જાવેદ અખ્તરે 'ડંકી'ના એક ગીત માટે એટલા પૈસા લીધા કે, તમામ રેકોર્ડ તૂટી ગયા

શાહરૂખ ખાનની ફિલ્મ ડંકી થિયેટરોમાં સારો બિઝનેસ કરી રહી છે. ફિલ્મે પહેલા અઠવાડિયામાં લગભગ 160 કરોડ રૂપિયાનું કલેક્શન કર્યું છે. નિર્માતાઓ અનુસાર, તેણે 300 કરોડથી વધુનું વિશ્વવ્યાપી ગ્રોસ કલેક્શન કર્યું છે. ફિલ્મ ભલે કમાણીના નવા રેકોર્ડ બનાવી શકી ન હોય, પરંતુ એક કિસ્સામાં 'ડંકી' માટે રેકોર્ડ બની ગયો છે. ફિલ્મના એક ગીત માટે તેને આજ સુધીના કોઈપણ ગીતકાર કરતાં વધુ ચૂકવણી કરવામાં આવી હતી. જાવેદ અખ્તરે આ ફિલ્મ માટે ગીત 'નિકલે થે કભી હમ ઘર સે' લખ્યું હતું. કહેવામાં આવી રહ્યું છે કે તેણે તેના માટે 25 લાખ રૂપિયા ફી લીધી છે.

હાલમાં જ ‘મેં કોઈ ઐસા ગીત ગાઉં’ નામનો એક સ્ટેજ શો યોજાયો હતો જેમાં જાવેદ અખ્તરે પણ ભાગ લીધો હતો. તે દરમિયાન તેણે 'ડંકી' ગીત પાછળની વાર્તા કહી. તેણે કહ્યું કે ગીતને નકારવા માટે તેણે રાજકુમાર હિરાની સામે એવી શરતો મૂકી કે, તેણે પોતાની રીતે પાછળ હટી જવું જોઈએ. પરંતુ હિરાણીએ આવું કર્યું ન હતું. જાવેદ અખ્તરે કહ્યું કે, 'સામાન્ય રીતે હું ફિલ્મ માટે માત્ર એક ગીત નથી લખતો. રાજુ હિરાણી સાહેબે મને માત્ર એક ગીતના લિરિક્સ લખવાનું કહ્યું. મેં ના પાડી પણ તે માન્યા નહીં. તેણે કહ્યું, 'આ ગીત તમારા સિવાય કોઈ ન લખી શકે. મેં તેની સામે વિચિત્ર શરતો મૂકી.

આંખ મીંચ્યા વિના તેણે બધી શરતો સ્વીકારી લીધી. આ મારો જાદુ નથી. રાજુ હિરાણીની આ અજાયબી છે. જેની પાછળ 4-5 સુપર ડુપર હિટ ફિલ્મો હતી, તે જાણતો હતો કે મને આ માણસ પાસેથી આ ગીત મળશે. અહંકાર તેના પર પ્રભુત્વ જમાવતો ન હતો. તેમની ફિલ્મ પ્રત્યેનો પ્રેમ તેમના પર વધુ પડતો હતો. તેમને સલામ!'

જાવેદ અખ્તરે શો દરમિયાન પોતાની શરતો જાહેર કરી ન હતી. પરંતુ ટ્રેડ એક્સપર્ટ કોમલ નાહટાની વેબસાઈટ ફિલ્મ ઈન્ફોર્મેશનમાં છપાયેલા અહેવાલ મુજબ જાવેદ અખ્તરે આ બે મોટી શરતો મૂકી હતી, પહેલી એ હતી કે, ગીતના ગીતકાર તરીકે તેમનું નામ ફિલ્મના ક્રેડિટ ટાઈટલમાં બીજા ગીતકારો સાથે આવવાને બદલે અલગથી લખાવું જોઈએ અને જ્યાં સુધી ડાયરેક્ટર રાજકુમાર હિરાણીનું ટાઈટલ સ્ક્રીન પર રહેશે ત્યાં સુધી. બીજી શરત એ હતી કે, તે ગીત માટે 25 લાખ રૂપિયા ફી લેશે.

હિરાણીને બંને શરતોથી કોઈ વાંધો નહોતો. તેણે સંમતિ આપી અને ‘ડીંકી’ દ્વારા રેકોર્ડ બન્યો. કહેવામાં આવી રહ્યું છે કે, આજ સુધી કોઈ ગીતકારને માત્ર એક ગીત લખવા માટે 25 લાખ રૂપિયાની ફી ચૂકવવામાં આવી નથી. કોઈપણ ગીતકારની ફીનો ચોક્કસ આંકડો જણાવવો મુશ્કેલ છે. પરંતુ જો મીડિયા રિપોર્ટ્સનું માનીએ તો, ગુલઝાર સૌથી વધુ ફી લે છે. કહેવાય છે કે તે એક ગીત લખવા માટે 15-20 લાખ રૂપિયા લે છે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.