ગિફ્ટ સિટીમાં દારૂ પીધા પછી નાચવાનું નહીં, બે વર્ષની પરમિટ, ગાર્ડ મૂકાશે
![](https://khabarchhe.com/uploads/mc_path/1704017650Photo-(2).jpg)
ગુજરાતના ગાંધીનગર સ્થિત ગિફ્ટ સિટીમાં દારૂ પીવાની ભલે છૂટ મળી ગઈ હોય છતાં તેના વપરાશ અને વેચાણ અંગે એકદમ કડકાઈ રાખવામાં આવશે. સામાન્ય રીતે માત્ર અધિકૃત લાઇસન્સ ધરાવનાર વ્યક્તિ જ દારૂનું સેવન કરી શકશે. એટલું જ નહીં, જે હોટલ, રેસ્ટોરન્ટ અને ક્લબમાં દારૂ પીરસવાની પરવાનગી મળી છે ત્યાં CCTVની દેખરેખ રહેશે. ગિફ્ટ સિટીમાં દારૂ પીવાની પરવાનગી પછી હવે ગુજરાત સરકારના ગૃહ મંત્રાલય દ્વારા SOP (માર્ગદર્શિકા) બહાર પાડવામાં આવી છે. તેમાં એવું કહેવામાં આવ્યું છે કે, ગિફ્ટ સિટીમાં દારૂ પીવાની લઘુત્તમ ઉંમર 21 વર્ષ હોવી જોઈએ. આ સિવાય ગિફ્ટી સિટીમાં દારૂ પીવાની અધિકૃત પરવાનગી ધરાવતા લોકો જ દારૂનું સેવન કરી શકશે.
ગૃહ મંત્રાલયે સ્પષ્ટતા કરી છે કે, ગિફ્ટ સિટીમાં દારૂ પીવાની પરમિટ બે વર્ષ માટે આપવામાં આવશે. બે વર્ષ પછી, દર વર્ષે 1000 રૂપિયાના ખર્ચે પરમિટ રિન્યુ કરવામાં આવશે. કામચલાઉ પરમિટ માત્ર એક દિવસ માટે માન્ય રહેશે. જેઓ દારૂ પીવાની પરવાનગી મેળવે છે, તેઓ ગિફ્ટ સિટીમાં નિયુક્ત (વાઇન અને ડાઇન) સ્થળ પર જ દારૂનું સેવન કરી શકશે. ગૃહ મંત્રાલયે સ્પષ્ટ કર્યું છે કે, રાજ્યમાં ડૉક્ટરની સલાહ લીધા પછી દારૂ પીવાની હેલ્થ પરમિટ ધરાવતા અને સામાન્ય રીતે ગુજરાતમાં પ્રવાસી પરમિટ મેળવનારાઓ ગિફ્ટ સિટીમાં દારૂ પી શકશે નહીં.
ગુજરાત સરકાર દ્વારા બહાર પડાયેલા નિયમો જણાવે છે કે, ગિફ્ટ સિટીમાં દારૂ વેચવા અને સર્વ કરવા માટે લાયસન્સ મેળવવા માટે FL-3 લાઇસન્સ આપવામાં આવશે. આ લાયસન્સ માટે ગાંધીનગરના નશાબંધી અને આબકારી અધિક્ષકનો સંપર્ક કરવાનો રહેશે. આ સંસ્થાઓએ દારૂના જથ્થાનો વિગતવાર રેકોર્ડ રાખવાનો રહેશે અને સમગ્ર સુવિધાને CCTV દેખરેખ હેઠળ રાખવાની રહેશે. CCTV રેકોર્ડ ત્રણ મહિના સુધી જાળવવાનો રહેશે. નવી સૂચનાઓમાં એવું સ્પષ્ટ કરવામાં આવ્યું છે કે, દારૂ પીરસવાનું લાઇસન્સ અન્ય કોઈને ટ્રાન્સફર કરી શકાશે નહીં. દારૂ પીરસવા ઈચ્છતા રેસ્ટોરન્ટ્સ અને ક્લબ હોટલમાં વાઈન અને જમવાની જગ્યા રાખવી પડશે. આ સ્થળે સુરક્ષા સ્ટાફ પણ રાખવાનો રહેશે. આ વિસ્તારમાં દારૂ ફક્ત ગ્લાસમાં જ પી શકાય છે. સૂચનાઓ અનુસાર, દારૂ અને જમવાના વિસ્તારમાં ખુલ્લી અથવા સીલબંધ દારૂની બોટલો લઈ જવા પર પ્રતિબંધ રહેશે.
નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.
તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.
ગુજરાતનું અગ્રેસર ન્યૂઝ પોર્ટલ, અહીં વાત થાય છે માત્ર ગુજરાત અને ગુજરાતનાં હિતની... Download Khabarchhe APP www.khabarchhe.com/downloadApp