અંબાણીની આ કંપની પર રોકાણકારો તૂટી પડ્યા, શેરમાં 22 ટકાનો ઉછાળો, માર્કેટ કેપ...

ભારતની કંપની અને એશિયાના સૌથી ધનિક વ્યક્તિ મુકેશ અંબાણીની કંપની Jio ફાયનાન્સિયલ સર્વિસિસના શેર શુક્રવારે 14.5 ટકાના ઉછાળા સાથે નવી ટોચે પહોંચ્યા હતા. BSE પર ટ્રેડિંગ દરમિયાન તે રૂ.347 પર પહોંચ્યો હતો, જે અત્યાર સુધીનું તેનું સર્વોચ્ચ સ્તર છે. આ સાથે કંપનીનું માર્કેટ કેપ રૂ.2 લાખ કરોડને પાર કરી ગયું છે. છેલ્લા એક સપ્તાહમાં તેમાં 22 ટકાથી વધુનો વધારો થયો છે. છેલ્લા ત્રણ મહિનામાં આ સ્ટોક 50 ટકા વધ્યો છે. આ સાથે તેણે માર્કેટ કેપમાં JSW સ્ટીલ, હિન્દુસ્તાન એરોનોટિક્સ લિમિટેડ, ઈન્ડિયન રેલવે ફાયનાન્સ કોર્પોરેશન અને વરુણ વેબરેજીસને પાછળ છોડી દીધા છે. ઉપરાંત, તે અદાણી પાવરની ખૂબ નજીક આવી ગયું છે.

Jio Financial થોડા દિવસો પહેલા ચર્ચામાં આવી હતી, જ્યારે એવી અટકળો હતી કે અંબાણી Paytm પેમેન્ટ્સ બેંક ખરીદી શકે છે. જોકે, Paytmએ આવી અટકળોને નકારી કાઢી હતી. ગયા વર્ષે જિયો ફાઇનાન્શિયલની રચના રિલાયન્સ ઇન્ડસ્ટ્રીઝથી અલગ કરીને કરવામાં આવી હતી. તેની પાસે Jio પેમેન્ટ્સ બેંક છે. તેની પેટાકંપનીઓમાં Jio Finance, Jio Insurance Broking, Jio Payments Bank, Jio Payments Solutions, સૂચિત AMC અને લીઝિંગ પેટાકંપનીનો સમાવેશ થાય છે. ત્રીજા ક્વાર્ટરમાં રિટેલ રોકાણકારોએ રિલાયન્સ ઇન્ડસ્ટ્રીઝના 1 કરોડથી વધુ શેર વેચ્યા હતા, પરંતુ Jio ફાઇનાન્સિયલ સર્વિસિસના 14.5 કરોડ શેર વેચ્યા હતા. દરમિયાન, રિલાયન્સનો શેર પણ BSE પર રૂ.2,996.16ની વિક્રમી સપાટીએ પહોંચ્યો હતો. હવે તે પ્રથમ વખત રૂ.3,000ને પાર કરવાની નજીક છે.

દરમિયાન, મુકેશ અંબાણીની નેટવર્થ ગુરુવારે 1.57 બિલિયન ડૉલર વધીને 112 બિલિયન ડૉલર પર પહોંચી ગઈ. વિશ્વના અમીરોની યાદીમાં અંબાણી 11મા નંબરે છે. આ વર્ષે તેની નેટવર્થ 15.8 બિલિયન ડૉલર વધી છે. ગુરુવારે Nvidiaના સ્થાપક જેન્સન હુઆંગની નેટવર્થમાં સૌથી મોટો વધારો જોવા મળ્યો હતો. Nvidiaના શેરમાં થયેલા વધારાને કારણે, તેની નેટવર્થ 9.59 બિલિયન ડૉલર વધી અને તે 69.3 બિલિયન ડૉલર સુધી પહોંચી. આ વર્ષે તેની કુલ સંપત્તિમાં 25.2 બિલિયન ડૉલરનો વધારો થયો છે અને તે વિશ્વના સૌથી અમીર લોકોની યાદીમાં 21મા નંબરે છે. જો કે, ફેસબુકના માર્ક ઝકરબર્ગ આ વર્ષે સૌથી વધુ કમાણી કરનારા અબજોપતિઓમાં પ્રથમ સ્થાને છે. આ વર્ષે તેમની કુલ સંપત્તિમાં 46.4 બિલિયન ડૉલરનો વધારો થયો છે. તેઓ 174 બિલિયન ડૉલરની સંપત્તિ સાથે વિશ્વના સૌથી ધનિક લોકોની યાદીમાં ચોથા સ્થાને છે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.