કંગનાએ તેની ફિલ્મ ‘તેજસ’ની ટીકા કરનારાઓને બદદુઆ આપી
![](https://khabarchhe.com/uploads/mc_path/169865025432.jpg)
કંગના રણૌતની ફિલ્મ તેજસને ક્રિટિક્સ દ્વારા સારા રિવ્યૂ મળ્યા નથી અને બોક્સ ઓફિસ પર પણ કલેક્શન ઘણું ઓછું રહ્યું છે. હવે કંગનાએ એ લોકોને ઓપન ઈન્વિટેશન મોકલ્યું છે જેમને તેની આ ફિલ્મ પસંદ આવી નથી. તેણે કહ્યું કે, આવા લોકો તેનું ફેન ક્લબ જોઇન કરી શકે છે. કંગનાની આ પોસ્ટ ટ્વીટર પર તેજસ રીલિઝ થયાના બે દિવસ પછી આવી છે.
કહેવામાં આવી રહ્યું છે કે, 60 કરોડના બજેટમાં બનેલી આ ફિલ્મે બે દિવસમાં માત્ર 2.50 કરોડ રૂપિયાની જ કમાણી કરી છે. કંગનાએ કહ્યું કે, તેને નિયતિએ આ જીવનમાં અમુક ખાસ બાબતો કરવા માટે મોકલી છે. તેણે પોતાનું સપનુ સાચું કરવા 15 વર્ષની ઉંમરમાં હિમાચલ પ્રદેશ છોડી દીધું હતું.
કંગનાએ કહ્યું, એ બધા લોકો જે મારું ખરાબ ઈચ્છી રહ્યા છે, તેમનું જીવન હંમેશા દુઃખોથી ભરેલું રહેશે. કારણ કે તેમણે જીવનભર રોજ મારું ગૌરવ જ જોવાનું રહેશે. 15 વર્ષની ઉંમરે મેં કશું પણ લીધા વિના ઘર છોડી દીધું હતું. ત્યારથી હું સતત પોતાનું ભાગ્ય નીખારી રહી છું. એ વાતના પાક્કા પુરાવા છે કે હું મહિલા સશક્તિકરણ અને પોતાના દેશ ભારત માટે અગત્યનું કામ કરવા આ દુનિયામાં આવી છું. હવે એવા લોકોના માનસિક સ્વાસ્થ્ય માટે હું તેમને મારા ફેન ક્લબમાં સામેલ થવાની વિનંતી કરું છું. આ રીતે તેઓ મોટી યોજના સાથે જોડાઈ જશે. મારા શુભેચ્છો તેમના પ્રત્યે દયાળુ રહે અને તેમને યોગ્ય માર્ગ દેખાડે.
All those who are wishing me ill, their lives will be forever miserable because they will have to see my glory every day for the rest of their lives, since I left home at the age of 15 with nothing I am consistently chiseling my own fate and there have been enough evidence that I… https://t.co/DSTFuPb2ha
— Kangana Ranaut (@KanganaTeam) October 29, 2023
કંગના રણૌતે તેની કોઇ ફેનની એક પોસ્ટ પર જવાબ આપતા આ ટ્વીટ કરી છે. જેમાં લખવામાં આવ્યું હતું કે, એ લોકોને શરમ આવવી જોઇએ જેઓ જશ્ન મનાવી રહ્યા છે અને એક એવી મહિલાનું ખરાબ ઈચ્છી રહ્યા છે જેણે પોતાના દમે નામ બનાવ્યું છે. જે એક આઉટસાઇડર છે અને તેણે બોલિવુડની રૂઢિવાદતા તોડી છે. મૂર્ખોનું આ ઝુંડ કેટલા પાગલ છે. તમને વધારે પ્રેમ અને શક્તિ મળે કંગના.
સર્વેશ મેવાડા નિર્મિત આ ફિલ્મમાં કંગનાએ તેજસ ગિલ નામની બહાદુર પાયલટની ભૂમિકા અદા કરી છે. જેમાં તેજસ પાકિસ્તાન સામેની જંગમાં પોતાની બહાદુરીથી દેશનું ગૌરવ વધારે છે. જોકે, ફિલ્મે આશા કરતા ખૂબ જ ઓછું પ્રદર્શન કર્યું છે અને 3 દિવસમાં ફિલ્મે 3.80 કરોડની કમાણી કરી છે.
નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.
તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.
ગુજરાતનું અગ્રેસર ન્યૂઝ પોર્ટલ, અહીં વાત થાય છે માત્ર ગુજરાત અને ગુજરાતનાં હિતની... Download Khabarchhe APP www.khabarchhe.com/downloadApp