'ધ આર્ચિઝ' જોઈ મનોજ બાજપાઈએ એવો રિવ્યૂ આપ્યો જેના માટે ખરેખર હિંમત જોઈએ

શાહરૂખ ખાનની દીકરી સુહાના, બોની કપૂરની દીકરી ખુશી, અમિતાભ બચ્ચનની પૌત્ર અગસ્ત્ય જેવા સ્ટાર કીડ્સને લઈને ઝોયા અખ્તરે બનાવેલી ધ આર્ચિઝને દર્શકોએ તો વખોડી કાઢી છે, પણ મોટા ભાગના બોલિવુડ સેલિબ્રિટિઝે આના વખાણ કર્યા છે, પરંતુ બોલિવુડના દિગ્ગજ એક્ટર મનોજ વાજપેયીએ આ ફિલ્મના રિવ્યૂમાં એવું કહ્યું છે જેના માટે ખરેખર હિંમતની જરૂર પડે કારણ કે બોલિવુડના ટોચના સેલિબ્રિટિઝના બાળકોની પહેલી ફિલ્મને વખોડવા માટે હિંમત તો જોઈએ.

મનોજ બાજપાયીએ કહ્યું હતું કે, તેને ઝોયા અખ્તરની ફિલ્મ ‘ધ આર્ચિઝ’ જરાય પસંદ આવી નથી. હાલમાં જ તેણે આ ફિલ્મ દીકરી સાથે બેસીને જોઈ હતી. ‘ધ આર્ચિઝ’ 7 ડિસેમ્બરે OTT પ્લેટફોર્મ નેટફ્લિકસ પર રીલિઝ થઈ હતી. તેનાથી શાહરુખ ખાનની દીકરી સુહાના ખાન અને અમિતાભ બચ્ચનના પૌત્ર અગસ્ત્ય નંદાએ એક્ટિંગ ડેબ્યૂ કર્યું હતું. બોની કપૂરની દીકરી ખુશી કપૂરની પણ આ ડેબ્યૂ ફિલ્મ હતી. રીલિઝ થવા પર ધ આર્ચિઝને મિશ્ર પ્રતિસાદ મળ્યો હતો.

જો કે, સુહાના ખાન અને અગસ્ત્ય નંદના ખૂબ વખાણ થયા હતા, પરંતુ આ ફિલ્મ મનોજ વાજપેયીને જરાય પસંદ આવી નથી. તેણે તેનું કારણ પણ બતાવ્યું છે. મનોજ વાજપેયીએ એક ન્યૂઝ વેબસાઈટને આપેલા ઇન્ટરવ્યૂમાં જણાવ્યું કે, તેણે દીકરી સાથે બેસીને નેટફ્લિકસ પર ‘ધ આર્ચિઝ’ જોઈ હતી. તેની અનુભવ કેવો રહ્યો, એ બાબતે એક્ટરે કહ્યું કે, ‘મારી દીકરી ધ આર્ચિઝ જોઈ રહી હતી. આજકાલ મોટા ભાગના બાળકો અંગ્રેજીમાં વાત કરે છે એટલે હું તેને ફટકારી રહ્યો હતો કે તું હિન્દીમાં બોલ્યા કર.

મેં તેને પૂછ્યું કે, આ ફિલ્મ તને કેવી રીતે સારી લાગી રહી છે. તેણે કહ્યું સારી છે અને ત્યાં સુધી હું આ ફિલ્મની 50 મિનિટ જોઈ ચૂક્યો હતો. ‘આર્ચિઝ’ મારા બાળપણનો હિસ્સો નથી. હું તેને જોઈને મોટો થયો નથી. હું તો મોટું પતલું અને રામ બલરામ જોતો હતો. બની શકે કે મેં આર્ચિઝનું એકાદ પુસ્તક વાંચ્યું હોય, પરંતુ મને વેરોનિકા અને દીકરી યાદ છે.’ મનોજ વાજપેયીએ આગળ કહ્યું કે, જ્યારે ટે દીકરી સાથે ધ આર્ચિઝ જોઈ રહ્યો હતો.

તો તેની દીકરીએ કહ્યું હતું કે, તેણે ફિલ્મમાં દેખાડવામાં આવેલા બધા રોલ્સની જેમ હિન્દીમાં જ વાત કરવી જોઈએ, પરંતુ એ એવાને સારું ન લાગ્યું. તેણે મને કહ્યું તમારો પ્રોબ્લેમ શું છે પપ્પા? પ્લીઝ મને ફિલ્મ જોવા દો. એટલું જ નહીં દીકરીએ મનોજ વાજપેયીને એમ પણ કહી દીધું કે તે પરિવાર સાથે વધુ સમય વિતાવી રહ્યો નથી, મનોજ વાજપેયીએ જણાવ્યું કે, તે જ્યારે પણ દીકરીને ફટકાર લગાવે છે તો ઊલટાનું દીકરી જ તેને ફટકાર લગાવવા લાગે છે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.