ક્રિક્રેટ પછી ફિલ્મોમાં નસીબ અજવામશે ધોની, આ એકટ્રેસ સાથે દેખાશે

ટીમ ઇન્ડિયાના દિગ્ગજ ક્રિક્રેટર અને પૂર્વ કેપ્ટન સુપર કુલ મહેન્દ્ર સિંહ ધોની ક્રિક્રેટ પછી ફિલ્મ ઇન્ડસ્ટ્રીઝમાં નસીબ અજમાવવા જઇ રહ્યા હોવાનું જાણવા મળ્યું છે.ક્રિક્ટેમાં ધોનીના પરફોર્મન્સથી બધા વાકેક જ છે, હવે ફિલ્મમાં પણ તે કાઠું કાઢે તો નવાઇ નહી.ધોનીએ ક્રિક્રેટમાંથી અઢળક કમાણી કરી છે અને તે પોલ્ટ્રી ફાર્મનો બિઝનેસ પણ કરે છે અને સૌથી  મોંઘા ગણાતા કડકનાથ મરઘા ઉછેરે  છે.

ભારતના પૂર્વ કેપ્ટન એમએસ ધોની તમિલ ફિલ્મનું નિર્માણ કરશે. આ માહિતી ફિલ્મ ઈન્ડસ્ટ્રીના સૂત્રોએ આપી હતી. માહિતી અનુસાર, ધોનીએ પોતાની નજર ફિલ્મ ઈન્ડસ્ટ્રી પર લગાવી છે, તે અભિનેત્રી નયનતારા સાથે તમિલમાં ડેબ્યૂ કરશે. એક વિશ્વસનીય સૂત્રના જણાવ્યા મુજબ, ધોની મેગાસ્ટાર રજનીકાંતના નજીકના સહયોગીઓમાંના એક સંજયને પહેલેથી જ જોડી ચૂક્યો છે. સૂત્રોએ જણાવ્યું કે સંજયે ધોનીને ટીપ આપી છે કે નયનતારાને તેની ડેબ્યૂ ફિલ્મ માટે લેવાનું તમિલ ફિલ્મ ઈન્ડસ્ટ્રીમાં ધોની માટે સારું રહેશે.

નયનતારાના ભાવિ પતિ અને દિગ્દર્શક વિગ્નેશ સિવાન ધોનીના મોટા પ્રશંસક છે અને ભૂતપૂર્વ ભારતીય કેપ્ટન આ ફિલ્મમાં નાનકડી ભૂમિકા ભજવે તેવી શક્યતાને નકારી શકાય નહીં. ફિલ્મ Ms ધોની ધ અનટોલ્ડ સ્ટોરી સુપરહિટ રહી હતી અને તમિલનાડુમાં પણ આ ફિલ્મનું પ્રદર્શન સારું  રહ્યું હતું. કારણ કે ધોની જ્યારથી IPLમાં ચેન્નાઈ સુપર કિંગ્સનું નેતૃત્વ કરી રહ્યો છે ત્યારથી તે તમિલ ચાહકોમાં હિટ રહ્યો છે અને સૂત્રોએ જણાવ્યું કે તમિલનાડુના ફેન ફોલોઇંગ જોતા ધોનીને તમિલ ફિલ્મ બનાવવા માટે વિશ્વાસ જાગ્યો છે.

નયનતારા હાલમાં શાહરૂખ ખાનની એટલી દ્વારા નિર્દેશિત ફિલ્મનું શૂટિંગ કરી રહી છે. તે પહેલેથી જ મલયાલમ દિગ્દર્શક આલ્ફોન્સ પુથરાનની પાટુ અને અશ્વિન સરવણન દ્વારા નિર્દેશિત કનેક્ટ ફિલ્મ કરવાની છે. જે અભિનેતા શાહરૂખ ખાનની ફિલ્મ સમાપ્ત થયા પછી શૂટિંગ શરૂ કરશે.

ભૂતપૂર્વ ભારતીય ક્રિકેટર હરભજન સિંહે તમિલ ફિલ્મ ડિકિલોનામાં ડેબ્યૂ કર્યું છે અને બીજી ફિલ્મ ફ્રેન્ડશિપમાં મુખ્ય ભૂમિકા ભજવી છે.ભૂતપૂર્વ ફાસ્ટ બોલર એસ. શ્રીસંતે નયનતારા સાથે ફિલ્મ કાથુ વકુલા રેન્દુ કથલ થી તમિલ ફિલ્મમાં ડેબ્યુ કર્યું હતું. અન્ય એક ભૂતપૂર્વ ભારતીય ક્રિકેટર ઈરફાન પઠાણ તમિલફિલ્મ કોબ્રામાં વિરોધીની ભૂમિકા ભજવી રહ્યો છે જેમાં વિક્રમ નાયક છે અને  આ અજય જ્ઞાનમુથુ દ્વારા નિર્દેશિત છે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.