ગુજરાતની સૌથી શરમજનક ચોરી, પોલીસકર્મી જ સ્ટેશનમાંથી દારૂ અને પંખા ચોરી ગયા

ગુજરાતીમાં એક કહેવત છે કે જ્યારે વાડ જ ચીભડાં ગળે તો શું થાય? આ કહેવતને સાચી ઠેરવતી એક ઘટના બની છે. ગુજરાત પોલીસ માટે શરમજનક કહી શકાય એવી આ ઘટનાની વિગત એવી છે કે મહિસાગર જિલ્લાના બોકોર પોલીસ સ્ટેશનમાં 6 પોલીસ કર્મીઓએ પોતે જ પોલીસ સ્ટેશનમાંથી વિદેશી દારૂની બોટલો અને પંખા ચોરી ગયા છે. તેમાંથી 5ની પોલીસે ધરપકડ કરી લીધી છે.

બોકોર પોલીસ સ્ટેશનમાં દરોડા દરમિયાન જપ્ત કરવામાં આવેલી 125 વિદેશી બોટલો અને 15 પંખા પોલીસ કર્મીઓ ચોરી ગયા હતા, જેની કુલ કિંમત 1.97લાખ રૂપિયા હતી. આ ચોરીમાં 2 પોલીસ, 1 GRD જવાન અને 3 હોમગાર્ડસ સામેલ હતા. પોલીસે અરવિંદ ખાટ, લલિત પરમાર, ખાતુ ડામોર, સોમા ઘુલા પગી, રમણ ડામોર અને દિપક વણકર સામે ગુનો દાખલ કર્યો છે

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.