રાજકોટઃ આવી નવરાત્રી ના હોય, પૂર્વ CM વિજય રૂપાણી પણ બગડ્યા

નવરાત્રીએ મા આધ્ય શક્તિની આરાધના અને ભક્તિનો તહેવાર છે. નવરાત્રીમાં લોકો ગરબી રમીને માતાજીની આરાધના કરતા હોય છે, પરંતુ રાજકોટમાં નવરાત્રીની ઉજવણીમાં હિંદુ પરંપરા અને ધાર્મિક ઉત્સવના લીરે લીરા ઉડાવી દેવામાં આવ્યા.ગુજરાતની સંસ્કૃતિ અને ગરીમાનું ધોર અપમાન કરવામાં આવ્યું.

#Rajkot માં શકિરાના સોંગ પર ડાન્સ થયા તેને હું વખોડું છું : પૂર્વ CM વિજય રૂપાણી

ગઈકાલે રાજકોટના નીલ સિટી ક્લબ ખાતે થયેલા ગરબામાં શકીરાના ફોટો સ્ક્રીન પર ચાલ્યા અને તેના સોંગ પર લોકોએ ડાન્સ કર્યો જેનો વીડિયો વાયરલ થયો છે અને માતાજીની આરાધનાના નામે ચાલતા આવા ડિંડકને ન જ ચલાવી… pic.twitter.com/OasGmk3x0k

— Jayesh cHauHaN (@JournoJayesh) October 6, 2024

રાજકોટની નીલ ક્લબમાં ગરબાનું આયોજન કરવામાં આવ્યું છે. અહીંનો એક વીડિયો સોશિયલ મીડિયામાં વાયરલ થયો છે, જેમાં હોલિવુડની પોપ સિંગર શકીરાનો ફોટ સ્ક્રીન પર બતાવીને તેના ગીત પર ડાન્સ કરવામાં આવ્યો હતો અને એનિમલ ફિલ્મના જમાલ કુડુ ગીત પર પણ ડાન્સ કરાયો હતો. એવું લાગતું હતું કે નીલ ક્લબમાં નવરાત્રી નહીં પણ થર્ટી ફર્સ્ટની ઉજવણી ચાલતી હોય.

ગુજરાતના પૂર્વ મુખ્યમંત્રી વિજય રૂપાણીએ એક વાયરલ વીડિયોમાં કહ્યું છે કે આવી ઘટનાને હું સખત શબ્દોમા વખોડું છુ અને સરકરાને કહીશ કે આવા આયોજન પર વોચ રાખે. તેમણે કહ્યું કે,નવરાત્રીએ સ્ત્રીઓના સન્માનનો ઉત્સવ છે. થર્ટી ફર્સ્ટ અને નવરાત્રીમાં આસમાન જમીનનો ફરક છે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.