Notifications

Favourite List

ભારતમાં 4 દિવસમાં 120 કરોડની કમાણી કરનારી ફાઇટર ફિલ્મે વિદેશમાં રેકોર્ડ બનાવ્યો

29 Jan, 2024
03:41 PM
PC: twitter.com

રિતિક રોશન, દીપિકા પાદુકોણ અને અનિલ કપૂર સ્ટારર ફિલ્મ ફાઈટર બોક્સ ઓફિસ પર ધૂમ મચાવી રહી છે. ફિલ્મ દરરોજ નવા કિર્તિમાન સ્થાપિત કરી રહી છે. પઠાન બાદ ડિરેક્ટર સિદ્ધાર્થ આનંદની ફિલ્મ ફાઈટર હોલિવુડને પણ ટક્કર આપી રહી છે. ફિલ્મે ભારતમાં પહેલા વિકેન્ડ પર 120 કરોડ રૂપિયાની કમાણી કરી લીધી છે. ભારતમાં જ નહીં પણ ઈન્ટરનેશનલ લેવલે પણ ફિલ્મે ધમાકેદાર કમાણી કરી છે. કોમસ્કોરના ડેટા મુજબ ફાઇટર ફિલ્મેો રવિવાર સુધીમાં ઈન્ટરનેશનલ માર્કેટમાં 25 મિલિયન ડોલર એટલે કે 208 કરોડ રૂપિયાની કમાણી કરી લીધી છે. ફિલ્મે આ આંકડો ફક્ત 4 દિવસમાં પાર કરી લીધો છે.

ફાઇટર ફિલ્મે છેલ્લી અમુક મોટી હોલિવુડ ફિલ્મોને પણ પાછળ છોડી દીધી છે. એનીવન બટ યુ ફિલ્મે 19 મિલિયન અને જેસન સ્ટેથમમની ધ બીકીપર ફિલ્મે વિકેન્ડમાં 18 મિલિયન ડોલરની કમાણી કરી હતી, પરંતુ રિતિકની ફિલ્મ એનાથી પણ આગળ નિકળી ગઈ છે

'ફાઇટર' જોવા જવાના હોવ તો પહેલા ફેન્સના રિવ્યૂ વાંચી લેજો

25 જાન્યુઆરી 2023ના રોજ સિદ્ધાર્થ આનંદ 'પઠાણ'ને શાહરૂખ ખાન સાથે લાવ્યો અને તેણે કિંગ ખાનનું નસીબ બદલી નાખ્યું. આ ફિલ્મ બોક્સ ઓફિસ પર એક હજાર કરોડ રૂપિયાથી વધુની કમાણી કરવામાં સફળ રહી હતી અને શાહરૂખ ખાનની ફિલ્મની કિસ્મતને પાટા પર પાછી લાવી હતી. વર્ષ 2024છે અને તે જ દિવસ 25મી જાન્યુઆરી છે. સિદ્ધાર્થ આનંદ ફરી એકવાર દેશભક્તિ પર આધારિત ફિલ્મ ફાઈટર લઈને આવ્યા છે, જેમાં અનિલ કપૂર, દીપિકા પાદુકોણ, રિતિક રોશન અને કરણ સિંહ ગ્રોવર મુખ્ય ભૂમિકામાં છે.

26મી જાન્યુઆરીના ગણતંત્ર દિવસ પહેલા રિતિક રોશન, દીપિકા પાદુકોણ અને અનિલ કપૂર અભિનીત બહુપ્રતિક્ષિત ફિલ્મ ફાઈટર 25મી જાન્યુઆરીએ સિનેમાઘરોમાં રિલીઝ થઈ છે, જેની છેલ્લા ઘણા દિવસોથી ખૂબ ચર્ચા થઈ રહી હતી. હવે ફિલ્મનો ફર્સ્ટ ડે ફર્સ્ટ શો જોવા ગયેલા ચાહકોએ ફિલ્મ કેવી છે તેના રિવ્યુ આપવાનું શરૂ કરી દીધું છે. આ કારણે સોશિયલ મીડિયા પર ફાઈટર ફર્સ્ટ ડે ફર્સ્ટ શો ટ્રેન્ડ કરી રહ્યો છે અને લોકો પ્રતિક્રિયા આપતા જોવા મળી રહ્યા છે.

