'બેશરમ, તે જૂઠું બોલે છે...', કોમેડિયન કપિલ ઈન્ડિગો પર આટલો ગુસ્સે કેમ થયો?
ફેમસ કોમેડિયન અને એક્ટર કપિલ શર્મા પોતાની લેટેસ્ટ ટ્વીટ્સને કારણે ચર્ચામાં છે. 29 નવેમ્બરની રાત્રે તેણે એક પછી એક ત્રણ પોસ્ટ કરી અને ઈન્ડિગો એરલાઈન્સને સખત ઠપકો આપ્યો. આરોપ છે કે ઈન્ડિગોએ મુસાફરોને કલાકો સુધી રાહ જોવડાવી, જેના કારણે દરેકને મુશ્કેલીનો સામનો કરવો પડ્યો. યાત્રીઓમાં વ્હીલ ચેર પર બેઠેલા કેટલાક વૃદ્ધો પણ સામેલ હોવાનો દાવો કર્યો હતો.
કપિલ શર્માએ રાત્રે 9.30 વાગ્યે પોસ્ટમાં સૌથી પહેલા લખ્યું, ઈન્ડિગો, પહેલા તમે અમને બસમાં 50 મિનિટ સુધી રાહ જોવડાવ્યા અને હવે તમારી ટીમ કહી રહી છે કે, પાઈલટ ટ્રાફિકમાં ફસાઈ ગયો છે. ખરેખર? આપણે 8 વાગ્યા સુધીમાં ઉપડવાનું હતું અને હવે 9:20 થઇ ચુક્યા છે. કોકપીટમાં હજુ પણ કોઈ પાઈલટ નથી. શું તમને લાગે છે કે આ 180 પેસેન્જરો ફરી ઇન્ડિગોમાં મુસાફરી કરશે? ક્યારેય નહીં. #બેશરમ
આ પછી કપિલ શર્માએ લગભગ 10 વાગે આ મામલાની અપડેટ શેર કરી. લખ્યું કે, હવે તેઓ પ્લેનમાંથી તમામ મુસાફરોને ઉતારી રહ્યા છે અને કહી રહ્યા છે કે, અમે તમને બીજા પ્લેન દ્વારા મોકલીશું પરંતુ ફરીથી સુરક્ષા તપાસ માટે અમારે ટર્મિનલ પર પાછા જવું પડશે.
Dear @IndiGo6E first you made us wait in the bus for 50 minz, and now your team is saying pilot is stuck in traffic, what ? Really ? we supposed to take off by 8 pm n it’s 9:20, still there is no pilot in cockpit, do you think these 180 passengers will fly in indigo again ? Never…
— Kapil Sharma (@KapilSharmaK9) November 29, 2023
ત્યારબાદ 11 વાગે કપિલ શર્માએ વીડિયો શેર કર્યો અને ઈન્ડિગોને ટેગ કરીને લખ્યું, તમારા કારણે લોકો પરેશાન થઈ રહ્યા છે. તમે માત્ર ખોટું બોલો છો. વ્હીલ ચેર પર કેટલાક વૃદ્ધ મુસાફરો છે જેમની તબિયત સારી નથી. તમને શરમ આવવી જોઈએ.
Now they r de boarding all the passengers n saying we will send you in another aircraft but again we have to go back to terminal for security check 👏👏👏👏👏 #indigo👎 pic.twitter.com/NdqbG0xByt
— Kapil Sharma (@KapilSharmaK9) November 29, 2023
કપિલે પોસ્ટમાં ફ્લાઇટની વિગતો પણ શેર કરી છે. આ ફ્લાઈટ ચેન્નાઈથી મુંબઈ જતી હતી. રાત્રે 8 વાગે ટેક ઓફ અને 10 વાગે લેન્ડિંગ થવાનું હતું. ગૂગલ ફ્લાઈટ્સ અનુસાર, ફ્લાઈટ ચાર કલાક મોડી પડી હતી. કપિલની આ પોસ્ટ પર ઘણા યુઝર્સે નારાજગી વ્યક્ત કરી હતી.
