1 ગુજરાતી ચા બ્રેક દરમિયાન પણ બિઝનેસ કરે છે, CJIએ ગુજરાતીમાં જુઓ શું કહ્યું
ભારતના મુખ્ય ન્યાયાધીશ (CJI) DY ચંદ્રચુડે શનિવારે જિલ્લા અદાલતની ઇમારતનું ઉદ્ઘાટન કર્યું. આ દરમિયાન તેમણે કહ્યું કે, અહીંના લોકો સમયની સાથે બદલાવને અપનાવી રહ્યા છે અને તેમની સાંસ્કૃતિક વારસા સાથે જોડાયેલા રહે છે. મુખ્ય ન્યાયાધીશે કહ્યું, 'સ્વપ્નોની વાત કરતાં, મને એક રસપ્રદ કહેવત યાદ આવે છે, જે ગુજરાતની ભાવનાને પ્રતિબિંબિત કરે છે. તેઓ કહે છે કે જ્યારે બાકીનું વિશ્વ નવી ટેક્નોલોજી પાછળ દોડે છે, ત્યારે એક ગુજરાતી સરળ વસ્તુઓમાં પણ નવીનતા લાવવાનો પ્રયત્ન કરે છે. એક રીતે ઉદાહરણ તરીકે જોઈએ તો, ચાના બ્રેકને બિઝનેસ વ્યૂહરચના મીટિંગમાં ફેરવવું એ ઉત્તમ ગુજરાતી રમૂજ છે.'
CJI ચંદ્રચુડે શનિવારે કહ્યું હતું કે, ન્યાયતંત્રમાં ટેક્નોલોજીનું અનુકૂલન માત્ર આધુનિકીકરણ માટે જ નથી પરંતુ ન્યાયની પહોંચને લોકશાહી બનાવવાની દિશામાં એક વ્યૂહાત્મક પગલું પણ છે. તેમણે ટેક્નોલોજીનો ઉપયોગ કરવા વકીલોને તાલીમ આપવાની જરૂરિયાત પર પણ ભાર મૂક્યો હતો.
ન્યાયમૂર્તિ CJI ચંદ્રચૂડે અહીં એક નવી જિલ્લા અદાલતની ઇમારતના ઉદ્ઘાટન પ્રસંગે એક સભાને સંબોધતા જણાવ્યું હતું કે, આ પ્રગતિનો લાભ લેવાથી અંતરને દૂર કરવામાં અને કાર્યક્ષમતા વધારવામાં મદદ મળશે અને ખાતરી થશે કે ન્યાય વિતરણ ભૌગોલિક અને તકનીકી અવરોધોથી મુક્ત છે. તેમણે સ્થળ પરથી AI-આધારિત 'ટેક્સ્ટ-ટુ-સ્પીચ કોલ-આઉટ સિસ્ટમ'નું પણ ઉદ્ઘાટન કર્યું હતું.
જિલ્લા અદાલતોના મહત્વ પર પ્રકાશ પાડતા, ન્યાયમૂર્તિ CJI ચંદ્રચુડે જણાવ્યું હતું કે, 'આ અદાલતો ન્યાયના અધિકારને સુનિશ્ચિત કરવામાં મહત્વપૂર્ણ સ્થાન ધરાવે છે અને એક એવા સમાજની કલ્પના કરવામાં આપણા બંધારણના આદર્શોનો પાયાનો પથ્થર છે, જ્યાં દરેક નાગરિકને ન્યાયના અધિકારોની ખાતરી આપવામાં આવે છે.'
CJI Chandrachud saheb speaking Gujarati in Rajkot & he spoke well😂
— Mr Sinha (@MrSinha_) January 6, 2024
More heartburn to seculars!!!😂🔥 pic.twitter.com/lkWNeDWShQ
ન્યાયાધીશ CJI ચંદ્રચુડે કોર્ટ સંકુલમાં અદ્યતન ઓડિયો-વિડિયો સાધનો અને સિસ્ટમોથી સજ્જ કોન્ફરન્સ રૂમ અને ટ્રેનિંગ રૂમ વિશે કહ્યું, 'આ સુપ્રીમ કોર્ટના ચેમ્બરમાં અને બદલાતા સમયને ધ્યાનમાં રાખીને લાગુ કરાયેલ હાઇબ્રિડ અને ઑનલાઇન કોન્ફરન્સ સિસ્ટમ છે અને ઝડપી ન્યાય સુનિશ્ચિત કરવા માટે ટેક્નોલોજીનો લાભ ઉઠાવી રહ્યા છે.'
તેમણે પ્રિન્સિપલ ડિસ્ટ્રિક્ટ જજને એ નક્કી કરવા માટે અપીલ કરી હતી કે, વકીલોને ટેક્નોલોજીના ઉપયોગની તાલીમ આપવામાં આવે અને તેઓને તે પાસામાં ન્યાયાધીશોથી અલગ ન કરવા જોઈએ.
નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.
તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.
ગુજરાતનું અગ્રેસર ન્યૂઝ પોર્ટલ, અહીં વાત થાય છે માત્ર ગુજરાત અને ગુજરાતનાં હિતની... Download Khabarchhe APP www.khabarchhe.com/downloadApp