એક યુઝરે લખ્યું, મેં જોઈ લીધી છે. ફાઇટર શ્રેષ્ઠ છે, રિતિક શ્રેષ્ઠ છે, દીપિકા શ્રેષ્ઠ છે, અની શ્રેષ્ઠ છે અને સિદ્ધાર્થ પણ શ્રેષ્ઠ છે. સૌને સલામ. અન્ય યુઝરે લખ્યું, ફાઈટરનો એરિયલ શોટ માત્ર એક સીન નથી. આ તે ક્ષણ છે, જે આપણા શ્વાસને ઝડપી કરી દે છે. એક સારી ફિલ્મ છે રિતિક રોશન.

ત્રીજા યુઝરે લખ્યું, આ સિવાય એક યુઝરે દર્શકોના રિવ્યુ શેર કર્યા છે અને ફિલ્મની પ્રશંસા કરી છે. પાંચમા યુઝરે લખ્યું, રિતિક રોશને ફરી એકવાર સાબિત કરી દીધું કે, તે શા માટે શ્રેષ્ઠ છે. આપણી પાસે જે બધી પ્રતિભાઓ છે તેમાંથી એક છે અને આ વખતે તે ફાઈટરની સાથે ગ્રાન્ડ વિનર સાથે આવ્યો છે.

અહીં તમને જણાવી દઈએ કે, ફાઈટરની મોંઘી ટિકિટો હોવા છતાં પણ ફિલ્મને પ્રેમ મળી રહ્યો છે. સિદ્ધાર્થ આનંદ દ્વારા નિર્દેશિત આ ફિલ્મમાં રિતિક રોશન, દીપિકા પાદુકોણ અને અનિલ કપૂર ઉપરાંત કરણ સિંહ ગ્રોવર અને અક્ષય ઓબેરોય પણ જોવા મળશે. કેટલાક અખાતી દેશોમાં ફિલ્મને રિલીઝ ન કરવાનો નિર્ણય લેવામાં આવ્યો હોવાના અહેવાલો મળી રહ્યા છે. એવું કહેવામાં આવી રહ્યું છે કે, UAE સિવાય ખાડી દેશોમાં ફાઈટરને રિલીઝ કરવાને લઈને થોડી મૂંઝવણ છે.

સિદ્ધાર્થ આનંદે પઠાણનું દિગ્દર્શન કર્યું હતું અને ફાઈટરમાં તે દિગ્દર્શક તરીકે ટોચ પર ગયો છે. જો કે, વાર્તા થોડી નબળી છે અને ફિલ્મ ઘણા મોરચે ખેંચાયેલી લાગે છે. પરંતુ તે સારી રીતે જાણે છે કે, ફિલ્મમાં દેશભક્તિની ભાવના કેવી રીતે વણી શકાય. ત્યારપછી દીપિકા અને રિતિકે ફિલ્મને મજબૂતીથી પકડી રાખી હતી. સિદ્ધાર્થ આનંદે વિઝ્યુઅલ અને એક્શન દ્વારા ફિલ્મને એક નવી ઉંચાઈ પર લઈ ગયા. આ રીતે સિદ્ધાર્થ આનંદે દર્શકોની નાડ સમજી લીધી છે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.

ગુજરાતનું અગ્રેસર ન્યૂઝ પોર્ટલ, અહીં વાત થાય છે માત્ર ગુજરાત અને ગુજરાતનાં હિતની... Download Khabarchhe APP www.khabarchhe.com/downloadApp