રવિના ટંડનની દીકરીને જોતા રહી ગયા ચાહકો, જોઈને બોલ્યા- આ તારા સુતારિયાની કોપી છે
શિલ્પા શેટ્ટી દર વર્ષે ખૂબ જ ધામધૂમથી ગણેશ ચતુર્થીની ઉજવણી કરે છે. આ વર્ષે પણ અભિનેત્રીએ પરિવાર સાથે મળીને પોતાના ઘરે બાપ્પાની મૂર્તિની સ્થાપના કરી છે. ત્યારે આ ખાસ પ્રસંગે બોલિવુડની જાણીતી અભિનેત્રીઓમાંની એક રવિના ટંડન પણ શિલ્પા શેટ્ટીના ઘરે પહોંચી હતી. રવિના ટંડન કે જે ઘણી સુપરહિટ ફિલ્મો બોક્સ ઓફિસ પર આપી ચૂકી છે અને હાલમાં જ OTT પર પણ ડેબ્યુ કર્યું છે. પરંતુ છેલ્લા થોડા દિવસોથી રવિના ફરી એકવાર સોશિયલ મીડિયા પર ચર્ચામાં છે. તેની પાછળનું કારણ અભિનેત્રીની પુત્રી રાશા થડાની છે. સોશિયલ મીડિયા પર ગણેશ ઉત્સવ દરમિયાન રાશા થડાનીનો એવો ફોટો વાયરલ થયો કે લોકો અભિનેત્રીની 17 વર્ષની દીકરીને જોતા જ રહી ગયા. રાશાનો આ ફોટો જેણે-જેણે પણ જોયો તેઓ રવીનાની દીકરીને તારા સુતારિયા સમજવા લાગ્યા.
રવિનાની સાથે પહોંચી શિલ્પા શેટ્ટીના ઘરે
બોલિવુડમાં ગણેશ ઉત્સવ દરમિયાન ઘણા સ્ટાર્સ પોતાના ઘરે ગણપતિ લઈને આવ્યા હતા. તે જ સમયે જ્યારે શિલ્પા શેટ્ટીના ઘરે પણ ગણપતિ બિરાજમાન થયા ત્યારે બોલિવુડના ઘણા સ્ટાર્સ શિલ્પા શેટ્ટીના ઘરે પહોંચ્યા હતા. આ દરમિયાન રવિના ટંડન પણ તેની દિકરી રાશાને લઈને શિલ્પાના ઘરે પહોંચી હતી. રાશા જેવી કારમાંથી ઉતરી કે તેને જોઈને લોકો છેતરાઈ ગયા. આ બંનેએ પેપરાઝીની સામે જોરદાર પોઝ આપ્યા હતા. જે પછી સતત ફોટા સોશિયલ મીડિયા પર લોકોનું ધ્યાન ખેંચી રહ્યા છે.
17 વર્ષની જ છે રાશા થડાની
રવિના ટંડનની દીકરી ફોટામાં ઓરેન્જ કલરનો સિમ્પલ સૂટ પહેરેલી જોવા મળી હતી. જેને જોઈને ચાહકોને એક ક્ષણ માટે એવું લાગ્યું કે આ કોઈ બીજું નથી પણ બોલિવુડની બીજી અભિનેત્રી તારા સુતારિયા છે. તે જ સમયે, કેટલાક લોકોએ રાશાના આ ફોટોને જોઈને તેને ખૂબ જ સુંદર પણ કહી. અહીં તમને જણાવી દઈએ કે, રાશા થડાની સોશિયલ મીડિયા પર ખૂબ જ એક્ટિવ રહે છે અને તેનું સોશિયલ મીડિયા અનેક તસવીરોથી ભરેલું છે. આ ફોટાઓમાં રાશાએ એવા-એવા ફોટાઓ અપલોડ કર્યા છે કે તેને જોઈને તમે પણ કહેશો કે, ખૂબ જ સુંદર છે રવિના ટંડનની દીકરી રાશા થડાની.
નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.
તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.
ગુજરાતનું અગ્રેસર ન્યૂઝ પોર્ટલ, અહીં વાત થાય છે માત્ર ગુજરાત અને ગુજરાતનાં હિતની... Download Khabarchhe APP www.khabarchhe.com/downloadApp
