શું 'અશ્વત્થામા' નહીં બને? ડિરેક્ટરે જણાવ્યું કારણ

વિકી કૌશલને 'ઉરીઃ ધ સર્જિકલ સ્ટ્રાઈક' જેવી બ્લોકબસ્ટર ફિલ્મો આપનાર નિર્દેશક આદિત્ય ધર તેની સાથે સુપરહીરો એક્શન ફિલ્મ 'અશ્વત્થામા' બનાવવાના હતા. આ પ્રોજેક્ટને લઈને શરૂઆતથી જ ભારતીય સિનેમા ચાહકોમાં ઘણી ઉત્તેજના હતી.

2019માં, એવા સમાચાર હતા કે વિકી અને આદિત્ય મહાભારતના પાત્ર અશ્વત્થામા પર આધારિત સુપરહીરો ફિલ્મમાં કામ કરી રહ્યા છે. આ ફિલ્મ માટે વિકીએ ઘોડેસવારી અને માર્શલ આર્ટની તાલીમ પણ લેવાનું શરૂ કર્યું. પરંતુ લોકડાઉનને કારણે આ ફિલ્મ શરૂ થઈ શકી નથી. 2021માં, વિકીએ ખૂબ જ ઉત્સાહ સાથે 'ધ અમર અશ્વત્થામા'નું પહેલું પોસ્ટર શેર કર્યું. પરંતુ પછી આ ફિલ્મ આગળ વધી શકી નહીં.

હવે આખરે ડિરેક્ટર આદિત્ય ધરે કન્ફર્મ કર્યું છે કે, આ ફિલ્મ અત્યારે બની જ નથી રહી. આનું કારણ આપતાં આદિત્યએ કહ્યું છે કે, જંગી બજેટને કારણે અત્યારે આ ફિલ્મ કરવી 'અસંભવ' છે.

તેની નવી ફિલ્મ 'આર્ટિકલ 370'ના ટ્રેલર લોન્ચ સમયે, આદિત્યએ પુષ્ટિ કરી કે 'અશ્વત્થામા' અત્યારે બની રહી નથી. મીડિયા સૂત્રના અહેવાલ મુજબ, આદિત્યએ કહ્યું, 'અમારે તેને અત્યારે હોલ્ડ પર રાખવું પડશે. સાચું કહું તો, આ માટે આપણે બધાની જે વિઝન હતી તે ભારતીય સિનેમામાં લાગુ કરવા માટે ખૂબ મોટી હતી. અમને જે પ્રકારની VFX ગુણવત્તા જોઈતી હતી, અહીં કોઈએ તેના માટે પ્રયાસ પણ કર્યો નથી.'

પોતાના વિઝન અંગે 'ઉરી'ના દિગ્દર્શક આદિત્યએ હોલીવુડના ટોચના નિર્દેશક જેમ્સ કેમરોનની ફિલ્મ 'અવતાર'નું ઉદાહરણ આપ્યું. તેણે કહ્યું, 'જેમ્સ કેમરને 27 વર્ષ પહેલા અવતારનો વિચાર આવ્યો હતો, પરંતુ તેણે માર્કેટ વધવાની રાહ જોઈ. ટેક્નોલોજી એવા સ્તરે પહોંચે તેની રાહ જોઈ રહ્યા હતા, જ્યાં તેઓ તેને વાસ્તવમાં રજૂ કરી શકે. અલબત્ત, હું તેમના જેવો નથી, પરંતુ જો આપણે શ્રેષ્ઠતા જોઈતી હોય, તો 'ચાલશે' હોવું પૂરતું નથી. હું તેને માત્ર મનોરંજન માટે બનાવી શકતો નથી. ભલે મારા પ્રાઇમ ટાઈમના પાંચ વર્ષ લાગે, પણ ફિલ્મ હજુ પણ શાનદાર હોવી જોઈએ.'

આદિત્યએ કહ્યું કે એકવાર ફિલ્મ બની જાય તો તે કાયમ રહે છે. એટલા માટે તે કંઈક સરેરાશ બનાવવા માંગતો નથી. તેણે આગળ કહ્યું, 'આમાં એવો ઈરાદો ન હોવો જોઈએ કે, મારે માત્ર પૈસા કમાવવા છે. હેતુ શ્રેષ્ઠતા પ્રાપ્ત કરવાનો હોવો જોઈએ. મને ખરેખર લાગે છે કે, નિર્માતા તરીકે આપણા દેશનું યોગ્ય રીતે પ્રતિનિધિત્વ કરવું એ આપણી મોટી જવાબદારી હોય છે.'

છેલ્લા 3 વર્ષમાં એવી પણ ખબર આવી હતી કે, આદિત્ય ધર હવે આ ફિલ્મમાં વિકીની જગ્યાએ બીજા કોઈને કાસ્ટ કરી રહ્યો છે. રણવીર સિંહ અને અલ્લુ અર્જુન 'અશ્વત્થામા'માં કામ કરી રહ્યા હોવાના અહેવાલ હતા. પરંતુ હવે આદિત્યના નિવેદન પછી એ વાતની પુષ્ટિ થઈ ગઈ છે કે, આ ફિલ્મ જંગી બજેટના કારણે બનવાની નથી.

અગાઉ વિકી કૌશલે પણ આ ફિલ્મને વારંવાર મુલતવી રાખવાને 'નિરાશાજનક' ગણાવી હતી. તેણે કહ્યું હતું કે, 'આ ફિલ્મ બનાવવા માટે વધુ સારો સમય આવશે અને નિરાશાજનક થવા કરતાં વધુ મહત્ત્વની બાબત એ છે કે, કોઈ પણ ફિલ્મ તેના માટે શ્રેષ્ઠ સમય હોય ત્યારે બનાવવી જોઈએ. હવે ચાહકો એ જોવા માંગશે કે, જ્યારે પણ આદિત્ય 'અશ્વત્થામા' બનાવે છે ત્યારે તેનો હીરો વિકી જ રહેશે કે પછી તે કોઈ અન્યને કાસ્ટ કરશે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.