કેપ્ટન વિજયકાંતના અંતિમ સંસ્કારમાં થલાપતિ વિજય પર ચપ્પલ ફેંકાયું, જુઓ વીડિયો

થલાપતિ વિજય 28મી ડિસેમ્બરની સાંજે દિવંગત અભિનેતા અને રાજકારણી કેપ્ટન વિજયકાંતના અંતિમ સંસ્કારમાં સામેલ થયા હતા. જ્યારે સાઉથ સ્ટાર શ્રદ્ધાંજલિ આપવા માટે આગળ વધી રહ્યો હતો ત્યારે એક અજાણ્યા વ્યક્તિએ તેમના પર ચપ્પલ ફેંક્યું હતું. થલાપતિ વિજયના ચાહકો આ ઘટનાથી ખૂબ જ દુખી છે અને આ ઘટનાની ખૂબ ટીકા કરી રહ્યા છે.

દિવંગત અભિનેતા અને રાજકારણી વિજયકાંતને અંતિમ શ્રદ્ધાંજલિ આપવા માટે ગઈકાલે 28મી ડિસેમ્બરની સાંજે ચેન્નાઈના આઈલેન્ડ ગ્રાઉન્ડ ખાતે દક્ષિણ સિનેમાના મોટા સ્ટાર્સ એકઠા થયા હતા. તેમની અંતિમ વિદાય માટે અહીં હજારોની ભીડ ઉમટી હતી. થલાપતિ વિજય પણ તેમને શ્રદ્ધાંજલિ આપવા આવ્યા હતા, તે દરમિયાન તેઓ અભિનેતાના મૃતદેહને જોઈને પોતાના આંસુ પર કાબૂ રાખી શક્યા નહોતા. વિજયકાંત સાથે તેને ગાઢ સંબંધ હતો. આથી, તેઓ તેમના અંતિમ વિદાયમાં ખૂબ જ ભાવુક દેખાતા હતા. જેનો એક વીડિયો વાયરલ થયો છે. વીડિયોમાં જોઈ શકાય છે કે જ્યારે થલાપતિ વિજય ભીડમાંથી પસાર થઈ રહ્યા હતા ત્યારે કોઈએ ચપ્પલ ફેંક્યું જે સીધું તેના પર વાગ્યું.

થલપતિ વિજયે આ ઘટના પર તરત જ કોઈ પ્રતિક્રિયા આપી ન હતી અને આગળ વધવાનું ચાલુ રાખ્યું હતું, પરંતુ તેની પાછળ આવેલા એક વ્યક્તિએ તરત જ ચંપલ ઉપાડ્યું હતું અને તે જ્યાંથી આવ્યું હતું તે દિશામાં ફેંકી દીધું હતું. ફિલ્મ સ્ટાર પર શા માટે હુમલો કરવામાં આવ્યો તે જાણી શકાયું નથી, પરંતુ અભિનેતા અજીતની ફેન ક્લબે આ ઘટનાની નિંદા કરતું નિવેદન બહાર પાડ્યું છે.

સોશિયલ મીડિયા પર શેર કરવામાં આવેલ વિડિયો સાથેના કેપ્શનમાં લખવામાં આવ્યું છે કે, 'અજિતના ચાહકો અમે થલાપતિ વિજય સામેની આ અપમાનજનક ઘટનાની નિંદા કરીએ છીએ. તે કોઈ પણ હોય, જો તે આપણા ઘરે આવે તો આપણે તેનું સન્માન કરવું જોઈએ. અભિનેતા વિજય પર ચપ્પલ ફેંકવું બિલકુલ સ્વીકાર્ય નથી. મજબૂત રહો વિજય. અહીં તમને જણાવી દઈએ કે, વિજય અને અજીતના ચાહકો હંમેશા એકબીજા સાથે લડતા રહ્યા છે.

તેનો વીડિયો સામે આવ્યા પછી ચાહકો ખૂબ જ નિરાશ છે અને તેઓ પૂછી રહ્યા છે, 'આવું કેમ થયું?' બીજાએ લખ્યું, 'પોલીસ શું કરી રહી હતી?' ત્રીજાએ લખ્યું, 'જેણે ચપ્પલ ફેંક્યા તેને શરમ આવવી જોઈએ.' આ સાથે અન્ય લોકો પણ આ મામલે પોલીસ પાસે કાર્યવાહીની માંગ કરી રહ્યા છે.

We #Ajith fans strongly condemneding this disrespect behaviour to vijay . whoever it may be, we should respect when they came to our place.

Throwing slipper to @actorvijay is totally not acceptable 👎🏻

Stay strong #Vijay #RIPCaptainVijayakanth pic.twitter.com/dVg9RjC7Yy

— AK (@iam_K_A) December 29, 2023

કેપ્ટન વિજયકાંતનું 28 ડિસેમ્બર ગુરુવારે ન્યુમોનિયાના કારણે નિધન થયું હતું. તેઓ વેન્ટિલેટર પર હતા અને 'કોવિડ-19'થી પીડિત હતા. તેમના અંતિમ સંસ્કારમાં થલાપતિ વિજય ઉપરાંત સુપરસ્ટાર રજનીકાંત પણ હાજર રહ્યા હતા. અહીં તમને જણાવી દઈએ કે વિજયકાંતે દક્ષિણ સિનેમાને 'ચત્રિયન', 'સત્તમ ઓરુ ઈરુત્તરાઈ', 'વલ્લરાસુ', 'રમના', 'એંગલ અન્ના', 'સેંથુરા પૂવે', 'પુલન વિસરનાઈ' જેવી હિટ ફિલ્મો આપી છે. 1991માં આવેલી ફિલ્મ 'કેપ્ટન પ્રભાકરન'ના કારણે તેમને 'કેપ્ટન' અટક મળી હતી.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.