રત્નકલાકારોને ધર્મનંદનના લાલજી પટેલે તો મદદ કરી, હવે બીજા ડાયમંડ વાળા પણ આગળ આવે

ડાયમંડ ઉદ્યોગમાં છેલ્લાં ઘણા સમયથી કારમી મંદીને કારણે સૌથી વધારે સમસ્યા રત્નકલાકારોને ઉભી થઇ છે. બેરોજગારી અને આર્થિક મુશ્કેલીનો રત્નકલાકારો સામનો કરી રહ્યા છે. આવા સમયે સુરતની ધર્મનંદન ડાયમંડ કંપનીના ચેરમેન લાલજી પટેલે એક સરહાનીય પહેલ કરી છે.ડાયમંડ વર્કર યુનિયને મુશ્કેલીમાં મુકાયેલા 40 રત્ન કલાકારોની યાદી લાલજી પટેલને આપી હતી, જેમના બાળકોની શાળાની ફી ભરવાની બાકી હતી. લાલજી પટેલે આ તમામ રત્નકલાકારોના બાળકોની ફી ભરી દીધી છે.

લાલજી પટેલે તો પહેલ કરી છે, પરંતુ હવે ડાયમંડના બીજા મોટા ઉદ્યોગકારો પણ આગળ આવે તો રત્નકલાકારોની મુશ્કેલી ઓછી થઇ શકે છે.

ડાયમંડ વર્કર યુનિયનના ઉપ પ્રમુખ ભાવેશ ટાંકે કહ્યું કે, અત્યારે અમારી પાસે જે એકદમ જરૂરિયાત વાળા હતા તેવા 40 રત્નકલાકારોની યાદી આપવામાં આવી હતી, પરંતુ જન્માષ્ટમી પછી વધારે હાલત ખરાબ થશે અને મોટા ભાગના રત્નકલાકારો સુરત છોડીને વતન ભેગા થઇ જશે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.