આણંદમાં સાંસદ મિતેષ પટેલે જનસેવા રથનો શુભારંભ કર્યો

આણંદ લોકસભાના સાંસદ મિતેષભાઇ પટેલે આજે એક અભિનવ પહેલ શરૂ કરી છે. તેમણે "સાંસદ જન સેવા રથ"નો પ્રારંભ કર્યો છે, જેનો ઉદ્દેશ કેન્દ્ર અને રાજ્ય સરકારની વિવિધ કલ્યાણકારી યોજનાઓનો લાભ સમાજના છેવાડાના વર્ગ સુધી પહોંચાડવાનો છે. આ રથનો શુભારંભ આણંદ સ્વામિનારાયણ મંદિરના કોઠારી ભગવતચરણ સ્વામીના હસ્તે કરવામાં આવ્યો. આ પહેલ પ્રધાનમંત્રી નરેન્દ્રભાઈ મોદીના અંત્યોદયના સિદ્ધાંતને સાકાર કરવાનો પ્રયાસ છે.

સાંસદ જન સેવા રથ ગામડાઓ સુધી પહોંચશે અને ગરીબ તથા વંચિત વર્ગના લોકોને સરકારી યોજનાઓનો સીધો લાભ આપવામાં મદદરૂપ થશે. આ રથ એવા લાભાર્થીઓને પણ મદદ કરશે જેમનો યોજનાઓનો લાભ બંધ થઈ ગયો છે અને તેને ફરીથી શરૂ કરાવવામાં સહાયક બનશે. આ પ્રસંગે સાંસદ મિતેષભાઇ પટેલ, જિલ્લા પ્રમુખ રાજેશભાઇ પટેલ, આણંદ નગરપાલિકાના પ્રમુખ જીગ્નેશભાઇ પટેલ, પુર્વ સાંસદ દિપકભાઇ પટેલ, પુર્વ જિલ્લા પ્રમુખ જયપ્રકાશભાઇ પટેલ, મહેશભાઇ પટેલ, જિલ્લા મહામંત્રી સુનિલભાઇ શાહ, યુવા મોરચા પ્રમુખ પથિકભાઇ પટેલ, આણંદ, પૂર્વ જિલ્લા મહામંત્રી નિરવભાઈ અમીન ,વિદ્યાનગર અને કરમસદ શહેર સંગઠનના પદાધિકારીઓ, કાઉન્સિલરઓ, કાર્યકરો ઉપસ્થિત રહ્યા હતા.

આ પહેલ દ્વારા, સાંસદ મિતેષભાઇ પટેલ સરકારી યોજનાઓની પહોંચ વધારવા અને સમાજના દરેક વર્ગ સુધી વિકાસનો લાભ પહોંચાડવા માટે પ્રતિબદ્ધ છે. આ રથ સમાજના છેવાડાના વ્યક્તિ સુધી પહોંચવાનું અને તેમને સશક્ત બનાવવાનું એક મહત્વપૂર્ણ માધ્યમ બનશે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.