ફિલ્મ 'દો પત્તી' જોવાનો પ્લાન હોય તો પહેલા વાંચી લેજો રિવ્યૂ

જ્યારે કાજોલ અને કૃતિ સેનન સ્ટારર ફિલ્મ 'દો પત્તી'નું ટ્રેલર રિલીઝ થયું ત્યારે દર્શકોના મનમાં સવાલ હતો કે આ ફિલ્મ કોના વિશે હશે? સસ્પેન્સ થી ભરેલી બે જોડિયા બહેનોની વાર્તા, એક પોલીસ ઈન્સ્પેક્ટર અને એક હેન્ડસમ શાહીર શેખની સાથે મળીને બનાવવામાં આવેલી છે, એવી તે કેવી છે, જેને જોવા દર્શકોનું મન લલચાય છે. જ્યારે અમે 'દો પત્તી'નું ટ્રેલર જોયું ત્યારે અમારા મનમાં પણ આ પ્રશ્ન હતો. ટ્રેલર જોઈને એવું લાગી રહ્યું હતું કે, આ વાર્તા બે બહેનો અને તેમની વચ્ચે આવનાર એક હેન્ડસમ ડ્યૂડની હશે. જો કે તે છે પણ, પરંતુ વસ્તુઓ જેટલી સરળ દેખાય છે, તેના કારણ વધારે તે ગૂંચવાયેલી હોય છે દેખાય છે.

વાર્તા ઝારખંડના નાનકડા ગામ દેવીપુરથી શરૂ થાય છે, જ્યાં ઇન્સ્પેક્ટર વિદ્યા જ્યોતિ (કાજોલ)ની બદલી કરવામાં આવી છે. ન્યાયાધીશ પિતા અને વકીલ માતાની પુત્રી વિદ્યા ઉર્ફે વીજે, ન્યાય અને કાયદાને સામાન્ય લોકો કરતાં અલગ માપદંડ પર તોલે છે. વ્યવસાયે પોલીસ વુમન હોવા ઉપરાંત તે વકીલ પણ છે. કાયદાની ડિગ્રી મેળવ્યા પછી તેણે પોતાના ભાઈને પણ છોડ્યો ન હતો. તેની ભૂલને કારણે તેને પણ જેલમાં મોકલી દેવામાં આવ્યો હતો. એક સાંજે, પોલીસ સ્ટેશનમાં મારપીટની ફરિયાદને ગંભીરતાથી લીધા પછી, વીજે એક મૂંઝવણમાં ફસાઈ જાય છે, જે તેના દિવસની નિરાંત અને રાતની ઊંઘ ઉડાડી દે છે.

ફરિયાદ કરનાર વ્યક્તિને શોધવા આવેલી વીજે સૌમ્યા (કૃતિ સેનન) અને તેની માતા (તન્વી આઝમી)ને મળે છે. સૌમ્યાના ચહેરા પરની ઇજાઓ દર્શાવે છે કે, તેને કોઈએ મારી છે, પરંતુ તે કહે છે કે, તેને કેબિનેટથી ઈજા થઈ છે. સૌમ્યા વિશે ચિંતિત, વીજે તેને અનુસરવાનું શરૂ કરે છે, જેના કારણે તેની મુલાકાત સૌમ્યાની જોડિયા બહેન શેલી (કૃતિ સેનન)ની સાથે થાય છે.

સીધી સાદી સૌમ્યાની બહેનની સ્ટાઈલ તેના કરતા સાવ અલગ છે, બગડેલી અને બેદરકાર. વિજેને તેની માતા પાસેથી જાણવા મળે છે કે, બંને બહેનો ધ્રુવના પ્રેમમાં પડી ગઈ હતી, જે એક શ્રીમંત પરિવારનો ગુસ્સેલ દીકરો હતો. હરિયાણાના એક મંત્રીના પુત્ર ધ્રુવનો પોતાના પેન્ટ અને ગુસ્સા પર કંટ્રોલ નથી. બંને બહેનો વચ્ચે ટૉસ કર્યા પછી, ધ્રુવ સૌમ્યાને તેની પત્ની તરીકે પસંદ કરે છે. પ્રેમને કારણે સૌમ્યા ખુશીથી લગ્ન તો કરી લે છે, પરંતુ પછી તેની સાથે પણ તે જ થાય છે, જે એક સમયે તેની માતા સાથે થયું હતું.

સૌમ્યાને કોઈપણ નાની-મોટી ભૂલ માટે કે કોઈ ખાસ કારણ વગર દરરોજ ધ્રુવના ગુસ્સાનો સામનો કરવો પડે છે. તેની બહેન શૈલી તેને ડ્રામા ક્વીન માને છે અને ધ્રુવ તેના પર ક્લાસિક અપમાનજનક પતિની જેમ પ્રહાર કર્યા પછી તેની માફી માંગી લે છે. હા, રોમાન્સ અને સસ્પેન્સથી ભરપૂર દેખાતી 'દો પત્તી' હકીકતમાં ઘરેલુ હિંસાનું દર્દ દર્શાવે છે.

