સાઉથના ડિરેક્ટર સાથે સલમાન કરિયરની સૌથી મોટી 400 કરોડની ફિલ્મ કરવા જઈ રહ્યો છે

સલમાન ખાન અને નિર્માતા સાજિદ નડિયાદવાલા 10 વર્ષ પછી સાથે કામ કરી રહ્યા છે. 2014માં સાજિદે સલમાન સાથે 'કિક' બનાવી હતી. હવે આ લોકો એક મોટા બજેટની એક્શન થ્રિલર ફિલ્મમાં સાથે આવ્યા છે. AR મુરુગાદોસ આ ફિલ્મનું નિર્દેશન કરશે. ફિલ્મનું બજેટ 400 કરોડ રૂપિયા હોવાનું કહેવાય છે. જે તેને સલમાન, સાજિદ અને મુરુગાદોસની કારકિર્દીની સૌથી મોટી ફિલ્મ બનાવે છે.

મીડિયા સૂત્રોના એક અહેવાલ અનુસાર, સૂત્રએ કહ્યું, 'સલમાન ખાન અને સાજિદ સાથે કામ કરી રહ્યા છે. જ્યારે સાજિદ અને મુરુગાદોસ આ ફિલ્મના વિષય પર વાત કરી રહ્યા હતા ત્યારે બંનેના મગજમાં પહેલું નામ સલમાન ખાનનું હતું. જ્યારે સાજિદે આ અંગે સલમાન સાથે વાત કરી તો તેણે તરત જ ફિલ્મ માટે હા પાડી દીધી. આ ફિલ્મનું શૂટિંગ પોર્ટુગલ અને કેટલાક યુરોપિયન દેશોમાં થશે. ફિલ્મનું બજેટ 400 કરોડ રૂપિયા હશે. આ ફિલ્મ સાજિદનો સ્પેશિયલ પ્રોજેક્ટ છે. આ વર્ષની શરૂઆતમાં આ ફિલ્મને લઈને બેઠકો યોજાઈ હતી. ટૂંક સમયમાં શૂટ કરવામાં આવશે. ગયા વર્ષે સલમાન પાસે જે પણ સ્ક્રિપ્ટ આવી હતી તેમાંથી તેને મુરુગાદોસ સાથેની સ્ક્રિપ્ટ સૌથી રોમાંચક લાગી હતી. તેથી, તેણે આ ફિલ્મને પ્રાથમિકતાના આધારે શૂટ કરવાની યોજના બનાવી છે.'

આ જ રિપોર્ટમાં કહેવામાં આવ્યું હતું કે, ફિલ્મનું શૂટિંગ આ વર્ષે ઉનાળામાં શરૂ થવાનું છે. તેનું શૂટિંગ 2024ના અંત સુધીમાં પૂર્ણ થશે. આ અનામી એક્શન થ્રિલર ફિલ્મનું શૂટિંગ પોર્ટુગલ સહિત વિવિધ યુરોપિયન દેશોમાં કરવામાં આવશે. તેને ઈદ 2025 પર રિલીઝ કરવાનું આયોજન ચાલી રહ્યું છે.

મુરુગદોસે 2006માં સલમાનને 'ગજની' ઓફર કરી હતી. પરંતુ તે પછી સલમાન તે ફિલ્મ કરી શક્યો ન હતો. આમિર ખાન અભિનીત 'ગજની' દેશમાંથી 100 કરોડ રૂપિયાની કમાણી કરનાર પ્રથમ હિન્દી સિનેમા ફિલ્મ બની હતી. તે પછી મુરુગાદોસે હિન્દીમાં 'હોલિડે' અને 'અકીરા' જેવી ફિલ્મો બનાવી. થલપથી વિજયની કારકિર્દી સેટ કરવાનો શ્રેય પણ મુરુગાદોસને જાય છે. તેણે વિજય સાથે 'કથ્થી' અને 'સરકાર' જેવી બ્લોકબસ્ટર ફિલ્મો આપી. તે પહેલીવાર સલમાન ખાન સાથે કામ કરવા જઈ રહ્યો છે.

સલમાન ખાન 'ધ બુલ' નામની ફિલ્મમાં કામ કરવા જઈ રહ્યો હતો. પરંતુ ભારત-માલદીવના સંબંધોમાં તણાવને કારણે તે ફિલ્મનું કામ રોકી દેવામાં આવ્યું છે. એવા અહેવાલો છે કે, ફિલ્મની સ્ક્રિપ્ટ પર વધુ કામ કરવામાં આવી રહ્યું છે. આથી ફિલ્મનું શૂટિંગ મોકૂફ રાખવામાં આવ્યું હતું. આ દરમિયાન સલમાન અને મુરુગાદોસની ફિલ્મના સમાચાર આવ્યા. ત્યાર પછી એવું કહેવામાં આવ્યું કે 'ધ બુલ'ને છાવરવામાં આવી હતી. પરંતુ આવું થવાની શક્યતા ઓછી છે.

હાલમાં જ સમાચાર આવ્યા હતા કે, સલમાન અને સૂરજ બડજાત્યા પણ મોટા બજેટની ફિલ્મમાં કામ કરવા જઈ રહ્યા છે. પરંતુ આ ફિલ્મ 'પ્રેમ કી શાદી' નહીં હોય. તે ફિલ્મને લઈને સલમાન અને સૂરજ વચ્ચે કેટલાક સર્જનાત્મક મતભેદો હતા. જેના કારણે તેણે ‘પ્રેમ કી શાદી’ છોડીને બીજા પ્રોજેક્ટ પર કામ કરવાનું પસંદ કર્યું. આ સિવાય સલમાન YRF સ્પાય યુનિવર્સની ફિલ્મ 'ટાઈગર વર્સેસ પઠાણ'માં પણ જોવા મળશે. પરંતુ ‘ટાઈગર વર્સીસ પઠાણ’ હાલ પૂરતી બંધ કરી દેવામાં આવી છે. તેની સ્ક્રિપ્ટ પર પણ કામ ચાલી રહ્યું છે. આદિત્ય ચોપરા TvP પહેલા સ્પાય યુનિવર્સની ટાઇમલાઈનમાં બીજી ફિલ્મ ઉમેરવા માંગે છે. જેથી તમામ પાત્રોને સંપૂર્ણ રીતે સ્થાપિત કરી શકાય. ત્યાર પછી ‘ટાઈગર વર્સીસ પઠાણ’ બનાવવામાં આવશે. આ ફિલ્મ ક્યારે શરૂ થશે તેનો હજુ કોઈ અંદાજ નથી.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.