26th January selfie contest

દુષ્કાળવાળા વિસ્તારમાં ઉગે છે મોંઘા પિસ્તા, ગુજરાતમાં વિકસાવવા તૈયારી

PC: khabarchhe.com

 દેશમાં પ્રથમ વખત રાજસ્થાનમાં પિસ્તાની ખેતી કરવા માટે 2017માં પ્રયાસો થયા બાદ ગુજરાતમાં પણ પિસ્તાની ખેતી કરવાની તક ઊભી થઈ રહી છે. રાજસ્થાનના કૃષિ મંત્રીએ કહ્યું કે ઈરાનથી પિસ્તા પ્લાન્ટ લાવવાની તૈયારી વચ્ચે તેમણે કેન્દ્રીય કૃષિ મંત્રાલયને પણ વિનંતી કરી છે. મંત્રાલય સંબંધિત દેશમાંથી પ્લાન્ટ વિશે વિગતવાર માહિતી લેવાના છે.  

પિસ્તાનું ઉત્પાદન વિશ્વના 10 દેશોમાં થાય છે. ઈરાનમાં સૌથી વધુ 75 લાખ મેટ્રિક ટન છે. આ પછી, તુર્કી 1.50 લાખ ટનટન, ચીન 74 હજાર ટન, સીરિયા, યુએસએ સહિત 5 અન્ય દેશો છે. હવે તેમાં ભારત જોડાઈ રહ્યું છે.

દેશમાં પિસ્તા આયાત કરવામાં આવે છે. વર્ષ 2001 માં, ભારતે 5680 મેટ્રિક ટન પિસ્તાની આયાત કરી હતી, જે 2017 માં 9000 મેટ્રિક ટન અને હાલ 10 હજાર ટન જેટલી આયાત થઈ છે. રૂ.500થી રૂ.700 કરોડના પિસ્તા આયાત થાય છે.

મોંઘા ડ્રાયફ્રૂટની ખેતી દુષ્કાળ પડતો હોય ત્યાં સારી રીતે થઈ શકે છે. તેથી કચ્છ, પાટણ, બનાસકાંઠાના રણ કાંઠાના વિસ્તાર શ્રેષ્ઠ છે. તેથી કચ્છના કેટલાંક ખેડૂતો ગાંધીનગર ખાતે ખેતીવાડીના અધિકારઓને મળવા માટે આવ્યા હતા. ત્યારે ખેતીવાડી અધિકારીએ તેમને ખેતી કરવા અંગે કિંમતી સલાહ આપી હતી.

સારી રીતે ડ્રેઇન કરેલી કોઈ પણ પ્રકારની જમીનમાં થાય છે. પીએચ 7.0 થી 7.8 હોય એવી જમીન અનુકુળ આવે છે. આ વૃક્ષો સહેજ સખત હોય છે, પરંતુ મોટા પ્રમાણમાં ક્ષારની શક્તિને સહન કરે છે.

દિવસમાં તાપમાન 36 ° સે અને ઠંડા મહિનામાં 7 ડિગ્રી સેન્ટીગ્રેડ સુધી વાંધો આવતો નથી. ઠંડીમાં ઝાડ સારી રીતે વધતાં નથી.

છોડ નર્સરીમાં એક કે બે વર્ષ ઉગાડી ખેતરમાં રોપવામાં આવે છે.  વાવેતર સામાન્ય રીતે નીચલા સ્તરે કરવામાં આવે છે અને ફણગાવેલા ઝાડ તે જ વર્ષે અથવા બીજા વર્ષે 6 બાય 6 મીટરના ગાળે પાણી વાળી ખેતીમાં વાવેતર કરવામાં આવે છે.

1 નર-પુરૂષ વૃક્ષે 8 માદા પિસ્તા વૃક્ષ -બદામ હોવું જોઈએ. તો જ સારૂં ઉત્પાદન આપે છે.

 એક નર અને માદા વૃક્ષ વાવવા જોઈએ અને તેનું ગુણોત્તર 1: 8 (એક પુરુષ અને આઠ સ્ત્રી વૃક્ષ) થી 1:10 (એક નર અને 10 સ્ત્રી વૃક્ષ) હોવું જોઈએ. ટપક સિંચાઈનો ઉપયોગ કરવો જોઈએ. એકરે 45 થી 65 કિલો નાઇટ્રોજનની વધું જરૂર પડે છે. પિસ્તા પ્લાન્ટમાં 450 ગ્રામ એમોનિયમ સલ્ફેટ બે ભાગોમાં ઉમેરવામાં આવે છે.

વૃક્ષ સતત ઉપર તરફ ઊગે છે, ખુલ્લા આકારમાં વિકાસ પામે છે. ઝાડનો મધ્ય ભાગ એવી રીતે ખુલ્લો રાખવો જોઈએ કે તે સૂર્યપ્રકાશને શોષી શકે, જેથી ફૂલો સારી રીતે આવી શકે તેથી વધુ સારા ફળ મળે.

5 વર્ષે ફળ આપવા તૈયાર થાય છે. 12 વર્ષ પછી પૂરતા 8થી 10 કિલો ફળ આપે છે. ખેડૂતને એક કિલોના રૂ.500થી રૂ.1000 મળે છે. 5થી 10 હજાર રૂપિયા એક વૃક્ષની કમાણી થાય છે. આટલી જંગી આવક એક પણ વૃક્ષ આપતું નથી.

 

ગુજરાતનું અગ્રેસર ન્યૂઝ પોર્ટલ, અહીં વાત થાય છે માત્ર ગુજરાત અને ગુજરાતનાં હિતની... Download Khabarchhe APP www.khabarchhe.com/downloadApp