અમિત શાહ ગુજરાતના ગાંધીનગરથી આટલા મતથી જીતશે, ભાજપે આપી દીધો ટાર્ગેટ
![](https://khabarchhe.com/uploads/mc_path/1710670230amit-shah1.jpg)
વર્ષ 2019માં ગાંધીનગર લોકસભા બેઠક પરથી પહેલીવાર ચૂંટણી લડનાર અમિત શાહને ભાજપે આ વખતે ફરી ટિકિટ આપી છે. ભાજપે આ વખતે ગાંધીનગરની બેઠક 10 લાખના માર્જિનથી જીતવાનો ટાર્ગેટ રાખ્યો છે.
કેન્દ્રીય ગૃહ મંત્રી અમિત શાહે 2019ની ચૂંટણીમાં ગાંધીનગર લોકસભા બેઠક પરથી અત્યાર સુધીની સૌથી મોટી જીત હાંસલ કરી હતી. 2024માં ફરી ગાંધીનગરથી ચૂંટણી લડી રહેલા અમિત શાહની જીત માટે ભાજપે 10 લાખ મતોના માર્જિનનું લક્ષ્ય રાખ્યું છે. જો આમ થશે તો અમિત શાહ અગાઉના ઘણા રેકોર્ડ તોડી નાખશે.
2019ની લોકસભા ચૂંટણીમાં સૌથી મોટી જીત ગુજરાત ભાજપ પ્રમુખ સી.આર.પાટીલના નામે નોંધવામાં આવી હતી. તેઓ નવસારીમાંથી 6.89 લાખ મતોથી જીત્યા હતા.પાટીલ દેશભરમાં સૌથી વધારે લીડથી જીતનારા સાંસદ બન્યા હતા. પાટીલ 2014માં 5.58 લાખ મતોથી જીત્યા હતા. ગાંધીનગર લોકસભા બેઠક 1989થી ભાજપ પાસે છે. ભાજપે સતત 10 ચૂંટણી જીતી છે.
2019 માં, અમિત શાહ ગાંધીનગરથી 5.57 લાખ મતોના માર્જિનથી જીત્યા હતા, જ્યારે PM મોદી વારાણસીથી 4.79 મતોના માર્જિનથી જીત્યા હતા. 2019માં સૌથી વધુ માર્જિનથી જીતનારા 10 નેતાઓમાં કોંગ્રેસ નેતા રાહુલ ગાંધીનો સમાવેશ નહોતો.રાહુલ 11 નંબર પર હતા,તેઓ વાયનાડથી 4.31 મતોના માર્જિનથી જીત્યા હતા.
ગાંધીનગરથી બીજી વખત ઉમેદવાર બનેલા અમિત શાહને 2024માં 10 લાખ મતોથી જીતાડવાનો ટાર્ગેટ કાર્યકરોને સોંપવામાં આવ્યો છે. 15 માર્ચે કેન્દ્રીય ગૃહમંત્રી અમિત શાહ ગાંધીનગરની મુલાકાતે આવ્યા હતા. તેમના પ્રવાસ દરમિયાન તેમણે લોકસભા મતવિસ્તારના પ્રભારીઓ સાથે બેઠક કરી હતી. એ નક્કી હતું કે ભાજપ 10 લાખ મતોની લીડની સાથે અમિત શાહની જીત સુનિશ્ચિત કરશે.
2019માં અમિત શાહે ગાંધીનગર લોકસભા સીટ પર અત્યાર સુધીના સૌથી વધુ મતોથી જીત મેળવી હતી. લોકસભા મતવિસ્તારમાં આવતી સાત વિધાનસભા બેઠકો પર ભાજપનો કબજો છે. ભાજપને આશા છે કે જે રીતે કેન્દ્રીય ગૃહમંત્રી તેમના સંસદીય ક્ષેત્રમાં સક્રિય રહ્યા છે અને વિકાસ કાર્યો થયા છે. તેનાથી બીજેપીના વોટ શેરમાં વધુ વધારો થશે.
2019ની લોકસભા ચૂંટણીમાં અમિત શાહને 8,94,000 વોટ મળ્યા હતા. લોકસભા મતવિસ્તારમાં કુલ 12,85,826 મત પડ્યા હતા. પાર્ટી એ સુનિશ્ચિત કરવાનો પ્રયાસ કરી રહી છે કે જો મતદાનની ટકાવારી 66.08 થી વધુ હોય તો 13 લાખથી વધુ મતદાન થાય. આવી સ્થિતિમાં પાર્ટીએ જીત માટે 10 લાખથી વધુ વોટનો લક્ષ્યાંક રાખ્યો છે. કોંગ્રેસે હજુ ગાંધીનગરથી પોતાના ઉમેદવારની જાહેરાત કરી નથી.
નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.
તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.
ગુજરાતનું અગ્રેસર ન્યૂઝ પોર્ટલ, અહીં વાત થાય છે માત્ર ગુજરાત અને ગુજરાતનાં હિતની... Download Khabarchhe APP www.khabarchhe.com/downloadApp