'Animal’ના ડિરેક્ટરને સાચા દર્શકો ભારતના નહીં આ દેશના લાગે છે, કારણ કે...

રણવીર કપૂર અને રશ્મિકા મંદાના અભીનિત' Animal' ફિલ્મ ભારતમાં બમ્પર કમાણી કરી રહી છે. પરંતુ સાથે જ આ ફિલ્મની ભારે ટીકા પણ થઈ રહી છે. ભારતના દર્શકો આ ફિલ્મને મહિલા વિરોધી ગણાવી રહ્યા છે. ફિલ્મના ડિરેક્ટર વાંગાએ એક ઈવેન્ટના દર્શકોને કહ્યું કે તમે ફિલ્મને લઈને મહિલા વિરોધી જેવા સવાલો નથી ઉઠાવ્યા, તમે જસાચા દર્શકો છો.

સંદીપ રેડ્ડી વાંગાની ફિલ્મ ‘Animal’ ભારતમાં ધૂમ મચાવી રહી છે. ફિલ્મના શો હાઉસફુલ થઈ રહ્યા છે. 08 ડિસેમ્બર સુધી, ફિલ્મે લગભગ 360 કરોડ રૂપિયાનું કલેક્શન કરી લીધું છે.ફિલ્મનો આ જોરદાર ક્રેઝ માત્ર ભારતમાંજ જોવા નથી મળ્યો રહ્યો, પરંતું દુનિયાભરમાં પણ છે. ‘Animal’ ફિલ્મે અત્યાર સુધીમાં 600 કરોડ રૂપિયાનું દુનિયાભરમાં ગ્રોસ કલેક્શન કર્યું છે. સ્થાનિક લોકોની સાથે વિદેશી લોકો પણ ફિલ્મ જોઈ રહ્યા છે. જો કે ફિલ્મના ડિરેક્ટર સંદીપ વાંગાને ભારતીય દર્શકો સાચા નથી લાગતા પરંતુ વિદેશી ક્રાઉડ યોગ્ય લાગી રહ્યું છે.

તાજેતરમાં અમેરિકામાં ‘Animal ‘ સાથે જોડાયેલી એક ઇવેન્ટનો વીડિયો સોશિયલ મીડિયા પર વાયરલ થઇ રહ્યો છે. જેમાં સંદીપ વાંગા કહે છે કે, ત્યાં મને કોઇએ પણ મિસોજનીને લઇને કોઇ સવાલ નહોતો કર્યો. એ જ ફિલ્મનું સાચું અને યોગ્ય ક્રાઉડ છે. ફિલ્મના પાત્રો પર મહિલા વિરોધી હોવાનો આરોપ લાગી રહ્યો છે ,તેને મિસોજની કહેવામાં આવે છે.

વાયરલ થઇ રહેલા વીડિયોમા સંદીપ કહે છે કે, મને અમેરિકાના ક્રાઉડની સૌથી સારી વાત એ લાગી કે તેમણે ફિલ્મને મહિલા વિરોધી હોવા વિશે કોઇ સવાલ પુછ્યો નહોતો. હું ખુશ છું, કારણકે તેઓ સાચા દર્શકો છે. તેમણે તેને માત્ર એક ફિલ્મ તરીકે જ માણી.

'Animal' રીલિઝ થઈ ત્યારથી સતત ચર્ચાનું બજાર ગરમ છે. આ ચર્ચા ચાની ટપરીથી માંડીને રાજ્યસભા સુધી પહોંચી છે. વીડિયોના કોમેન્ટ સેક્શનમાં લોકો અમેરિકાના લોકોના વખાણ કરી રહ્યા છે. લખવામાં આવી રહ્યું છે કે ત્યાં ફિલ્મને માત્ર ફિલ્મ તરીકે જોવામાં આવે છે.ત્યાંના લોકો ખુલ્લા મનના અને ખુલ્લા વિચારના છે.

"What I really like about the crowd is that I didn't hear any questions on misogyny. I'm so happy, you are the right crowd. You saw #Animal as a film," said @imvangasandeep at an event in #Dallas #USA

Video courtesy @BrushFlash pic.twitter.com/MffgBKZaI9

— Faridoon Shahryar (@iFaridoon) December 9, 2023

વાંગાએ પહેલા જ ‘Animal’ના અંતમાં ફિલ્મની સિક્વલની જાહેરાત કરી દીધી છે.સિક્વલ' Animal Park 'ના નામથી બનાવવામાં આવશે. રણબીર કપૂર બીજા ભાગમાં ડબલ રોલ કરવાનો છે. પહેલી રણવિજયની અને બીજી અઝીઝની હશે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.