અંબાલાલ પટેલે ભારે વરસાદની સાથે ગરમીની પણ આગાહી કરી દીધી

ગુજરાતના હવામાનના જાણકાર અંબાલાલ પટેલે ચોંકાવનારી આગાહી કરી છે. તેમણે ભારે વરસાદની સાથે ભારે ગરમી પડવાની પણ વાત કરી છે.

અંબાલાલ પટેલે કહ્યું છે કે, 24 ઓગસ્ટથી 27 ઓગસ્ટ સુધી ગુજરાતમાં ભારે વરસાદ પડશે. આહવા-ડાંગમાં પણ ભારે વરસાદ પડી શકે છે. તેમણે કહ્યુ કે, ગુજરાતના કેટલાંક વિસ્તારોમાં 10 ઇંચ તો કેટલાંક વિસ્તારોમાં 8 ઇંચ વરસાદ પડશે. મધ્ય પ્રદેશમાં ભારે વરસાદને કારણે નર્મદા નદીનું જળસ્તર વધશે.

આ વખતે ચોમાસામાં ભારે વરસાદ પડવા છતા લોકોને ઠંડકનો અનુભવ થતો નથી તેને બદલે ભારે ગરમી પડી રહી છે. અંબાલાલ પટેલે કહ્યું કે, 23 સપ્ટેમ્બરથી સૂર્ય વિષુવૃત પર આવશે એટલે સુર્ય માથા પરથી પસાર થશે જેને કારણે ગરમીનો પારો વધશે. દિવાળી સુધી ભારે ગરમીનો સામનો કરવો પડશે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.