આગામી 3 વર્ષમાં મુકેશ અંબાણી તેમના પૈસા ક્યા રોકાણ કરશે, રિપોર્ટમાંથી માહિતી મળી

દેશના સૌથી ધનિક વ્યક્તિ અને રિલાયન્સ ઈન્ડસ્ટ્રીઝના ચેરમેન મુકેશ અંબાણીએ અત્યાર સુધી હાઈડ્રોકાર્બન અને ટેલિકોમ સેક્ટર પર ખાસ ધ્યાન આપ્યું છે. હવે રિલાયન્સ ગ્રુપનું ફોકસ રિટેલ અને નવી ઉર્જા પર રહેશે. ગોલ્ડમેન સૅક્સે તેના રિપોર્ટમાં દાવો કર્યો છે કે, કંપની આગામી 3 વર્ષમાં આ ક્ષેત્રો પર વિશેષ ધ્યાન આપવા જઈ રહી છે. છેલ્લા 10 વર્ષોમાં, કંપનીએ તેના હાઇડ્રોકાર્બન અને ટેલિકોમ બિઝનેસના વિસ્તરણમાં લગભગ 125 બિલિયન ડૉલરનું રોકાણ કર્યું છે. હવે મુકેશ અંબાણી નવા ક્ષેત્રોમાં નાણાંનું રોકાણ કરશે.

ગોલ્ડમેન સૅક્સે તેના રિપોર્ટમાં જણાવ્યું છે કે, રિલાયન્સ ગ્રુપે નાણાકીય વર્ષ 2013 થી 18 દરમિયાન તેલથી લઈને કેમિકલ બિઝનેસમાં લગભગ 30 બિલિયન ડૉલરનું રોકાણ કર્યું છે. આ ઉપરાંત, નાણાકીય વર્ષ 13 થી 24 દરમિયાન ટેલિકોમ બિઝનેસમાં 4G અને 5Gને પ્રોત્સાહન આપવા માટે અંદાજે 60 બિલિયન ડૉલરનો ખર્ચ કરવામાં આવ્યો છે. કંપની દેશભરમાં 5G ફેલાવીને સેવાઓની કિંમતો વધારવાની યોજના ધરાવે છે. તે ટેલિકોમ બિઝનેસને એક વધુમાં વધુ રોકડ આપતા ધંધામાં પરિવર્તિત કરવા માંગે છે. હાલમાં કંપની માટે તેની રિફાઇનરી અને પેટ્રોકેમિકલ વધુમાં વધુ રૂપિયા મેળવતો બિઝનેસ છે.

રિપોર્ટમાં એવો દાવો કરવામાં આવ્યો છે કે, કંપની આગામી 3 વર્ષ માટે રિટેલ (રિલાયન્સ રિટેલ) અને નવી ઊર્જા (રિલાયન્સ ન્યૂ એનર્જી) પર વિશેષ ધ્યાન આપવા જઈ રહી છે. આમાં, કંપનીને ઓછા ખર્ચના સંબંધમાં વધુ વળતર મળવાની અપેક્ષા છે. જ્યાં રિફાઇનરી અથવા પેટ્રોકેમિકલ ફેક્ટરી વિકસાવવામાં 5 વર્ષનો સમય લાગે છે. જ્યારે, સોલાર પ્લાન્ટ બનાવવામાં લગભગ 2 વર્ષ અને છૂટક સ્ટોર તૈયાર કરવામાં ફક્ત 6 થી 12 મહિનાનો સમય લાગે છે. ગોલ્ડમેન સૅક્સના જણાવ્યા અનુસાર રિલાયન્સે રિટેલ બિઝનેસમાં રોકાણ કરવા માટે મોટી રકમ તૈયાર રાખી છે.

રિપોર્ટ અનુસાર, રિલાયન્સ ઈન્ડસ્ટ્રીઝ બે તબક્કામાં સોલર અને બેટરી મેન્યુફેક્ચરિંગમાં લગભગ 10 બિલિયન ડૉલરનું રોકાણ કરશે. કંપની સૌપ્રથમ સોલાર અને બેટરી મેન્યુફેક્ચરિંગ પ્લાન્ટ સ્થાપવાની યોજના ધરાવે છે. આ પછી સોલાર, ઈલેક્ટ્રોલાઈઝર અને વિન્ડ એનર્જી પર મોટી રકમ ખર્ચવામાં આવશે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.