Notifications

Favourite List

સુરતમાં બની રહ્યો છે એલિવેટેડ રોડ,આસપાસના વિસ્તારોને રેલવે સ્ટેશન સાથે જોડશે

08 Jan, 2024
10:00 AM
PC: facebook.com/darshanajardosh

કેન્દ્રીય રાજ્ય રેલવે મંત્રી અને સુરતના સાંસદ દર્શના જરદોશે જાહેરાત કરી છે કે સુરતમાં મલ્ટીમોડલ ટ્રાન્સપોર્ટેશન હબનું નિર્માણ થવાનું છે જેને કારણે સુરતના અનેક લોકોને મોટો ફાયદો થશે. આ મોડલ બની રહ્યું છે તેમાં એલિવેટેડ રોડ બનશે અને તે સીધો સુરતના રેલવે સ્ટેશન સાથે જોડશે.

સુરતના સાંસદ અને કેન્દ્રી રાજ્ય રેલવે મંત્રી દર્શના જરદાશે પોતાના x પ્લેટફોર્મ અને ફેસબુક પેજ પર જાણકારી આપી છે કે, સુરતમાં પણ અમદાવાદની જેમ જ મલ્ટીમોડલ ટ્રાન્સપોર્ટેશન હબનું નિર્માણ થવાનું છે. તેમણે કહ્યું છે કે સુરતમાં જે મલ્ટીમોડલ ટ્રાન્સપોર્ટ હબ બનશે તેમાં એલિવેટેડ રોડનું પણ નિર્માણ કરવામાં આવશે. આ એલિવેટેડ રોડ બનાવવા માટે અંદાજે 496 કરોડ રૂપિયાનો ખર્ચો થશે. મંત્રીએ કહ્યુ કે, લોકોને ફાયદો એ રીતે થશે કે એલિવેટેડ રોડ બનવાને કારણે આસપાસના જે વિસ્તારો છે તે સીધા સુરત રેલવે સ્ટેશન સાથે જોડાઇ જશે.

કેન્દ્રીય રાજ્ય રેલવે મંત્રી દર્શના જરદોશે જણાવ્યું છે કે સુરતના લોકોની વર્ષોની માંગ હતી જે હવે સાકાર થવા જઇ રહી છે અને સુરતના વિકાસનું પ્રતિક બનશે. તેમણે કહ્યું કે સુરતમાં બનનારા મલ્ટીમોડલ ટ્રાન્સપોર્ટેશન હબમાં એલિવેટેડ રોડના વિકાસને સૈધ્ધાંતિક મંજૂરી મળી ગઇ છે. તેમણે આગળ કહ્યું કે, ટોટલ 496.88 કરોડની રકમનો ખર્ચ થવાનો છે, જેમાંથી 63 ટકા રકમ કેન્દ્રીય રેલવે મંત્રાલય ફાળવશે. આ એલિવેટેડ રોડ ઇને મલ્ટીમોડલ ટ્રાન્સોપર્ટેશન હબ એ ઇન્ટરનેશશનલ લેવલનું હશે.

મંત્રી દર્શના જરદોશે કહ્યું કે, આ એલિવેટેડ રોડની કુલ લંબાઇ 5,479 મીટર હશે. આને કારણે ફાયદો એ થશે કે આસપાસનો ટ્રાફિક નિયંત્રણમાં આવશે. સુરતમાં બની રહેલા મોડલ રેલવે સ્ટેશનના વિકાસમાં પણ મદદ મળશે. તેમણે કહ્યુ કે આ રોડ બનવાને કારણે લોકોનો સમય બચશે. ઇંધણની બચત થઇ શકશે અને પ્રદુષણ ઘટાડવામાં પણ મદદ મળશે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.

ગુજરાતનું અગ્રેસર ન્યૂઝ પોર્ટલ, અહીં વાત થાય છે માત્ર ગુજરાત અને ગુજરાતનાં હિતની... Download Khabarchhe APP www.khabarchhe.com/downloadApp