21 વર્ષની અભિનેત્રી અનુષ્કાએ મુંબઇમાં ખરીદ્યું કરોડોનું ઘર, તસવીર શેર કરી
માયા નગરી મુંબઇ માટે એવું કહેવાય છે કે અહીં રોટલો મળી જાય, પરંતુ ઓટલો ન મળે. મતલબ કે મુંબઇમાં ઘર ખરીદવું મુશ્કેલ હોય છે અને તેમાં પણ વૈભવી ઘર ખરીદવું હોય તો કરોડો રૂપિયા જો ઇએ. મુંબઇમાં 21 વર્ષની અભિનેત્રીએ આલિશાન ખરીદ્યું છે અને તેની તસ્વીરો પણ શેર કરી છે.આ અભિનેત્રી ટીવીની સિરિયલમાં કામ કરી ચૂકી છે.
મુંબઈના માયા શહેરમાં ઘર બનાવવું એ કોઈ મજાકની વાત નથી. ખાસ કરીને જો તમને એક આલીશાન ઘર જોઈએ છે, જેની આસપાસ તમામ સુવિધાઓ ઉપલબ્ધ હોય, તો તમારે એક સાથે કરોડો રૂપિયા ખર્ચવા પડશે. મોટા સ્ટાર્સ પણ આ કામ ત્યારે જ કરી શકે છે જ્યારે તેઓ પોતાની કેરિયર યોગ્ય રીતે બનાવે છે અને ઊંચાઈએ પહોંચે છે. પરંતુ ‘બાલવીર’અને યે ‘મેં ઘર ઘર ખેલી’ની ટીવી સિરિયલની અભિનેત્રી અનુષ્કા સેને માત્ર 21 વર્ષની ઉંમરે આ સપનું પૂરું કર્યું છે.
અનુષ્કા સેને તેના નવા અને આલીશાન ઘરની તસવીર સોશિયલ મીડિયા પર શેર કરી છે, જેના કેપ્શનમાં તેણે લખ્યું છે કે અમારું નવું ઘર. સેન પરિવારનું વધુ એક સપનું પુરુ થયું છે.આ કેપ્શન સાથે તેણે ઘરની ચાવીઓ સાથે કેટલાક ફોટા પોસ્ટ કર્યા છે, જેમાં તે ઊંચાઈ પર સ્થિત ઘરની બાલ્કનીમાં ઉભી જોવા મળે છે.
તેનો પરિવાર પણ તેની સાથે છે. આ બાલ્કનીમાંથી મુંબઈ શહેરનો સુંદર નજારો દેખાય છે. અનુષ્કા સેન પણ તેના હાથમાં ચાવી પકડીને કેમેરા સામે તેના રંગીન લુકને ફ્લોન્ટ કરીને ખૂબ જ સુંદર લાગી રહી છે. તેમજ તેના ચહેરા પરનું સ્મિત દર્શાવે છે કે આ નવું ઘર મળ્યા બાદ તે કેટલી ખુશ છે. આમાંથી એક તસવીરમાં ભગવાન ગણેશની મૂર્તિ પણ દેખાઈ રહી છે.
અનુષ્કા કેસન બાલવીર અને ઘર ઘર ખેલીમાં તો જોવા મળી જ છે, પરંતુ એ પછી ખતરો કે ખિલાડીમાં પણ નજરે પડી હતી. એમાં પણ તેની હિંમંતની પ્રસંશા થઇ હતી. અનુષ્કા હવે ટુંક સમયમાં વેબ સીરિઝની દુનિયામાં પણ નસીબ અજમાવતી જોવા મળશે. જો કે, અનુષ્કાનો ટીવી છોડવાનો કોઇ ઇરાદો નથી.
અનુષ્કાની પોષ્ટ પર તેના ચાહકો અભિનંદનનો વરસાદ કરી રહ્યા છે. નાની ઉંમરે તેણે મેળવેલી સફળતાની સરાહના કરવામાં આવી રહી છે.
નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.
તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.
ગુજરાતનું અગ્રેસર ન્યૂઝ પોર્ટલ, અહીં વાત થાય છે માત્ર ગુજરાત અને ગુજરાતનાં હિતની... Download Khabarchhe APP www.khabarchhe.com/downloadApp