હદ ત્યારે થઈ જાય છે, જ્યારે એક સાંજે ધ્રુવ સૌમ્યાનો જીવ લઈ લે છે. પછી વિદ્યા જ્યોતિ મામલો પોતાના હાથમાં લે છે અને વકીલ તરીકે ધ્રુવ સામે સૌમ્યાનો કેસ લડે છે. પરંતુ એક વાત જે વીજે નથી જાણતી તે એ છે કે, પૂરું સત્ય તેની આંખોની સામે પણ નથી. શું છે બંને જોડિયા બહેનોના જીવનનું રહસ્ય? તમને આ ફિલ્મમાં જોવા મળશે કે ધ્રુવ દ્વારા માર ખાનાર સૌમ્યાને ક્યારેય ન્યાય મળશે કે કેમ અને એક ઘરેલું હિંસાનો સામનો કરતી મહિલાના શરીરની સાથે સાથે તેના મન પર કેટલી ખરાબ અસર થાય છે.

પરફોર્મન્સની વાત કરીએ તો, ફિલ્મમાં કાજોલનું કામ ઠીક છે. તેણે સ્થાનિક મહિલા પોલીસ બનવા માટે ઘણી કોશિશ કરી છે, પરંતુ તેમાં સંપૂર્ણ સફળતા મળી નથી. 'દો પત્તી' દ્વારા કૃતિ સેનન પહેલીવાર ડબલ રોલમાં જોવા મળી રહી છે. તેણે પોતાની ભૂમિકાથી સાબિત કર્યું છે કે, ઇન્ડસ્ટ્રીમાં તેનું ભવિષ્ય ઉજ્જવળ છે. તમને કૃતિના બે વર્ઝન એકસાથે શૈલી અને સૌમ્યાના રૂપમાં જોવા મળશે અને પછી તમે સમજો છો કે તે તેના કલામાં કેટલી આગળ આવી છે. જો કે, એક એક્ટર જે તમારું દિલ જીતી લે છે અને તમને કાજોલ અને કૃતિ સેનનને અવગણવા મજબૂર કરે છે તે છે શાહીર શેખ.

તમે બધાએ શાહીર શેખને TV પર જોયો જ હશે. તે 'બેસ્ટ ઓફ લક નિક્કી'ના ચોકલેટ બોય રોહન, 'મહાભારત'ના અર્જુન અને 'નવ્યા'ના અનંત જેવા અલગ-અલગ રોલમાં જોવા મળ્યો છે. પરંતુ એવું ભાગ્યે જ વિચાર્યું હશે કે શાહીર સ્ક્રીન પર ગુસ્સેલ અને અપમાનજનક પતિની ભૂમિકા ભજવતો જોવા મળશે. ધ્રુવના રોલમાં શાહીરનું કામ અદ્ભુત છે. કૃતિ સાથેનો તેમનો રોમાન્સ પણ જોવા લાયક છે અને તેની બગડેલી સ્ટાઈલ પણ જોવા લાયક છે. દરેક દ્રશ્યમાં શાહીર શેખ ઝળકે છે.

ફિલ્મમાં સૌથી દર્દનાક દ્રશ્યોમાંથી એક છે, જેમાં સૌમ્યા અને ધ્રુવ વચ્ચેની થોડી વાતચીત પછી તમને ધ્રુવનો અસલી ચહેરો જોવા મળે છે. જે રીતે તેનું ફિલ્માંકન કરવામાં આવ્યું છે અને બંને સ્ટાર્સ દ્વારા જે પ્રકારનો અભિનય કરવામાં આવ્યો છે, તે ખરેખર રુંવાટા ઉભા કરી દે છે. આ તે ક્ષણ છે જે ફિલ્મ પૂરી થયા પછી પણ તમારો સાથ નથી છોડતી અને તમારા મગજમાં ઘૂમતી રહે છે.

ફિલ્મની વાર્તા કનિકા ધિલ્લોને લખી છે. કનિકાની વાર્તાઓની સમસ્યા એ છે કે, તે ખૂબ જ અનુમાનિત હોય છે. 'દો પત્તી'ની વાર્તા પણ એવી જ છે. ફિલ્મ જોઈને તમે સમજી શકો છો કે, શું થવાનું છે અથવા આગળ શું થઈ શકે છે. ફિલ્મના નિર્દેશનમાં ઘણી ખામીઓ છે. ઘણા દ્રશ્યો તદ્દન બનાવટી લાગે છે. આમાં કોર્ટરૂમ ડ્રામા બતાવવાનો પ્રયાસ કરવામાં આવ્યો છે, જે તદ્દન નિરાશાજનક છે. તે સમગ્ર ક્રમ તમને જોડવામાં નિષ્ફળ જાય છે. ફિલ્મનું સંગીત ઠીક છે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.