કૂતરાના હુમલાથી બચવા ભાગતા-ભાગતા પડી જતા વાઘ બકરી ચાના માલિક પરાગ દેસાઈનું નિધન

વર્લ્ડ ફેમસ વાઘ બકરી ચા કંપનીના માલિક અને કાર્યકારી ડિરેક્ટર પરાગ દેસાઈનું અમદાવાદની એક પ્રાઇવેટ હોસ્પિટલમાં રવિવારે નિધન થયું છે. 49 વર્ષીય પરાગ દેસાઈને બ્રેન હેમરેજ થયું હતું અને તેમને હોસ્પિટલમાં એડમીટ કર્યા હતા, જ્યાં તેમને વેન્ટીલેટર પર રાખવામાં આવ્યા હતા. પરાગ દેસાઈ પર તેમના ઘર પાસે કૂતરાઓએ હુમલો કરી દીધો હતો, જેને કારણે તેઓ પડી ગયા હતા અને માથામાં ઈજા થવાથી તેમને બ્રેન હેમરેજ થઈ ગયું હતું.

This is a very shocking & heart breaking incident. [Times of India]

He is Parag Desai, owner of Wakh Bakri Tea selling company who used to live in Ahemdabad.

On 15th October, he was attacked by stray dogs and to escape he tried his best but fell on the ground.

He is no more as… pic.twitter.com/5teiDiiYuI

— Amock (@Politics_2022_) October 23, 2023

કૂતરાનો હુમલો થતા તેઓ તેનાથી બચવા માટે ભાગ્યા હતા અને તે સમયે તેઓ પડી ગયા હતા, જેને કારણે તેમને બ્રેન હેમરેજ થયું હતું. આ ઘટનાની જાણ સિક્યોરિટી ગાર્ડને મળતા તેમને તાત્કાલિક હોસ્પિટલ લઈ જવામાં આવ્યા હતા, ત્યાં ઘણા દિવસ સુધી તેમને વેન્ટીલેટર સપોર્ટ પર રાખવામાં આવ્યા હતા.

તેમના પરિવારમાં પત્ની વિદિશા અને દીકરી પરીશા છે. પરાગ દેસાઈ વાઘ બકરી ગ્રુપના MD રસેશ દેસાઈના દીકરા હતા. તેમને 30 વર્ષથી વધુનો બિઝનેસનો અનુભવ હતો. તેમણે કંપનીની સેલ, માર્કેટિંગ અને એક્સપોર્ટ ડિપાર્ટમેન્ટની જવાબદારી પોતાના પર લીધી હતી અને તેને સારી રીતે નિભાવી હતી. તેમની કંપનીનું ટર્નઓવર 1500 કરોડ રૂપિયાથી વધુ છે. વાઘ બકરી ચાની વેબસાઇટ પર જણાવ્યા મુજબ પરાગ દેસાઈ ચા ટેસ્ટિંગમાં એક્સપર્ટ અને સારી સમજ રાખતા હતા. તેમણે લોન્ગ આઇલેન્ડ યુનિવર્સિટીથી MBA કર્યું હતું.

તેમના નિધન પર કોંગ્રેસ સાંસદ શક્તિસિંહ ગોહિલે સંવેદના વ્યક્ત કરતા ટ્વીટર પર લખ્યું હતું કે, ખૂબ જ દુખદ ખબર મળી. વાઘ બકરી ચાના ડિરેક્ટર અને માલિક પરાગ દેસાઈનું નિધન થઈ ગયું. પડ્યા પછી તેમને બ્રેન હેમરેજ થયું. પરમાત્મા તેમની આત્માને શાંતિ આપે. મારી સંવેદના સમગ્ર ભારતમાં ફેલાયેલા વાઘ બકરી પરિવારની સાથે છે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.