ભારતીય યુવાનોમાં કેન્સરના કેસ ઝડપથી વધી રહ્યા છે, તેનાથી બચવાનો ઉપાય શું છે?

કેન્સર વિશે, પહેલા એવું માનવામાં આવતું હતું કે, આ રોગ ફક્ત વૃદ્ધ લોકોને જ અસર કરે છે, પરંતુ હવે યુવાનોમાં પણ કેન્સરના કેસ જોવા મળી રહ્યા છે. ઘણા સંશોધનોમાં એવું જોવામાં આવ્યું છે કે, યુવા ભારતીયોમાં કેન્સર ધીમે ધીમે વધી રહ્યું છે. વર્ષ 2023માં બ્રિટિશ મેડિકલ જર્નલમાં પ્રકાશિત થયેલા એક સંશોધનમાં કહેવામાં આવ્યું હતું કે, ભારતમાં સ્તન કેન્સર, પ્રોસ્ટેટ કેન્સર જેવા કેન્સરના કેસ વધી રહ્યા છે. તેમાં એ પણ જાણવા મળ્યું છે કે, માત્ર 30 વર્ષમાં વૈશ્વિક સ્તરે 50 વર્ષથી ઓછી ઉંમરના લોકોમાં કેન્સરના નવા કેસોમાં 79 ટકાનો વધારો થયો છે.

જીવનશૈલી- કેન્સરના વધતા કેસોનું મુખ્ય કારણ આપણી આધુનિક જીવનશૈલી છે. સ્થૂળતા એ ભારતના યુવાનોમાં વધતી જતી મહામારી છે અને તે 15 પ્રકારના કેન્સરનું કારણ છે. ધૂમ્રપાન અને વધુ પડતો દારૂ પીવાથી પણ કેન્સર થાય છે.

આનુવંશિક કારણો- પરિવારમાં કોઈને કેન્સર થયું હોય તો પણ યુવાનોમાં કેન્સરનું જોખમ રહેલું છે. 5થી 10 ટકા યુવાનોમાં થતા કેન્સરનું કારણ આનુવંશિક હોય છે.

ખોરાકમાં પોષણનો અભાવ- આજકાલ મોટાભાગના યુવાનો પ્રોસેસ્ડ ફૂડ ખાય છે જેમાં પોષક તત્વોનો અભાવ હોય છે. શરીરમાં પોષક તત્વોની કમી સ્વાસ્થ્ય પર ખરાબ અસર કરે છે.

યુવાનોમાં કેન્સરના વધતા જતા કેસ ઘણા કારણોસર ચિંતાનું કારણ બની રહ્યા છે. આ એટલા માટે છે કારણ કે કેન્સર સ્ક્રીનીંગ પ્રોગ્રામ્સ વૃદ્ધો માટે રચાયેલ છે. ઘણા કિસ્સાઓમાં એવું બને છે કે, કેન્સરના પરંપરાગત લક્ષણો યુવાનોમાં દેખાતા નથી જેના કારણે કેન્સરની વહેલી ખબર પડતી નથી.

મીડિયા સૂત્રો સાથે વાત કરતા, એપોલો હોસ્પિટલના ડૉ. પાખી અગ્રવાલ કહે છે કે, યુવા વયસ્કોમાં કેન્સર વધુ આક્રમક હોય છે અને તેની પેટર્નની ખબર નથી પડતી, જે તેની સારવારને વધુ પડકારજનક બનાવે છે.

તબીબોનું કહેવું છે કે, આપણો ખોરાક કેન્સર માટે બેધારી તલવાર જેવું કામ કરે છે. પ્રોસેસ્ડ ફૂડ અને રેડ મીટ વધુ માત્રામાં ખાવાથી કોલોન કેન્સરનું જોખમ વધી જાય છે. તેથી, ફળો, શાકભાજી, આખા અનાજ અને પ્રોટીનની પૂરતી માત્રામાં ખોરાક લેવો.

આ ઉપરાંત, જો આપણે શારીરિક પ્રવૃત્તિઓ ઓછી કરીએ, તો બંને વસ્તુઓ એકસાથે કેન્સરનું જોખમ વધારે છે. તેનાથી બચવા માટે સ્વસ્થ જીવનશૈલી અપનાવો અને નિયમિત કસરત કરો. ધૂમ્રપાન ટાળો અને ઓછી માત્રામાં આલ્કોહોલનું સેવન કરો.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.