ઘરમા ચોર ઘુસી આવ્યા તો પોલીસે કહ્યું- પહેલા ફરિયાદ લખાવો, પછી વાત

પંચમહાલના ઝાલોદ તાલુકામાં આવેલા લીમડી ગામમાં એક ચોંકાવનારો કિસ્સો સામે આવ્યો છે. એક મકિન માલિકના ઘરમાં ચોર ઘુસ્યા હતા, પોલીસ સ્ટેશનમાં ફોન કર્યો તો ફોન ઉપાડનારે કહ્યું કે, પહેલા પોલીસ સ્ટેશનમાં આવીને ફરિયાદ કરો ભલે ચોરો ઘરે રહેતા.

લીમડી ગામમાં રહેતા પ્રવિણ કલાલના ઘરે ધાબા પરથી ચોરો ઘરમાં ઘુસ્યા હતા. અવાજ આવવાને કારણે ઘર માલિક પ્રવિણે પોતાના ઘરના સીસીટીવી ચેક કર્યા તો એક રૂમમાં 6થી 7 લોકો બધું ફંફોળી રહ્યા હતા. તેમણે લીમડી પોલીસ સ્ટેશનમાં ફોન કર્યો તો અજિત પવાર નામના કર્મીએ ફોન ઉંચક્યો અને કહ્યું કે, પહેલાં મને જાગવાતો દો, પછી પ્રવિણભાઇનો ફોન હોલ્ડ રાખ્યો.પછી અજિતે કહ્યુ કે, ભલે ચોરો ઘરમાં રહેતા તમે પોલીસ સ્ટેશન આવીને ફરિયાદ લખાવો પછી જ એક્શન લેવાશે. અજિત પવારને સસ્પેન્ડ કરી દેવાયો છે, પરંતુ પ્રવિણભાઇના ઘરમાંથી 25,000 રૂપિયાની ચોરી થઇ ગઇ છે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.