આ રીતે 50 મુન્નાભાઈ બન્યા પોલીસ ઇન્સ્પેક્ટર, ટોપર નરેશ વિશ્નોઈની ધરપકડ
રાજસ્થાન પેપર લીક કેસમાં 35 નવા આરોપીઓમાંથી મોટાભાગના પોલીસ ટ્રેનિંગ સેન્ટરમાંથી ભાગી ગયા હોવાનું જાણવા મળ્યું છે. ગઈકાલે અટકાયત કરાયેલા 15માંથી 13ની ધરપકડ કરવામાં આવી છે. સરકાર તેમને થોડા સમયમાં જ બરતરફ કરી દેશે.
રાજસ્થાનમાં પેપર લીક કેસમાં ટ્રેનિંગ લઈ રહેલા વધુ 35 સબ ઈન્સ્પેક્ટરોને પેપર લીક કેસમાં આરોપી બનાવવામાં આવ્યા છે. આ કેસમાં આરોપી ટોપર રહેલા નરેશ વિશ્નોઈની ધરપકડ કરવામાં આવી છે. હવે આરોપી સબ ઈન્સ્પેક્ટરોની કુલ સંખ્યા 50 થઈ ગઈ છે. SOGએ તમામ 50 સામે ગુનો દાખલ કર્યો છે. 35 નવા આરોપીઓમાંથી મોટાભાગના પોલીસ ટ્રેનિંગ સેન્ટરમાંથી ભાગી ગયા હોવાનું જાણવા મળ્યું છે. ગઈકાલે અટકાયત કરાયેલા 15માંથી 13ની ધરપકડ કરવામાં આવી છે. સરકાર થોડા સમયમાં જ તેમને બરતરફ કરી દેશે.
રાજસ્થાન પેપર લીક કેસના તપાસ અધિકારીએ જણાવ્યું હતું કે, ભરતી પરીક્ષામાં ટોપ કરનાર વ્યક્તિ સહિત 15 તાલીમાર્થી પોલીસ સબ-ઇન્સ્પેક્ટરોને લીક થયેલા પ્રશ્નપત્રો અને ડમી ઉમેદવારોનો ઉપયોગ કરીને પરીક્ષા (2021) પાસ કરવા માટે અટકાયતમાં લેવામાં આવ્યા હતા.
પોલીસના સ્પેશિયલ ઓપરેશન ગ્રુપ (SOG)ની એક ટીમ રાજસ્થાન પોલીસ એકેડમી પહોંચી અને ત્યાં તાલીમ લઈ રહેલા શકમંદોની અટકાયત કરી. અધિકારીએ જણાવ્યું કે, એક સબ-ઇન્સ્પેક્ટરને અજમેરના કિશનગઢની પોલીસ ટ્રેનિંગ સ્કૂલમાંથી અને અન્ય બેને તેમના ગામોમાંથી અટકાયતમાં લેવામાં આવ્યા હતા.
રાજ્ય પોલીસના ATS અને SOGના ADG V.K. સિંહે જણાવ્યું કે, રાજસ્થાન પબ્લિક સર્વિસ કમિશને 2021માં સબ-ઇન્સ્પેક્ટર અને પ્લાટૂન કમાન્ડરની ભરતી પરીક્ષા યોજી હતી. પોલીસ અધિકારીએ કહ્યું કે, 'અમને માહિતી મળી હતી કે, એક ગુનેગાર ટોળકીએ પ્રશ્નપત્ર લીક કર્યું હતું અને કેટલાક ઉમેદવારોની ભરતી કરાવી હતી, પોલીસ તપાસમાં આ વાતની પુષ્ટિ થઈ હતી, ત્યારપછી FIR નોંધવામાં આવી હતી અને પંદર શંકાસ્પદ તાલીમાર્થી સબ ઈન્સ્પેક્ટરોની અટકાયત કરવામાં આવી હતી. તેને પૂછપરછ માટે SOG હેડક્વાર્ટરમાં લાવવામાં આવ્યા છે.
"मोदी जी की गारंटी" मतलब गारंटी पूरी होने की गारंटी!
— Bhajanlal Sharma (Modi Ka Parivar) (@BhajanlalBjp) March 4, 2024
नए भारत के नए राजस्थान में पेपर लीक पर कसी जा रही लगाम
पेपरलीक पर रोकथाम हेतु गठित एसआईटी को मिली बड़ी सफ़लता
➖उप-निरीक्षक भर्ती परीक्षा 2021 पेपर लीक मामले में SIT की बड़ी कामयाबी, 15 लोग हिरासत में
परीक्षा टॉपर सहित 15… https://t.co/EdhLvGkHSl
તપાસ એજન્સીને એવી પણ શંકા છે કે, પરીક્ષા પહેલા પ્રશ્નપત્રો મેળવવા ઉપરાંત કેટલાક ઉમેદવારો માટે ડમી ઉમેદવારોની પણ વ્યવસ્થા કરવામાં આવી હતી. આ વ્યવસ્થા એવા લોકો માટે કરવામાં આવી હતી, જેઓમાં ખુદ જાતે પરીક્ષા આપી શકવાની યોગ્યતા ન હતી.
નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.
તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.
ગુજરાતનું અગ્રેસર ન્યૂઝ પોર્ટલ, અહીં વાત થાય છે માત્ર ગુજરાત અને ગુજરાતનાં હિતની... Download Khabarchhe APP www.khabarchhe.com/downloadApp