People r suffering bcoz of you @IndiGo6E lying lying n lying, there r some old passengers on wheel chairs, not in a very good health condition. Shame on you #indigo 👎 pic.twitter.com/87OZGcUlPU
— Kapil Sharma (@KapilSharmaK9) November 29, 2023
એક યુઝરે લખ્યું, @IndiGo6E જે રીતે તેના મુસાફરો સાથે ગેરવર્તણૂક કરે છે, થોડી મિનિટોના વિલંબ માટે પણ, મુસાફરોનો સમય બગાડવા બદલ ઈન્ડિગોને પણ દંડ થવો જોઈએ.
The way @IndiGo6E very harshly treats its passengers for even for a few minutes late. It should lay a penalty for wasting passengers time.
— dkagarwal (@dkagarwal) November 29, 2023
એક યુઝરે લખ્યું, હું હંમેશા માનતી હતી કે ઈન્ડિગો શ્રેષ્ઠ એરલાઈન છે કારણ કે મારો અનુભવ હંમેશા સારો રહ્યો છે. આ સમાચાર ચોંકાવનારા છે, ત્યાં પાયલોટ અને એરલાઇન સ્ટાફના બેદરકાર વલણને કારણે મુસાફરોને મુશ્કેલીનો સામનો કરવો પડી રહ્યો છે.
I always believed that IndiGo is the most punctual airlines because I always had a great experience.
— Neetu Khandelwal (@T_Investor_) November 29, 2023
It's shocking to come across a such news where passengers are suffering just because of the casual attitude of pilot and airline staffs.
કપિલ શર્માની પોસ્ટ પર, ઈન્ડિગોના ઓફિશિયલ એકાઉન્ટમાંથી જવાબ આવ્યો: સર, અમારા એરપોર્ટ મેનેજર સાથે વાત કરવા માટે સમય કાઢવા બદલ આભાર. ચેન્નાઈ એરપોર્ટ પર ઓપરેશનલ કારણોસર થયેલા વિલંબ માટે અમે ખરેખર દિલગીર છીએ. અમે આગલી વખતે તમને વધુ સારી રીતે સેવા આપવા માટે આતુર છીએ.
Thank you for taking the time to speak with our airport manager, Sir. We truly regret the delay which was due to operational reasons at Chennai airport. Your understanding is highly appreciated, and we are eager to serve to you better the next time. ~Snigdha
— IndiGo (@IndiGo6E) November 29, 2023
થોડા દિવસો પહેલા જ એક મુસાફરે ઈન્ડિગોની ફ્લાઈટમાં પોતાની સીટનો ફોટો શેર કર્યો હતો જેમાં ગાદી ન હતી. જ્યારે મહિલા મુસાફરે ફરિયાદ કરી તો કેબિન ક્રૂએ તેને જ તેની આસપાસમાંથી શોધી લેવા કહ્યું હતું. ત્યાર પછી એરલાઈને સ્પષ્ટતા કરી હતી કે, સીટ ગંદી હોવાને કારણે તેને બદલવામાં આવી હતી. અગાઉ નવેમ્બરમાં જ એક મુસાફરને ચેન્નાઈને બદલે બેંગલુરુમાં ઉતારી દેવામાં આવ્યો હતો. ઓક્ટોબરમાં સિંગાપોરથી બેંગ્લોર જતી ફ્લાઈટ અધવચ્ચેથી પાછી ફરી હતી. એક મુસાફર પોતાનો સામાન ભૂલી ગયો હોવાનું જાણવા મળ્યું હતું. જુલાઈમાં પાઈલટ મોડા આવવાને કારણે ફ્લાઈટ એક કલાક મોડી પડી હતી.
નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.
તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.
ગુજરાતનું અગ્રેસર ન્યૂઝ પોર્ટલ, અહીં વાત થાય છે માત્ર ગુજરાત અને ગુજરાતનાં હિતની... Download Khabarchhe APP www.khabarchhe.com/downloadApp