પોપિંગ રમકડાં બનાવે છે. આ રમકડાંની ડિમાન્ડ એટલી વધારે છે કે તે મિનિટોમાં વેચાઈ જાય છે. એટલું જ નહીં આ 10 વર્ષની છોકરી પિક્સીના નામ પર એક હેર એક્સેસરી બ્રાન્ડ પણ છે જે પોતાની માતા રોક્સીએ બનાવી છે.

તેમાં ખૂબ જ સ્ટાઈલિસ અને સુંદર હેંડબેગ ક્લિપ અને અન્ય વસ્તુ છે. રોક્સીએ ઇન્ટરવ્યૂમાં જણાવ્યું કે મારા માટે જે સૌથી રોમાંચિત મહેનતની ભાવના છે જે મારી દીકરી પાસે ઘણી નાની ઉંમરમાં છે જ્યારે આ ટેલેન્ટ મારી અંદર પણ ક્યારેય નહોતું. હું પણ સફળ થવા માગતી હતી પરંતુ મારી દીકરીએ આટલી નાની ઉંમરમાં બિઝનેસને સફળ બનાવીને મારું પણ સપનું પૂરું કરી દીધું છે. રોક્સી કહે છે કે જ્યારે તે પોતે 14 વર્ષની હતી તો એ સમયે મેકડોનાલ્ડ્સમાં નોકરી કરતી હતી પરંતુ અહીંથી તે બસ એટલું જ કમાણી કરી શકતી હતી જેટલી એક નોકરિયાત વ્યક્તિ કમાઈ શકે છે.

રોક્સીએ કહ્યું કે મારી દીકરીના કારણે જ મને મહેનતી બનાવવાનો ચાન્સ મળ્યો અને ખુશીની વાત છે કે મારી દીકરીને બધુ આટલી નાની ઉંમરમાં મળી ગયું જે મને હવે જઈને મળી રહ્યું છે. અમે પિક્સી માટે એ હિસાબે બધી પ્લાનિંગ રાખી છે કે જો તે ઈચ્છે તો 15 વર્ષની ઉંમરમાં રિટાયરમેન્ટ લઈ શકે છે. પિક્સી અત્યારે સિડનીની એક પ્રાથમિક શાળામાં ભણે છે અને સાથે જ બિઝનેસ પણ કરે છે. આ નાનકડી ઉંમરમાં પણ પિક્સી અને તેના ભાઈ પાસે એક કરોડ 40 લાખ રૂપિયાની મર્સિડીઝ કાર છે. વર્ષ 2012મા રોક્સીના લગ્ન ઓલિવર સાથે થયા હતા. રોક્સી પાસે બીજા પણ ઘણા બધા સફળ બિઝનેસ છે. રોક્સી કહે છે કે તે સિડનીમાં પોતાના બાળકો અને પતિ ઓલિવર કાર્ટિસ સાથે 49 કરોડ 72 લાખ રૂપિયાની શાનદાર હવેલીમાં રહે છે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.