રાજકોટનો ફાયર ઓફિસર 1.80 લાખની લાંચ લેતા પકડાયો, CM દાદા હવે આને ઘર ભેગો કરજો

રાજકોટમાં 25 મે 2024ના દિવસે TRP ગેમ ઝોનમાં આગની ઘટનાને હજુ 3 મહિના પણ થયા નથી અને ચીફ ફાયર ઓફિસર અને ડેપ્યુટી ચીફ ફાયર ઓફિસર જેલમાં છે ત્યારે ઇન્ચાર્જ ચીફ ઓફિસર બનેલા અનિલ મારુ 1.80 લાખ રૂપિયાની લાંચ લેતા ACBના રંગે હાથે પકડાઇ ગયો છે.

રાજકોટ પાલિકામાં ઇન્ચાર્જ ચીફ ફાયર ઓફિસર તરીકે હજુ થોડા દિવસ પહેલા જ નિમાયેલા અનિલ મારુએ બેશરમ બનીને એક વ્યક્તિને ફાયર NOC આપવા માટે 3 લાખ રૂપિયાની લાંચ માંગી હતી, જેમાંથી 1.20 લાખ મારુને મળી ગયા હતા અને બાકીની રકમ પાંચ દિવસ પછી આપવાનું નક્કી થયું હતું. ફરિયાદીએ ACBને જાણ કરી દેતા અનિલ મારું છટકામાં સપડાઇ ગયો હતો.

ગુજરાતના મુખ્યમંત્રી ભૂપેન્દ્ર પટેલે છેલ્લાં 1 વર્ષમાં અનેક અક્ષમ અધિકારીઓને ઘર ભેગા કર્યા છે. આવા અધિકારીને પણ ઘરે બેસાડી દેવા જોઇએ.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.