સી.આર. પાટીલના પુત્ર જિગ્નેશે કેમ કહી દીધું- હું પાર્ટી પાસે ટિકિટ માંગવાનો નથી?

ભાજપના પ્રદેશ પ્રમુખ અને કેન્દ્રીય જશશક્તિ મંત્રી સી. આર. પાટીલના પુત્ર જિગ્નેશ પાટીલે આ વખતે જન્માષ્ટમીના તહેવારમાં યુથ ફોર ગુજરાતના નેજા હેઠળ લિંબાયતમાં 35 ફુટની માટલીનું આયોજન કર્યું છે અને જે માટલી ફોડશે તેમને 1.51 લાખના ઇનામની જાહેરાત કરી છે. 2 મહિલા મંડળો માટે પણ 25-25 ફુટની માટલીનું આયોજન છે અને તેમને 51,000- 51,000ના ઇનામો આપવામાં આવશે.

એટલી એવી ચર્ચા શરૂ થઇ છે કે, શું જિગ્નેશ પાટીલ ચૂંટણીની તૈયારી કરી રહ્યા છે? પત્રકાર પરિષદમાં જિગ્નેશ પાટીલને જ્યારે આ વિશે સવાલ પુછાયો ત્યારે તેમણે કહ્યુ કે, હું પાર્ટી પાસે ટિકિટ માંગવાનો નથી. મતલબ કે જિગ્નેશે ચૂંટણી લડવાની ના નથી પાડી. સી. આર. પાટીલ આમ પણ 4 વખત સાંસદ બની ચૂક્યા છે અને તેમની તબિયત પણ નરમ ગરમ રહેતી હોય છે.જિગ્નેશ તેમનો એકનો એક પુત્ર છે એટલે વારસો જાળવવા તૈયારી શરૂ કરી હોવાનું કહેવાય છે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.