Notifications

Favourite List

Happy Diwali and Happy New Year

ધ્રાંગધ્રા-હળવદના કોળી સમાજે ભાજપ સામે બોલાવ્યું સંમેલન, જાણો કેમ?

13 Oct, 2017
12:45 PM
PC: khabarchhe.com

સૌરાષ્ટ્રમાં કોળી સમાજનું મહાસંમેલન મળી રહ્યું છે. તા. 15મી ઓક્ટોબરના રોજ ધ્રાંગધ્રાના ચુલી ગામે 20 હજાર કરતા વધુ કોળી સમાજના લોકો એકત્રીત થઈ રહ્યા છે. તેમની નારાજગી તેમના મતોની સંખ્યા વધુ હોવા છતાં ભાજપમાં તેમને યોગ્ય પ્રમાણમાં પ્રતિનિધિત્વ મળતું નથી, તેના પર છે. ભાજપના અગ્રણી છત્રસિંહ ઠાકોરે જણાવ્યું હતું કે હળવદ અને ધ્રાંગધ્રામાં કોળી મતદારોની સંખ્યા 80% હોવા છતાં ભાજપની નેતાગીરી દ્વારા કોળી સમાજની સતત અવગણના થઈ રહી છે. 

જો કોળી સમાજની વાત ભાજપની નેતાગીરી સાંભળતી ના હોય તો કોળી સમાજે સંગઠીત થઈ પોતાની વાત કહેવી પડશે તેના સંદર્ભમાં આ સંમેલન બોલાવવામાં આવ્યું છે. આ સંમેલનમાં હળવદ અને ધ્રાંગધ્રાના 20 હજાર લોકો એકત્રીત થશે અને તેઓ આગામી વિધાનસભાની ચૂંટણી વખતે કોની સાથે જવું તેનો નિર્ણય કરશે. જોવાનું એ રહ્યું કે શાસક પક્ષ એટલે કે ભારતીય જનતા પાર્ટી આ સમયસંજોગોમાં ઉભા થઈ રહેલા વિરોધના સમીકરણોમાં રાજકીય કુનેહ દાખવી 2019ની લોકસભાની ચૂંટણીને ધ્યાને લઈ આગળ વધશે, તો જ સ્થિતિને વણસતી અટકાવી શકશે.

દેશ અને દુનિયાના સમાચારથી માહિતગાર થવા તેમજ દરેક અપડેટ સમયસર મેળવવા ડાઉનલોડ કરો Khabarchhe.com એપ અને ફોલો કરો Khabarchhe.com ને સોશિયલ મીડિયા પર.