આ Netflix સીરિઝમાં એવું શું છે કે બે દેશોની સરકારો એકબીજાની સામે આવી?

Netflixનો સુપર-લોકપ્રિય શો છે, Emily in Paris. એટલી લોકપ્રિય કે અત્યાર સુધી ચાર સિઝન આવી ચૂકી છે અને તાજેતરમાં નેટફ્લિક્સે જાહેરાત કરી કે, તેની પાંચમી સિઝન પણ આવી રહી છે. રોમેન્ટિક કોમેડી જોનરના ચાહકોને આ શો ખૂબ જ ગમે છે. બીજી તરફ એવા લોકો પણ છે જેમના માટે આ તેમનો 'ગિલ્ટી પ્લેઝર' પણ છે. શોના શીર્ષક પરથી જાણીતું છે તેમ, તે એમિલી કૂપર નામની છોકરીની વાર્તા છે અને તે પેરિસમાં થાય છે. એમિલી એક અમેરિકન છોકરી છે, જેને પોતાના કામ માટે પેરિસ આવવું પડે છે. અહીંથી તેની દુનિયા બદલાઈ જાય છે. આ શોની ચોથી સિઝન થોડા સમય પહેલા ખતમ થઈ ગઈ હતી. અંતે બતાવવામાં આવ્યું કે એમિલી તેના બોયફ્રેન્ડ સાથે રોમ (ઇટાલી) જાય છે. નેટફ્લિક્સે પણ પુષ્ટિ કરી છે કે, આગામી સિઝનમાં, એમિલીની વાર્તા રોમથી શરૂ થશે. ફ્રાંસના રાષ્ટ્રપતિ ઇમેન્યુઅલ મેક્રોન અને રોમના મેયર રોબર્ટો ગુઆલ્ટેરી વચ્ચે માત્ર આ મુદ્દા પર વાત બગડી ગઈ હતી.

'એમિલી ઇન પેરિસ' ફ્રાન્સ માટે ફક્ત એક શો જ નથી. જેના કારણે ત્યાંના પ્રવાસન ઉદ્યોગને પણ ઘણો ફાયદો થયો છે. આ શોમાં પેરિસની ખૂબ જ Instagram જેવી છબી દર્શાવવામાં આવી હતી. સુંદર નદીઓ, ચોખ્ખા રસ્તાઓ, ક્યાંય ગરીબીનું નિશાન નથી. ઇમેન્યુઅલ મેક્રોને તાજેતરમાં વેરાયટીને એક ઇન્ટરવ્યુ આપ્યો હતો. ત્યાં તેણે કહ્યું કે, આ શોથી ફ્રાન્સની ઈમેજને ઘણો ફાયદો થયો છે. તેને આગળ પૂછવામાં આવ્યું કે, 'આ શો હવે રોમમાં જઈ રહ્યો છે. આ કેવી રીતે શક્ય છે? તમે તેને કેવી રીતે પાછા લાવશો?' આના પર મેક્રોનનો જવાબ હતો, 'અમે તેમની સામે લડીશું. અમે તેમને કહીશું કે એમિલીને પેરિસમાં રહેવા દો, તેના રોમ જવાનો કોઈ અર્થ નથી.'

મેક્રોનનો આ ઈન્ટરવ્યુ ઘણો વાયરલ થયો હતો. એટલી કે તે રોમના મેયર રોબર્ટો ગુઆલ્ટેરી સુધી પણ પહોંચી ગયો. તેણે મજાકમાં ટ્વીટ કર્યું, પ્રિય ઈમેન્યુઅલ, ચિંતા ન કરો. એમિલી રોમમાં એકદમ બરાબર છે. અને પાછો દિલનો મામલો છે, દિલ પર કોઈનો કાબૂ રહેતો નથી.'

અત્યાર સુધી બધું બરાબર હતું. 'એમિલી ઇન પેરિસ'ને લઈને ઘણી મજાક ચાલી રહી હતી. મામલો ત્યારે ગંભીર બન્યો, જ્યારે રોબર્ટો ગુઆલ્ટિયરીએ હોલીવુડ રિપોર્ટરને ઈન્ટરવ્યુ આપ્યો. તેમણે કહ્યું, 'શું રાષ્ટ્રપતિ મેક્રોનને ચિંતા કરવા માટે વધુ મહત્વપૂર્ણ મુદ્દાઓ નથી? હું માનું છું કે આશા રાખું છું કે મેક્રોન મજાક કરી રહ્યા હતા. કારણ કે આપણને એ ખબર હોવી જોઈએ કે, નેટફ્લિક્સ જેવી પ્રોડક્શન કંપની કોઈ પણ રાજ્યના વડા પાસેથી ઓર્ડર લેતી નથી કે, ન તો રાજકીય દબાણ હેઠળ તેના નિર્ણયો લેતી હોય છે.'

તેમણે પોતાની વાત આગળ વધારતા કહ્યું કે, 'ફ્રાન્સના રાષ્ટ્રપતિ પાસે આના કરતા પણ વધુ મહત્વના મુદ્દા છે. જેમ કે, યુક્રેન અને મધ્ય પૂર્વમાં યુદ્ધ ચાલી રહ્યું છે, અમેરિકામાં વાવાઝોડું આવ્યું કે જે આબોહવા પરિવર્તન સાથે જોડાયેલું છે, યુરોપમાં એવી અન્ય ઘટનાઓ છે જે, મેક્રોન માટે એમિલી કરતાં વધુ મહત્વપૂર્ણ છે.'

આ શોમાં ફ્રાન્સ અને રોમ વચ્ચે ટક્કર થઈ રહી છે. જોકે, શોના સર્જક ડેરેન સ્ટારનું કહેવું છે કે, તેઓ સંપૂર્ણપણે પેરિસ છોડવાના નથી. એક TV ચેનલને આપેલા આપેલા ઈન્ટરવ્યુમાં તેણે કહ્યું કે, એમિલી પેરિસમાં સંપૂર્ણ રીતે આરામદાયક બની ગઈ હતી. આવી સ્થિતિમાં તેને ઈટાલી મોકલવામાં આવી રહી છે, જેથી ત્યાંની નવી સંસ્કૃતિ તેના માટે પડકારરૂપ સાબિત થાય. તે એક નવી દુનિયા હશે, પરંતુ હજી પણ નિર્માતાઓ પેરિસ છોડશે નહીં.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.