સરકાર એવું કયું બિલ લાવી રહી છે કે, ગુજરાતમાં બાબા બાગેશ્વર દરબાર નહીં ભરી શકે

ગુજરાત વિધાનસભાનું ચોમાસું સત્ર 21 ઓગસ્ટને બુધવારથી શરૂ થવાનું છે અને 3 દિવસ ચાલશે. આ ચોમાસું સત્રમાં કેટલાંક મહત્ત્વના બિલ રજૂ થવાના છે. ખાસ કરીને ભ્રષ્ટાચાર ડામવા અને અંધશ્રદ્ધા દુર કરવા માટે કડક કાયદો બનાવવામાં આવશે.

ગુજરાતમાં માનવ બલિ, ભૂત-ડાકણ, મરચાનો ધુમાડો,ચમત્કારો, અલૌકિક શક્તિની વાત કરીને કોઇના જીવને જોખમમાં મુકવો, વશીકરણ, જાદુ-ટોણાં આ બધી પ્રવૃતિઓ પર પ્રતિબંધ લાગી જશે. છાપાઓમાં આવતી વશીકરણને લગતી જાહેરખબરો પણ બંધ થઇ જશે. બાબા બાગેશ્વર જેવા બાબાઓના દરબારો પણ બંધ થઇ જશે.

બીજું બિલ એવું છે કે અત્યાર સુધી દારૂ અને ડ્રગ્સના કેસોમાં પકડાયેલા વાહનોનો નિકાલ થઇ શકતો નહોતો. હવે આવા વાહનોને હરાજીથી વેચી દેવા માટે કાયદો બનશે. ઉપરાંત કૃષિ અને નોન- એગ્રીકલ્ચરલ લેન્ડમાં સ્પષ્ટતા લાવવા માટે બિલ લાવવામાં આવશે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.