શાળા આપશે પ્રશ્નપત્ર, વિદ્યાર્થીઓ આન્સરશીટ લાવે, પરીક્ષાને લઈ રાજ્ય સરકારનો આદેશ

પરીક્ષાઓ દરમિયાન, શાળાઓ વિદ્યાર્થીઓને પ્રશ્નપત્રો અને ઉત્તરવહીઓ બંને પ્રદાન કરે છે. પરીક્ષા પછી, વિદ્યાર્થીઓ પ્રશ્નપત્ર ઘરે લઇ જાય છે અને જવાબ નોટ બુક સબમિટ કરે છે. પરંતુ, કર્ણાટક સરકારે આ મામલે બિલકુલ અલગ નિર્ણય લીધો છે. જે મુજબ ધોરણ 5, 8 અને 9ના વિદ્યાર્થીઓએ પરીક્ષા માટે ઘરેથી આન્સરશીટ લાવવાની રહેશે.

કર્ણાટક સરકારે રાજ્યની તમામ શાળાઓને પરીક્ષા દરમિયાન વિદ્યાર્થીઓને માત્ર પ્રશ્નપત્રો આપવા અને વિદ્યાર્થીઓને ઉત્તરવહીઓ જાતે લાવવાનો આદેશ આપ્યો છે. વિભાગે બ્લોક સ્તરે ઉત્તરવહીઓનું મૂલ્યાંકન કરવાનો પણ નિર્ણય લીધો છે.

આ સૂચનાઓ ખાસ કરીને, ધોરણ 5, 8, 9 માટે છે. જો કે કર્ણાટક સરકારના આ નિર્ણય પાછળનું કારણ હજુ સામે આવ્યું નથી. કર્ણાટક સ્ટેટ એક્ઝામિનેશન એન્ડ એસેસમેન્ટ બોર્ડ (KSEAB) પાસે પરીક્ષા આયોજિત કરવાની સત્તા છે. આ પરીક્ષા અગાઉ 11 થી 18 માર્ચ દરમિયાન નક્કી કરવામાં આવી હતી. પરંતુ હાઇકોર્ટે સોમવારથી 11મીથી શરૂ થનારી ધોરણ 5 અને 8ની જાહેર/બોર્ડ પરીક્ષાઓ રદ કરી દીધી છે. આ ઉપરાંત ધોરણ 9 અને 11ની જાહેર પરીક્ષાઓ પણ રદ કરવામાં આવી છે.

મીડિયા સૂત્રો પાસેથી પ્રાપ્ત થતા અહેવાલ મુજબ, વિભાગે વર્ષ 2022-23માં વિદ્યાર્થીઓને મફતમાં ઉત્તરવહીઓ અને પ્રશ્નપત્રો આપીને પરીક્ષાનું આયોજન કર્યું હતું. આ પછી, આ વર્ષે વિભાગે માહિતી આપી હતી કે, આ વર્ષે પણ વિદ્યાર્થીઓને ઉત્તરવહીઓ આપવામાં આવશે, પરંતુ પરીક્ષા પહેલા, વિભાગે તેની જાહેરાતથી U-ટર્ન લીધો અને હવે કહ્યું છે કે, તે વિદ્યાર્થીઓને માત્ર પ્રશ્નપત્ર અને માહિતી લખવા માટે એક શીટ આપવામાં આવશે. ગયા અઠવાડિયે એક વિડિયો કોન્ફરન્સમાં, KSEABએ તમામ ઉચ્ચ શાળાઓના આચાર્યોને વિદ્યાર્થીઓને તેમની ઉત્તરવહીઓ લાવવા વિશે જાણ કરવા નિર્દેશ આપ્યો હતો. KSEABએ તેની વેબસાઈટ પર પુસ્તિકાના રૂપમાં મોડેલ પ્રશ્નપત્રો બહાર પાડ્યા છે.

આ નિર્ણય પછી BJP નેતા તેજસ્વી સૂર્યાએ સિદ્ધારમૈયા સરકાર પર નિશાન સાધ્યું છે. તેણે પોતાના સોશિયલ મીડિયા એકાઉન્ટ 'X' (અગાઉના ટ્વિટર) પર લખ્યું, 'કર્ણાટકને નાદારીમાં ધકેલી દેનારી કોંગ્રેસ સરકાર હવે વિદ્યાર્થીઓને તેમની આન્સરશીટ લાવવા દબાણ કરી રહી છે. બોર્ડની પરીક્ષાઓ માટે પોતાની ઉત્તરવહીઓ. આ સરકાર સંપૂર્ણ ગડબડ છે અને તેણે હોદ્દાની ગરિમા ગુમાવી દીધી છે. CM સિદ્ધારમૈયાને વિનંતી કરો કે, તેઓ તરત જ ભંડોળ ઉધાર લે અને તેને શિક્ષણ વિભાગને આપે અને ઉત્તરવહીઓ છાપવવાનો આગ્રહ કરે. સરકારની દૂરંદેશી અને આયોજનના અભાવે વિદ્યાર્થી સમુદાયની ઉપર દબાણ ન આવવું જોઈએ.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.