પ્રભાસની 'સલાર'નું ધમાકેદાર ટ્રેલર રીલિઝ, 16 કલાકમાં 77 મિલિયનથી વધુ વ્યૂ

પ્રભાસની ફિલ્મ સલારનું મોસ્ટ અવેઇટેડ ટ્રેલર રીલિઝ થઈ ગયું છે. આ ફિલ્મના ટ્રેલરે સોશિયલ મીડિયા પર હાહાકાર મચાવી દીધો છે. ફિલ્મના હિન્દી ટ્રેલરે 16 કલાકમાં 33 મિલિયનથી વધુ વ્યૂ મેળવી લીધા છે, જ્યારે ફિલ્મના તેલુગુ ટ્રેલરે 23 મિલિયનથી વધુ વ્યૂ મેળવી લીધા છે. ફિલ્મના તામિલ ટ્રેલરે 7 મિલિયન વ્યૂ મેળવ્યા છે, કન્નડ ટ્રેલરે 8 મિલિયન વ્યૂ મેળવ્યા છે જ્યારે મલયાલમમાં 6.4 મિલિયન વ્યૂ મળ્યા છે.

ફિલ્મઃ સલાર

ડિરેક્ટરઃ પ્રશાંત નીલ

પ્રોડ્યૂસરઃ વિજય કિરગંદુર

કાસ્ટઃ પ્રભાસ, પૃથ્વીરાજ, શ્રૃતિ હાસન, ટીનુ આનંદ

રીલિઝ ડેટઃ 22 ડિસેમ્બર, 2023

શાહરૂખની ‘ડંકી’ અને પ્રભાસની ‘સલાર’ વચ્ચે ટક્કર, એક જ દિવસે આ તારીખે રીલિઝ થશે

વર્ષ 2023 બોલિવુડ ફિલ્મો માટે વરદાન સમાન રહ્યું છે. પઠાણ, જવાન, ગદર-2, તૂ ઝુછી મેં મક્કાર અને રોકી ઓર રાની કી પ્રેમ કહાની જેવી ફિલ્મો બોક્સ ઓફિસ પર હિટ સાબિત થઇ છે. હવે 2023ના અંતમાં બે મોટી ફિલ્મો વચ્ચે ટક્કર થવા જઇ રહી છે. સુપરસ્ટાર શાહરૂખ ખાન અને બાહુબલી સ્ટાર પ્રભાસની ફિલ્મો એક જ દિવસે રીલિઝ થવા જઇ રહી છે.

ડિસેમ્બરના અંતમાં શાહરૂખ ખાનની ડનકી અને પ્રભાસની ફિલ્મ સલાર રીલિઝ થવા જઇ રહી છે. બોક્સ ઓફિસ પર આ બંને ફિલ્મોની ટક્કર થવા જઇ રહી છે. શુક્રવારે હોમ્બલે ફિલ્મ્સે જાહેરાત કરી કે સલાર 22 ડિસેમ્બર 2023ના રોજ રીલિઝ થઇ રહી છે. આ અવસરે ફિલ્મના નિર્માતાઓએ નવું પોસ્ટર પણ રીલિઝ કર્યું છે. જેમાં પ્રભાસ રફ લુકમાં જોવા મળી રહ્યો છે તેના હાથમાં તલવાર પણ જોવા મળી રહી છે.

2 મોટા સ્ટાર્સની બોક્સ ઓફિસર પર ટક્કર

22 ડિસેમ્બર ના રોજ સલારની રીલિઝ ડેટ જાહેર કર્યા પછી એ નક્કી થઇ ગયું કે બોક્સ ઓફિસ પર શાહરુખની ફિલ્મ ડનકી અને પ્રભાસની સલારની ટક્કર થશે. આ પહેલા સલારની રીલિઝ તારીખ 28 સપ્ટેમ્બર 2023 નક્કી કરવામાં આવી હતી. બોક્સ ઓફિસ પર આ ફિલ્મની ટક્કર વિવેક અગ્નિહોત્રીની ફિલ્મ ધ વેક્સીન વોર સાથે થવા જઇ રહી હતી. જોકે, ત્યાર પછી પોસ્ટ પ્રોડક્શનનો હવાલો આપતી સલારની રીલિઝ ડેટ પોસ્ટપોન્ડ કરી દેવામાં આવી હતી. સલાર ફિલ્મની ડિરેક્શન KGF ફેમ પ્રશાંત નીલે કર્યું છે. ફિલ્મમાં પ્રભાસની સાથે પૃથ્વીરાજ સુકુમારન, શ્રુતિ હસન અને મીનાક્ષી ચૌધરી છે.

આ વર્ષે શાહરૂખની ત્રીજી ફિલ્મ થશે રીલિઝ

પઠાન અને જવાનની ઐતિહાસિત સફળતા પછી શાહરૂખ ખાન હવે વર્ષના અંતમાં પોતાની ત્રીજી ફિલ્મ Dunki લઇને ફેન્સની વચ્ચે જોવા મળશે. આ ફિલ્મનું નિર્દેશન રાજ કુમાર હીરાનીએ કર્યું છે. ફિલ્મમાં શાહરૂખ ખાનની સાથે તાપસી પન્નૂ પણ જોવા મળશે. ફેન્સને આશા છે કે કિંગ ખાનની આ ફિલ્મ પણ કમાણીના બધા રેકોર્ડ તોડવામાં સફળ રહેશે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.