ઓસમાણ મીરે ગાયું શ્રી રામજી પધારે ગીત, PM મોદીએ કર્યું શેર

હાલ તો આખા દેશમાં ભગવાન શ્રી રામની જ ચર્ચા ચાલે છે. આખો દેશ 22 જાન્યુઆરીના દિવસની રાહ જોઈ રહ્યો છે, જ્યારે રામ લલા અયોધ્યાના રામ મંદિરમાં વિરાજમાન થશે, જેને લઈને લોકો તડામાર તૈયારીઓ કરી રહ્યા છે. આમાં સિંગરો પણ પાછા નથી પડી રહ્યા છે. રોજ ભગવાન રામ પર ગીતો રીલિઝ થઇ રહ્યા છે. થોડા દિવસ પહેલા ગુજરાતી ગાયિકા ગીતા રબારીએ ભગવાન શ્રી રામ પર ગીત ગાયું હતું એને PM મોદીએ શેર કર્યું હતું, ત્યાં હવે ઓસમાણ મીરે પણ ભગવાન રામ પર ગીત ગાયું છે, જેના PM નરેન્દ્ર મોદીએ વખાણ કર્યા હતા અને કહ્યું હતું કે, અયોધ્યા શહેરમાં શ્રી રામજીના આગમનને લઈને સર્વત્ર ઉત્સાહ અને આનંદ છે. ઓસ્માન મીરજીનું આ મધુર રામ ભજન સાંભળીને તમને તેનો દિવ્ય અનુભવ થશે.

अयोध्या नगरी में श्री रामजी के पधारने को लेकर हर ओर उमंग और उल्लास है। उस्मान मीर जी का यह मधुर राम भजन सुनकर आपको इसी की दिव्य अनुभूति होगी। #ShriRamBhajan https://t.co/EcYGH8UaP6

— Narendra Modi (@narendramodi) January 10, 2024

ગીતા રબારીના આ રામ ભજનના ફેન બન્યા PM મોદી, એકવાર ઈનામમાં આપ્યા હતા રૂ.250

આ દિવસોમાં દેશભરમાં શ્રી રામનો જય જયકાર થઇ રહ્યો છે. સમગ્ર દેશમાં વાતાવરણ રામમય થઇ ગયું છે. 22 જાન્યુઆરીએ રામ મંદિરમાં રામ લાલાના પ્રાણ પ્રતિષ્ઠાનો કાર્યક્રમ યોજાશે. તેમાં માત્ર હવે થોડા જ દિવસો બાકી છે અને લોકો આ ઐતિહાસિક દિવસની આતુરતાથી રાહ જોઈ રહ્યા છે. આ શ્રેણીમાં હવે PM નરેન્દ્ર મોદીએ X (Twitter) પર ગુજરાતી ગાયિકા ગીતા રબારીનું રામ ભજન શેર કર્યું છે. તેના અવાજમાં ગાયેલા આ ભજનના તેઓ ચાહક બની ગયા છે. PM મોદીએ ગીતના ખૂબ વખાણ કર્યા છે.

PM નરેન્દ્ર મોદીએ ગુજરાતી ગાયિકા ગીતા રબારીનું રામ ભજન ટ્વિટર પર શેર કર્યું છે. આ વાતને શેર કરવાની સાથે તેમણે લખ્યું, 'અયોધ્યામાં ભગવાન શ્રી રામના દિવ્ય ભવ્ય મંદિરમાં રામલલાના આગમનની રાહ હવે પૂરી થવા જઈ રહી છે. સમગ્ર દેશમાં મારા પરિવારના સભ્યો તેમના પ્રાણ પ્રતિષ્ઠાની આતુરતાથી રાહ જોઈ રહ્યા છે. તેમના સ્વાગતમાં ગીતાબેન રબારીજીનું આ ભજન ભાવ વિભોર કરી દે છે. ગીતા રબારીના ગીતના બોલ છે 'શ્રી રામ ઘર આયે'. લોકો ગીતના ખૂબ વખાણ પણ કરી રહ્યા છે. અયોધ્યામાં રામ મંદિરના ઉદ્ઘાટન માટે લોકોમાં ઉત્સાહ જોવા મળ્યો છે. લોકો ઐતિહાસિક દિવસની આતુરતાથી રાહ જોઈ રહ્યા છે.

ગીતા રબારી એક ગુજરાતી ગાયિકા છે. તે પહેલા પણ PM મોદીને મળી ચૂકી છે. સિંગરે એકવાર મીડિયા સાથે વાત કરતા કહ્યું હતું કે, તે જ્યારે નાની હતી ત્યારે તેમને મળી હતી. તે દિવસોમાં ગીતા સ્કૂલમાં ગાતી હતી અને તે સમયે તે ગાયિકા નહોતી. ગાયકે કહ્યું હતું કે, તે સમયે તેણે એક સ્કૂલ ફંક્શનમાં ગીત ગાયું હતું અને પછી PM મોદીએ તેને સાંભળ્યું હતું. આ પછી તેમણે તેની પ્રશંસા પણ કરી અને તેને 250 રૂપિયાનું ઈનામ પણ આપ્યું. અત્રે ઉલ્લેખનીય છે કે, આજે ગીતા ગુજરાતની ટોચની ગાયિકા છે.

अयोध्या में प्रभु श्री राम के दिव्य-भव्य मंदिर में राम लला के आगमन का इंतजार खत्म होने वाला है। देशभर के मेरे परिवारजनों को उनकी प्राण-प्रतिष्ठा की बेसब्री से प्रतीक्षा है। उनके स्वागत में गीताबेन रबारी जी का ये भजन भावविभोर करने वाला है। #ShriRamBhajanhttps://t.co/ctWYhcPM4h

— Narendra Modi (@narendramodi) January 7, 2024

અહીં તમને જણાવી દઈએ કે, ગુજરાતી સિંગર ગીતા રબારી પહેલા PM મોદીએ જુબિન નૌટિયાલ, સ્વસ્તિ મેહુલ અને હંસરાજ રઘુવંશીના રામ ભજન પણ શેર કર્યા હતા. હંસરાજના રામ ભજનને શેર કરવાની સાથે PM મોદીએ પોસ્ટમાં લખ્યું હતું કે, 'અયોધ્યામાં ભગવાન શ્રી રામના સ્વાગત માટે સમગ્ર દેશ રામમય થઇ ગયો છે. રામલલાની ભક્તિમાં ડૂબેલા ભક્તો આ શુભ દિવસે વિવિધ રીતે પોતાની લાગણી વ્યક્ત કરી રહ્યા છે. ભગવાન શ્રી રામને સમર્પિત હંસરાજ રઘુવંશીજીનું આ ભજન સાંભળો...' તેવી જ રીતે, તેમણે અન્ય ગાયકોના ગીતો પણ શેર કર્યા હતા અને તેમની પ્રશંસા કરી હતી.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.