CID ફેમ દિનેશ ફડનીસનું મલ્ટીપલ ઓર્ગન ફેલ્યોરથી નિધન, શું હોય છે આ બીમારી

પ્રખ્યાત ક્રાઈમ શો 'CID'માં ફ્રેડરિક્સનું પાત્ર ભજવનાર અભિનેતા દિનેશ ફડનીસનું ગઈકાલે રાત્રે એટલે કે 4 ડિસેમ્બરે નિધન થયું હતું. જીવન અને મૃત્યુ વચ્ચે ઝઝૂમી રહેલા અભિનેતાનું ગઈકાલે રાત્રે લગભગ 12 વાગ્યે અવસાન થયું હતું. તેમને મુંબઈની તુંગા હોસ્પિટલમાં દાખલ કરવામાં આવ્યા હતા. તેમના અંતિમ સંસ્કાર આજે 5મી ડિસેમ્બરે થશે અને સૌથી લાંબા સમય સુધી ચાલતા શો 'CID'ની આખી સ્ટાર કાસ્ટ હાલમાં તેમના ઘરે હાજર છે. મીડિયા રિપોર્ટ્સ અનુસાર, દિનેશની હાલત નાજુક હતી અને તે વેન્ટિલેટર સપોર્ટ પર હતા. તેઓ 57 વર્ષના હતા. 15 દિવસ પહેલા જ તેમના લગ્નની વર્ષગાંઠ ઉજવાઇ હતી. 

તેઓ લીવર ડેમેજની સમસ્યાથી પીડિત હતા. આ અગાઉ એવા અહેવાલો આવ્યા હતા કે, અભિનેતાને હાર્ટ એટેક આવ્યો હતો જેને દયાનંદ શેટ્ટીએ ફગાવી દીધો હતો અને કહ્યું હતું કે, તેમનું લીવર જ ખરાબ હતું. તેમના નજીકના મિત્ર દયાનંદ શેટ્ટીએ મીડિયા સૂત્રો સાથે વાત કરી હતી અને કહ્યું હતું કે, 'હા, એ સાચું છે કે તે હવે નથી રહ્યા. આ ઘટના લગભગ મોડી રાત્રે 12.08 વાગ્યે બની હતી. હું અત્યારે તેના ઘરે જ છું. તેમના અંતિમ સંસ્કાર આજે થશે. CIDના લગભગ તમામ (કલાકારો) લોકો અત્યારે અહીં હાજર છે.'

તેમના પરિવારમાં તેમની પત્ની નયના અને પુત્રી તનુ છે. દિનેશ ફડનીસ CIDના શોમાં ફ્રેડરિક્સ તરીકે ઓળખાય છે. તેણે સૌથી પ્રખ્યાત શો 'CID'માં કામ કર્યું, જે ભારતીય ટેલિવિઝન પર નંબર વન હતો. તે ઘરે ઘરે પ્રખ્યાત બની ગયો અને પ્રેક્ષકોનું ઘણું ધ્યાન આકર્ષિત કર્યું હતું. તેણે 1998 થી 2018 સુધી આ શોમાં કામ કર્યું હતું અને અન્ય કલાકારોની જેમ તે પણ બાળકોમાં ખૂબ પ્રખ્યાત થયો હતો. માત્ર 'CID' જ નહીં, દિનેશે અન્ય એક હિટ સિટકોમ 'તારક મહેતા કા ઉલ્ટા ચશ્મા'માં પણ કેમિયો કર્યો હતો. તે કેટલીક ફિલ્મોમાં કેમિયો રોલમાં પણ જોવા મળ્યો છે.

1990ના દાયકામાં જન્મેલા બાળકોના દિલમાં 'CID'નું વિશેષ સ્થાન છે. તે 1990 અને 2000ના દાયકાના સૌથી લોકપ્રિય અને વ્યાપકપણે જોવાયેલા ટેલિવિઝન શોમાંનો એક હતો. તે સોની TV પર પ્રસારિત થયું અને તેની મજબૂત કાસ્ટ અને વાર્તા વડે સતત દર્શકોના દિલ જીતી લીધા. આ શોની સ્ટાર કાસ્ટમાં શિવાજી સાટમ, દયાનંદ શેટ્ટી, આદિત્ય શ્રીવાસ્તવ, જાનવી છેડા ગોપાલિયા, હૃષિકેશ પાંડે, શ્રદ્ધા મુસળે અને અન્ય ઘણા લોકો સામેલ હતા.

શું હોય છે મલ્ટીપલ ઓર્ગન ફેલ્યોર 

તેમનું નિધન મલ્ટીપલ ઓર્ગન ફેલ્યોરના કારણે થયું હોવાનું રિપોર્ટ્સ બતાવે છે. કહેવાય છે કે તેમને કોઇ બીમારી થઇ હતી. તે બીમારીની દવા લઇ રહ્યા હતા. આ દવાની આડઅસર તેમના લીવર પર થઇ. લીવર પર અસર થવાને કારણે તેમના બીજા અંગો પણ કામ કરતા અટકી ગયા. આમ, મલ્ટીપલ ઓર્ગન ફેલ્યોર ના કારણે તેમનું નિધન થયું. મલ્ટીપલ ઓર્ગન ફેલ્યોર એટલે શરીરના એક કરતા વધુ અંગે જેમ કે કીડની, લીવર, હાર્ટ, મગજ કામ કરતા બંધ થઇ જાય તેને કારણે મૃત્યુ થઇ જાય છે. આવું થવા પાછળના ઘણા કારણો હોય છે. 

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.