4 જૂને પરિવર્તન થઇ ગયું તો...શેરબજાર ધ્રૂજશે? અને જો BJPને બહુમતી મળે તો?

રાષ્ટ્રીય ચૂંટણીનો છેલ્લો તબક્કો ચાલી રહ્યો છે. આજે શનિવારે સાંજે મતદાન પૂર્ણ થશે. 4 જૂને મતગણતરી થવા જઈ રહી છે, જેના પરિણામોની તમામ નાગરિકો રાહ જોઈ રહ્યા છે, એટલું જ નહીં, શેરબજાર પણ પરિણામોની રાહ જોઈને ઉપર-નીચે જઈ રહ્યું છે. આજે સાંજે મતદાન પૂર્ણ થયા પછી તમામ ન્યૂઝ ચેનલો પર એક્ઝિટ પોલ ચલાવવામાં આવશે. એવી શક્યતા છે કે વિવિધ એજન્સીઓ દ્વારા હાથ ધરવામાં આવેલા મતદાન અલગ-અલગ પરિણામો આપશે. જો કે, આજના એક્ઝિટ પોલ કેટલાંક અંશે સ્પષ્ટ કરશે કે કઈ પાર્ટી સરકાર બનાવવા જઈ રહી છે.

આજે શનિવાર છે. આપણને મંગળવારે (4 જૂન) અંતિમ પરિણામ મળશે. પરિણામના દિવસની ગણતરી ન કરીએ તો, સોમવારનો જ દિવસ બાકી છે, જ્યારે શેરબજાર ખુલશે. આજે એક્ઝિટ પોલમાં અમુક અંશે પરિણામોનું ચિત્ર સ્પષ્ટ થશે. જોકે, એક્ઝિટ પોલ સાચા હશે તેની કોઈ ગેરંટી નથી. 4 જૂને વોટ બોક્સ ખુલશે ત્યારે સાચુ પરિણામ આપણી સામે હશે. આવી સ્થિતિમાં શેરબજારના નિષ્ણાતો માને છે કે, બજાર સ્થિતિ સ્પષ્ટ થાય તેની રાહ જોવાનું પસંદ કરશે. ત્યાર પછી આગળની કાર્યવાહી નક્કી કરશે.

તેથી… ચૂંટણીમાં ત્રણ સંભવિત પરિણામોની પરિસ્થિતિઓ હોઈ શકે છે. પ્રથમ સ્થિતિ- ભારતીય જનતા પાર્ટી (BJP)એ પૂર્ણ અને મોટી બહુમતી સાથે સરકાર બનાવવી જોઈએ. બીજી સ્થિતિ- BJPની સરકાર બને, પરંતુ બેઠકો ઓછી મળે. ત્રીજી સ્થિતિ- મહાગઠબંધન (INDIA)ની સરકાર રચાય (જેમાં કોંગ્રેસ, આમ આદમી પાર્ટી, સમાજવાદી પાર્ટી, RJD સહિત 2 ડઝનથી વધુ પક્ષો સામેલ છે).

ITI મ્યુચ્યુઅલ ફંડના ચીફ ઇન્વેસ્ટિંગ ઓફિસર રાજેશ ભાટિયાને ઉલ્લેખીને મીડિયા સૂત્રએ લખ્યું કે, 2019માં ભારતીય જનતા પાર્ટીને 303 સીટો મળી હતી. આ વખતે જો BJPને 2019 કરતા વધુ સીટો મળે છે તો ઈક્વિટી માર્કેટમાં જબરદસ્ત રેલી જોવા મળી શકે છે. આવું એટલા માટે થશે, કારણ કે સરકાર ઈન્ફ્રાસ્ટ્રક્ચર પર ઘણો ખર્ચ કરશે અને મેન્યુફેક્ચરિંગ સેક્ટરમાંથી સારો એવો બેક સપોર્ટ મળવાની પણ શક્યતા છે. મીડિયા સૂત્રએ એસેટ મેનેજમેન્ટ ફર્મ IFA ગ્લોબલના સ્થાપક અભિષેક ગોએન્કાનો ઉલ્લેખ કરીને લખ્યું છે કે, જો BJPને જંગી બહુમતી મળે છે તો નિફ્ટી-ફિફ્ટી 4-5 ટકા સુધીનો જંગી ઉછાળો બતાવી શકે છે.

 BJPની આગેવાની હેઠળની ગઠબંધન સરકારમાં બીજું દૃશ્ય એ બને છે કે, ભારતીય જનતા પાર્ટીને કેટલીક ઓછી બેઠકો મળે. જો BJPને 272થી વધુ બેઠકો મળે તો તે સરકાર બનાવવા માટે પૂરતી હશે, પરંતુ 2019ની સ્પર્ધામાં બેઠકોની સંખ્યા શેરબજાર માટે ચિંતાનો વિષય બની શકે છે. જો કે, નિષ્ણાતો માની રહ્યા છે કે, શેરબજાર હજુ પણ તે મુજબ ગોઠવણ કરવાનો પ્રયાસ કરી રહ્યું છે. જો કે કેટલાક નિષ્ણાતો આને બજાર માટે સારો સંકેત પણ માની રહ્યા છે. SAMCO એસેટ મેનેજમેન્ટના ઉમાશંકર મહેતા કહે છે કે, ભલે સીટો ઓછી હોય, BJPની સરકાર બને તો પણ બજારની દિશા બદલાવાની નથી.

શેરબજાર આગળ વધવા માટે કાયમી સરકારની માંગ કરે છે. મહાગઠબંધનમાં લગભગ 28 પાર્ટીઓ સામેલ છે અને જો તેઓ સરકાર બનાવે છે તો સ્થિરતાનો મુદ્દો સામે આવી શકે છે. PM કોણ હશે અને દેશ, વિદેશ અને નાણા સહિત અન્ય મંત્રી કોણ હશે તે સ્થતિને સ્પષ્ટ કરવામાં ઘણો સમય લાગી શકે છે. નિષ્ણાતો અનુમાન લગાવી રહ્યા છે કે, જો મહાગઠબંધનની સરકાર બનવાનો માહોલ હોય છે તો શેરબજારમાં મોટી વેચવાલી જોવા મળી શકે છે. જ્યાં સુધી નવી સરકાર અને તેની નીતિઓ સ્પષ્ટ ન થાય ત્યાં સુધી આ વેચાણ ચાલુ રહી શકે છે.

ICICI પ્રુડેન્શિયલ મ્યુચ્યુઅલ ફંડના મિતુલ કાલાવડિયાએ જણાવ્યું હતું કે, બજાર સ્થિરતા ઇચ્છે છે, આવી સ્થિતિમાં જો વર્તમાન સરકાર હારતી જોવા મળે છે, તો તે તેના માટે મોટો આંચકો હશે. જો કે કાલાવડીયાએ એમ પણ કહ્યું હતું કે, લાંબા ગાળે સ્થિતિ કેવી રહેશે, તે તો પાછળથી ખબર પડશે, પરંતુ ટુંક સમયમાં તેની નકારાત્મક અસર પડશે. આવી સ્થિતિમાં બજાર 10 થી 20 ટકા સુધી ઘટવાની સંભાવના કેટલાક અન્ય નિષ્ણાતો વ્યક્ત કરી રહ્યા છે.

નોંધઃ શેરબજારમાં રોકાણ જોખમી બની શકે છે, શેરબજારમાં રોકાણ કરતા પહેલા તમારે તમારા રોકાણ નિષ્ણાતની સલાહ લેવી જોઈએ.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.