નેમટેક આગામી વર્ષોમાં ભારતના વિકાસના માર્ગને આગળ ધપાવવા તૈયાર છેઃ મંત્રી

વાઇબ્રન્ટ ગુજરાત સમિટ 2024માં હાજરી આપવા માટે ગુજરાતની ટૂંકી મુલાકાતે આવેલા કેન્દ્રીય શિક્ષણ, કૌશલ્ય વિકાસ અને ઉદ્યોગસાહસિકતા મંત્રી ધર્મેન્દ્ર પ્રધાને આર્સેલર મિત્તલ નિપ્પોન સ્ટીલ ઈન્ડિયા (એએમ/એનએસ ઈન્ડિયા)ની પહેલ ધ ન્યૂ એજ મેકર્સ ઇન્સ્ટિટ્યૂટ ઓફ ટેક્નોલોજી (નેમટેક)ની આજે આઈઆઈટી ગાંધીનગર, રિસર્ચ પાર્ક ખાતે મુલાકાત લીધી હતી.

ભારત સરકારની રાષ્ટ્રીય શિક્ષણ નીતિ, 2020 (એનઈપી)ના કેન્દ્રમાં ભારતીય સ્નાતકોની રોજગાર ક્ષમતાને વધારવાની દ્રઢ મહત્વાકાંક્ષા છે, જેમાં ટેકનિકલ કૌશલ્ય અને સોફ્ટ સ્કીલ્સ બંને પર ભાર મૂકવામાં આવ્યો છે. મંત્રી પ્રધાને તેમનો વિશ્વાસ વ્યક્ત કર્યો હતો કે નેમટેકનો સ્વપ્નદ્રષ્ટા અભિગમ એનઇપીના ઉદ્દેશ્ય સાથે એકીકૃત રીતે સંરેખિત છે અને ઇમર્સિવ, હેન્ડ-ઓન લર્નિંગ પર ધ્યાન કેન્દ્રિત કરતી એક આધુનિક સંસ્થાની સ્થાપના કરવા માટે પ્રયત્નશીલ છે.

મંત્રી પ્રધાને વિશાળ નેમટેક કેમ્પસની તેમની મુલાકાત દરમિયાન એક વ્યાપક પ્રવાસ કર્યો હતો. તેમણે સંસ્થાની અત્યાધુનિક લેબોરેટરીઝની મુલાકાત લીધી હતી અને વિદ્યાર્થીઓ સાથે ગહનતાપૂર્વક વાર્તાલાપ કર્યો હતો. વિદ્યાર્થીઓને સંબોધિત કરતી વખતે, તેમણે ભારતને ઉજ્જવળ ભવિષ્ય તરફ લઈ જવા માટે સજ્જ ટેક્નિકલક પ્રોફેશનલ્સની જનરેશનને ઉછેરવા માટે સંસ્થાની પ્રતિબદ્ધતાની પુનઃપુષ્ટિ કરી હતી.

નેમટેકના વ્યાપક સોશિયલ આઉટરીચ પ્રોગ્રામ્સની પ્રશંસા કરતા મંત્રી પ્રધાને દેશભરમાં આઈઆઈટી અને ડિપ્લોમા કોલેજોમાં અભ્યાસ કરી રહેલા ટેકનિશિયનોને ઉચ્ચ કક્ષાના બનાવવા માટે સંસ્થાના ગંભીર પ્રયાસોની પ્રશંસા કરી હતી. ટેકનિશિયનોને સશક્ત બનાવવાના ઉદ્દેશ્યથી આ વ્યૂહાત્મક અભિગમ, ભારતના ટેકનિકલ વર્કફોર્સને પ્રોત્સાહન આપવા અને સર્વસમાવેશક વૃદ્ધિને પ્રોત્સાહન આપવા માટેના અડગ સમર્પણને દર્શાવે છે.

નેમટેક શિક્ષણ અને કૌશલ્ય વિકાસમાં ઉત્કૃષ્ટતા માટે તેની અતૂટ પ્રતિબદ્ધતાની શરૂઆત કરે છે ત્યારે મંત્રી પ્રધાને ઉજ્જવળ, વધુ સશક્ત ભારતનો માર્ગ મોકળો કરતી પહેલો પ્રત્યે સરકારના અડગ સમર્થનનો પુનરોચ્ચાર કર્યો હતો.

કેન્દ્રીય શિક્ષણ અને કૌશલ્ય વિકાસ મંત્રી ધર્મેન્દ્ર પ્રધાને જણાવ્યું હતું કે, “વડાપ્રધાન નરેન્દ્ર મોદીની પ્રેરણાથી, નેમટેક જેવી સંસ્થાઓ રાષ્ટ્રનિર્માણ પર ઊંડી અસર કરશે. નેમટેકની આકાંક્ષાઓ ભારતના શૈક્ષણિક લેન્ડસ્કેપમાં પરિવર્તન લાવે તેવી સંસ્થાઓ હોવાના વડા પ્રધાનના વિઝનને પ્રતિબિંબિત કરે છે. કુશળ પ્રોફેશનલ્સની કેડરને પ્રોત્સાહન આપીને, નેમટેક આગામી વર્ષોમાં ભારતના વિકાસના માર્ગને આગળ ધપાવવા માટે તૈયાર છે, જે રાષ્ટ્રના ભાવિને ઘડવામાં મહત્ત્વની ભૂમિકા ભજવે છે.”

નેમટેકના બોર્ડ મેમ્બર અને એએમએનએસ ઈન્ડિયા અને એસઈ એશિયાના વીપી, બિઝનેસ ડેવલપમેન્ટ સંજય શર્માએ જણાવ્યું હતું કે “અમે મંત્રી ધર્મેન્દ્ર પ્રધાનને તેમની મુલાકાત અને અમારા વિઝન માટે અમૂલ્ય પ્રોત્સાહન આપવા બદલ તેમનો હૃદયપૂર્વક આભાર માનીએ છીએ. તેમની આંતરદ્રષ્ટિ અને સમર્થન નવીન શિક્ષણ દ્વારા ભારતના યુવાનોને સશક્ત બનાવવાની અમારી પ્રતિબદ્ધતાને મજબૂત બનાવે છે. અમે આતુરતાપૂર્વક સરકાર તરફથી સતત સમર્થન અને સહયોગની આતુરતાથી રાહ જોઈએ છીએ કારણ કે અમે કુશળ કર્મચારીઓને પ્રોત્સાહન આપવા અને રાષ્ટ્રના વિકાસમાં યોગદાન આપવાના અમારા મિશનને સાકાર કરવાનો પ્રયાસ કરીએ છીએ.”

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.